Pahele ke jamaane mein kisi bhi chiz par biswas karna aasaan hota tha kyuki uss waqt koi bhi chiz detailed proof nhi maangti thi jo dekha, sunna wahi sabke liye sach hota tha phir chahe wo kisi ke zindagi se related ho, maut se related ho ya kisi ke punarjanam se related. Agar jo kabhi punarjanam ki paat aati thi toh pehle log usse ignore karte hai lekin jab uske strong symptoms dikhne lagte hai toh log usse maan lete hai aisa hi kuch tha ek Thailand ki ladki ke sath jiske pichley janam ke pariwar ne pahele ye maanne se inkaar kar diya tha ki unki beti ka punarjanam hua hai lekin jab sabut ke sath sachai khadi thi toh unhone iss baat par mohar laga di thi ki wo unki hi beti hai jiska punarjanam hua hai.
Thailand jiska prachin naam Shyaam tha aur wo ek bahut khubsurat desh bhi hai. Iski purbi sima par Laos aur combodia hai , dakshin sima par Malaysia aur paschim sima par mayanmar hai. 31 may saal 1949 tak Thailand ka naam Shyaam hi tha . Kuch saal pahele ki baat jab ek 5 saal ki bachi ne ye kehkar apne maa -papa, rishtedaaro ko chauka diya tha ki wo apne punarjanam ke maa -baap ko jaanti hai aur unhe bahut miss karti hai. Usne ye bhi bataya tha ki pichley janam mein wo aur uske maa- baap chinese the. Shuruaat mein toh logo ko laga ki ye bachi hai aur abhi bolna start ki hai toh kuch bhi bol rahi hai lekin jab uske gharwalo ne uski baaton ko bahut Seriously nhi liya toh ek din usne apni punarjanam ki maa ka naam lekar kaha ki usse uske paas jaana hai aur ye bhi baat ajeeb thi ki unn logo ke aaspaas aisa koi bhi Aadmi nhi tha jisse chinesse aati ho lekin phir bhi wo bachhi ek dum saaf chinese bol pa rahi thi yaha tak ki jo jo chize Chinese logo ko pasand aati hai wahi sab chize isse bhi pasand thi jaise ki usse apni ungaliyo se khana pasand tha. Wo kabhi kabhi kehti thi ki usse apne present mummy se jada pichley janam waali mummy se jada piya hai, samaye beetata raha aur dheeme dheeme ye baat saari jagah phel gayi aur jaise taise ye khabar uske punarjanam ki maa ke paas pahuch gayi aur jaise hi unhone ye baatein suni wo khud ko rok nhi pa rahi thi unko ab kisi bhi haal mein apni beti se milna tha. Bheegi palko ko sabse chipaate uski maa din raat usse milne ke baare mein sochti thi aakhir kaar wo din aaya jab uss ladki se milne ke liye wo uski gaaon aai, unhe gaaon ka naam pata tha lekin main road par wo kuch der jaate huye wo confuse si wahi khadi ho gayi thi kyuki unhe uss ladki ke makaan ki haalat ke baare mein kuch bhi pata nhi tha. Isse bhagwan ji ki kripa kahe ya koi daivee sanyog kyuki udhar se hi wo ladki apne school ja rahi thi jisne ye dawa kiya tha ki uska punarjanam hua hai. Ladki ne usse dekhte hi pehchan liya aur maa – maa keh kar chilaati hui daudkar uske paas aa gayi aur unse lipat gayi. Maa ke aanshu bhi dono aankhon ka baand thodkar chalak pade, apni maa ko wo apne ghar le gayi aur waha sabse usne milwaya bhi tha. Baad mein uss ladki ko uss jagah le jaaya gaya jaha wo pichley janam mein raha karti thi uss jagah ko uske apne abhi ke mata pita ne kabhi nhi dekha tha phir bhi wo apne puraane ghar ka rasta pehchanti hui waha pahuch gayi kyuki wo uski pariksha thi ki wo jhut bol rahi thi ya sach jisme wo aache se paas ho gayi thi. Uske Chinese pita lagbhag 50 aadmiyon ke ke sath ek hall mein khade ho gaye the lekin wo jaise hi hall mein ghusi usne apne pitaji ko pehchan liya aur unhe dekh kar wo bahut khush hui. Pahele toh uske Chinese pita ne usse ek sandeh ki najar se dekha lekin baad mein unhe ye yakin ho gaya ki wo uski wahi beti hai jo kuch saal pahele mar gayi thi aur ab usne iss mein dubaraa janam liya hai.
Iske baad uss ladki ko bahut saari chize dikhai gayi unme se usne apni saari chize pehchan li thi . Usne apni unn chizo ko bhi dekhna chaha jo waha maujud nhi the. Shuruaat se hi wo iss prakar ka behaviour kar rahi thi maano wo iss jagah par hi reh rahi ho. Usne khud ki bina kisi ke help se apne ghar par rakhi ek ek chiz dhund Li thi. Punarjanam lene waale dusre logo ki tarah iss ladki ko bhi mrityu aur punarjanam ki avasthaon ke bich ki smrti thi. Usne bataya ki mrityu ke baad hi wo dusri chinese ladki se mili aur kuch der tak sath ghumte rahi. Puchtach karne par pata chala ki dusri ladki bhi ussi din Mari thi jis din ye ladki mari thi. Dono ki mrityu chhoot bimaari le phailane se hui thi iss baat se uss ladki ki batayi gayi saari information ko bhali prakar pushti ho gayi thi. Ye kahani ho sakhti hai aane waali movie Karan Arjun 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
