Sachin Rajput 3rd Feb 2017 ko Andheri West se Powai ja raha tha. Yeh uske office se lautne ka samay tha, aur roz ki tarah woh auto mein nahi balki apni nayi bike classic 350 ki ride enjoy kar raha tha. Usne bus Jogeshwari bridge cross ki hi thi ki usse ek bike ne aakar takar maardi. Yeh bike bahut tezi se Sachin ko udha kar aage nikal gayi. Takar hote hi piche wali bike ne breaks maare jabki Sachin sambhaal nahi paya toh woh bike se udhte hue aage jaa gira. Badi tezi se uski bike zameen par giri, aur uska sar zameen se jaa takraya. Sachin ne helmet pehna hua tha, isi liye uske sar par major injuries nahi aayi, magar woh abb hosh mein nahi tha. Peeche wala biker turant hi nikal gaya. Usse kayin chotein aayi, magar woh jaanta tha woh kiska area hai. Agar woh wahan rukta toh uske upar bada case hojata!
Sachin ke girte hi wahan ka head Police officer wahan aa pahucha! Sachin ke aas paas yeh Police ka head aur uske saath 3 aur Police waale madat kar rahe the. Inmein se 2 ne Sachin ko uthaya aur baaki 2 usse paani pilane ki koshish kar rahe the. Iske baad 1 Policewale ne Sachin ki bike side mein park ki aur baaki ke 2 policewale Sachin ko hospital lekar gaye. Wahan emergency ward mein Sachin ko lajaya gaya, usne dekha ki yeh dono policewale bhaar hi khade hain. Sachin ka X-ray kiya jaa raha tha yeh dekhne ke liye ki kayin koi internal chott toh nahi aayi hai, magar iss pure samay tak yeh dono bhaar hi khade the. Iske baad uss Police ke head ne Sachin ki halat ke baare mein doctor se pucha. Yeh pata lagne par ki Sachin ko bus kuch choti moti chotein aayin hai, Policewalon ne phir bhi jaana sahi nahi samjha. Woh tab tak wahan rahe jab tak Sachin ke ghar waale wahan nahi aaye.
Itna hi nahi gaadi ki chaabi bhi Policewale ne Sachin ko di, aur sachin bilkul bhool gaya tha ki uski abhi abhi engagement hui hai aur usne haath mein diamond ki ring pehn rakhi thi. Woh bhi accident ke dauraan gir gayi thi, jo policewale ne dekhli thi. Sachin ke hosh mein aane par policewale ne usse woh bhi lauta di.
Policewale ne yahi samjhaya ki woh jaanta hai ki kabhi kabhi kinhien cheezon se yaadein judi hoti hai, aur aise mein mauke ka fayda uthana Police ki wardi ko shobha nahi deta.
Doctors se confirmation ke baad woh Policewala wahan se chala gaya.
Toh bus hamare Chulbul Pandey bhi toh aise hi hain.Unka dil bhi itna hi saaf hai toh kya pata iss baar aisa hi koi scene hamein Dabangg 4 mein dekhne ko mile!
Description
Sachin from Mumbai met with an accident where he was taken to the hospital by an honest Police officer.
-By Pratima Ratwani.
