Bheem Rao Hyderabad mein rehne wala ek mamuli sa constable tha. Bheem ki zindagi bahut normal thi, aur usne kabhi yeh nahi socha tha ki woh ek din “Hero” kehlaya jaayega. Bheem Rao kariban 7 saal se constable ki duty nibha raha tha, aur uska pura din files tatolne mein nikal jata tha.
Magar ek din kuch alag hua. Achanak se files mein ghum rehne wala Bheem na jaane kitne logon ki zindagi ka maseeha ban gaya, yeh aaj bhi kaabil-e-tareef hai. Hyderabad ke ek Humayun Nagar mein ek din ek hadsa hua. Yeh ek 4 maale ki building thi, jin mein lagbhag 8 families rehti thi. Inn families mein budhe, bache aur jawan sabhi the. Uss din subah ke 11 baj rahe the. Kuch log kaam par chale gaye the, toh bache school mein padh rahe the. Building mein kuch 20 log the. Waise toh iss building mein hamesha hi chahal pahal rehti thi, magar uss din building mein shanti thi. Aur isi shanti mein kab building mein aag lagyi kissi ko pata hi nahi chala. Monday ki subah Police station par jab pata chala, toh uss samay sirf Rao hi duty par aya tha. Usne turant hi wahan jakar aas paas ke logon ko alert kardiya.
Building mein kaafi aag phail chuki thi, aur fire brigade abhi nahi aayi thi. Itne mein Rao ne dekha ki upar ke floors par rehne waale log hadbhadhaat mein neeche aane ki bajaye upar terrace par jaa rahe hain. Rao turant hi inn sabko bachaane ke liye wahan pahuch gaya. Isne kam se kam 6 logon ko safe raaste se neeche utara. Uske upar se building mein jo kuch budhe the unhein bhi utha utha kar, Rao bhaar nikaal kar laya. Aise mein usse khud bhi kuch burns aaye the, magar woh ruka nahi.
Aur apne presence of mind se Rao ne jo kuch cylinders the building mein, jo aag ki wajah se aur tabahi macha sakte the, unhein bhi thikaane lagaya, taaki yeh hadsa aur naa badhe. Aise karte karte 2 ghante tak woh site par tha, jiski wajah se kisi ki bhi maut nahi hui. Sabhi logon ko ambulance mein ravana kar kar, Rao ne fire brigade ke saath milkar uss aag ko bhi bhujaya.
Iske baad department mein uski kaafi tareef hui, aur uska naam bhi bahut news channels parr aya. Iss veer yodha ko department mein taraki mili, aisi bhi khabrein ayin!
Toh bus Soorya apne next mission ke liye jis team ko khud bana raha hai, aisi team jo desh ke liye kuch bhi kar paayegi, uss list mein Rao jaise Honhaar aur nidar constable ka naam bhi ho sakta hai. Akhir Soorya chun chun kar hi apni team jo banayega!
Toh bus tyaar hojayiye kuch bhadhuri ke scenes dekhne ke liye.
Banne rahiye Bollygrad Studioz ke saath. Umeed karte hain aapko hamara yeh video pasand aya hoga.
Description
Bheem Rao, a constable, saved 20 lives and was later recognized in the system. He can become a part of some inside team in government.
-By Pratima Ratwani.
