Boeing 747 ek bahut hi famous plane ka model hai. 2019 mein kuch log isi Air India ke plane mein Delhi se Mumbai aa rahe the. Plane ne take off kiya aur araam se uski landing bhi hogayi. Magar kya pilot ke liye yeh ek normal flight thi?
Aur plane 20 minute late kyun land kiya tha?
Aur ATCI wale kyun iss plane ki landing ki aas lagaye baithe the?
Darsal, uss din iss plane mein kariban 180 passengers the. Yeh route kaafi important route mana jaata hai, aur kayin flights iss route se aati jaati hain. Uss din bhi yahi hua. Boeing 747 Delhi se Mumbai aahi raha tha, jab achanak se iska ek engine beech flight mein kharaab hogaya. Iss plane ki ache se jaanch ki gayi thi, aur sabhi cheezein udaan se pehle engineers ke daura parkhi gayi thi. Plane mein koi kharabi nahi dikh rahi thi, isi liye hi isse udaane ka clearance mila tha. Magar udaan ke kuch aadhe ghante baad hi Pilot ko samjh agaya tha ki iska ek engine fail hogaya hai.
Abb plane sirf engine ki wajah se hi nahi udta hai. Plane ka structure hi aisa hota hai. Jab plane ke engine mein take off ke samay woh hawa jaati hai, tab woh fuel ke saath milkar plane ko aage bhadhne mein madat karti hai. Bahut controlled rate par yeh aag engine mein lagti hai jo plane ko udhne mein madat karti hai. Jo yeh air aur fuel ka mixture hota hai yahi “propeller” ko push deta hai jisse plane udhne lagta hai. Abb jo plane ki body hoti hai woh hawa ko kaat ti hai. Jiski wajah se plane itna bhaari hone ke bawajood udhne lagta hai. Plane mein jo atmospheric difference create ho jata hai, woh plane ko hawa mein rehne deta hai. Aise mein kya engine fail hone se plane ke crash ke chances badh jaate hain?
Haan bhi aur naa bhi. Darsal Boeing 747 ek 4 engines wala plane hain. Jab uss din iss plane mein malfunctioning hui tab sirf 1 engine iska kharab hua tha. Baaki ke teeno engine abhi sahi the. Pilot jaanta tha ki usse abb kya karna hai. Plane ko safe landing ke liye speed kam karni thi, aur toh aur jiss height par woh udh raha tha usse bhi Dheere Dheere neeche karna tha. Pilot ne koi announcement nahi ki aur araam se plane ki landing karwa di. Teen engines ke saath bhi perfect landing hui, aur pilot ko uske skills ki wajah se recognition bhi mila.
Toh bus Akshay Kumar, hamare Soorya iss baar aise hi kisi plane ko perfect landing karate dikh sakte hain. Movie ke plot mein woh iss plane ke passenger honge jinhein iss situation ka pata chal jaayega. Aur woh as pilot nahi balki as a hero iss plane ki landing karayenge!
Description
Boeing 747 flying from Delhi to Mumbai lost its engine in midway.
-By Pratima Ratwani.
