Delhi aur Delhi ke hadse!
Tauba!
Delhi ke Vivek Vihar Area mein harr roz ki tarah hulchul thi. 2019 September ki baat hai jab iss area mein harr koi apna roz ka kaam dekh raha tha. Aise mein Police bhi apne roz ke kaam mein vyast thi. Aisa kuch khaas nahi tha aaj ke din, magar Police bahut time se checking ke liye nahi nikli thi. Area mein shanti thi aur Police ko uss din laga ki unhein yunhine area chaan na chahiye. Law and order bana rahe isi liye iss din Police ne jagah jagah checking ka schedule banaya tha. Police ka koi maksad nahi tha ki woh logon ka kaam disturb karenge, magar woh sirf aur sirf cheezein sahi rakhna chahte the. Bus isi liye teen sub inspectors ne area ko baant liya, aur kariban 11 baje nikal gaye. Area bahut bada tha isi liye shaam hone wali thi. Isi wajah se isse teen hisson mein baant liya gaya.
Ismein se ek sub inspector ka naam Rajkumar tha. Rajkumar kareeban 34 yaa 35 ka officer tha, jisse log pasand karte the. Rajkumar zayda kuch bolta nahi tha magar woh apne kaam ko lekar kaafi serious tha. Usne kaafi samay yahin posting le rakhi thi, aur woh abb area ke logon ko jaanta tha. Isi liye jab woh uss din uss area mein checking ke liye nikla, toh usse kuch bhi alag nahi dikh raha tha.
Magar hua yun ki isne dekha ki ek choti si dukaan mein kuch naye ladhke baithe hain. Khair usse laga kuch customers yaa yunhin musafir honge isi liye woh bina kuch bole aage nikal gaya. Aage jakar usne ek truck khadi dekhi. Truck ki number plate Punjab ki thi isi liye usne socha aise hi check karliya jaaye toh acha hoga. Isi liye woh aas paas ke dukanwalon se puchne lag gaya ki trucks kis ki hain. Tab jakar pata chala ki yeh unhin ladhkon ki hai! Tab Rajkumar ne bade tehzeep se kaha ki usse truck check karne di jaaye toh ladhke bhadhak gaye. Rajkumar ko unke attitude se lag gaya ki kuch gadbad hai. Woh force karne laga. Baaton hi baaton mein ek ladhke ne keh diya ki truck mein shaarab hai jisse woh bechne aaye hain. Abb unke paas license bhi nahi tha. Isi liye Rajkumar ka pura haq banta tha ki woh inhein giraftaar karle.
Itne mein jhagdha bhadh gaya aur ek ladhke ne Rajkumar ko chaku se maar diya. Chaku itni zor se laga ki Rajkumar wahin mar gaya. Ladhke bhaag gaye magar aas paas sabhi ne unka huliya dekh liya tha.
Toh kya Dabangg 4 mein Rajkumar ki maut ka badla lega Chulbul?
Kya Rajkumar ko Chulbul ka best friend dikhaya jaayega, jo duty nibhate nibhate chal basa. Yeh dekhne layak hoga!
Description
A sub-inspector in Delhi was killed in the daylight as he caught a gang that was supplying illegal liquor.
-By Pratima Ratwani.
