Kamaladevi ek shudh Brahmin family se thi. Unka janam Mangaluru mein hua tha, aur unke pita wahin par Collector the. Kamaladevi ki dadi Puraan aur Ved ko bahut ache se padhchuki thi, isi liye jab Kamaladevi bhi Dheere Dheere badi ho rahi thi tab dadi usse alag alag kahaniya sunaya karti thi. Kamaladevi ki maa bhi padi likhi thi aur shayad isi liye Kamaladevi ne apna interest aur apna raasta apne ghar walon ki parvarish ko dekh kar hi chuna tha.
Kamaladevi ka drama, literature aur arts mein bahut interest tha. Woh college bhi jab jaati thi toh aisi hi cheezon mein unka involvement rehta tha. Unke interest uss zamane mein bahut hi alag the. Magar kyun ki woh pade likhe khaandan se thi toh unhein inn sab cheezon ko samjhne mein dikkat nahi hoti thi.
Unki shaadi hui jab woh 20 saal ki thi. Uske baad woh London rehne chali gayi. Wahan par unhone bahut kuch seekha, jismein sabse zyada unhein yeh samjh aya ki kaise Hindustaaniyon ko kam samjha jata tha. Unhein London, mein drama aur arts ke baare mein toh pata chala hi, magar unke saath jaisa bartaav kiya jata tha, woh sahi nahi tha.
Isi liye Kamladevi India tab lauti, jab unki sabse zyada zaroorat thi. India mein tab non-corporation movement chal raha tha, jisse Gandhi Ji chala rahe the. Tab aisi speaker ki zaroorat thi jo logon ko iss movement mein join karne ke liye utsa sake. Kamaladevi se acha koi aur ho hi nahi sakta tha.
Kamaladevi ne Seva Dal join kiya aur woh jagah jagah jaakar logon ko prerit karti thi iss movement mein bhaag lene ke liye. Unki awaaz bahut si aurton ko kheech laayi thi. Woh jaanti thi ki Naari shakti kuch bhi kar sakti hai, aur naari ko jagaane ke liye ek naari ki hi zaroorat thi jo Kamaladevi jaanti thi.
Woh jagah jagah jaakar aurton ke saath chuhle par roti sekti thi, aur unhein manati thi ki kaise unhein bhi ismein hissa lena chahiye. Jab aurton ki gaon mein baithak hoti thi, tab Kamaladevi wahan par mukhiya speaker hoti thi. Woh logon ko khaas kar aurton ko azaad Bharat ke sapne dikhati thi.
In fact, Kamaladevi woh mahila thi jisse sabse pehle arrest kiya gaya tha Dandi March mein. Unhone Bombay stock exchange mein jaakar tamasha kiya tha. Woh kisi se nahi darti thi, aur unhone apni padhai angrezon ko apni taakat dikhaane mein aazma li thi. Kamaladevi ka naam South mein hi nahi, balki pure Bharat mein phail gaya tha.
Toh bus iss baar aisa hi strong female character hamein RRRR mein dekhne ko mil sakta hai. Dekhna yeh hoga ki isse screen par kaun nibhata hai!
Description
Kamaladevi was one of the few Indian women who were brave enough to voice her opinion in the non-corporation movement in India.
-By Pratima Ratwani.
