Vikash Dubey ka naam aaj kon nhi jaanta hai uttar pradesh mein, vikash Dubey waha ke sabse bade aur khatarnak don mein se ek the. Vikash Dubey ka janam 26 december saal 1964 ko Uttar Pradesh ke chaubeypur block ke ek gaaon bikaru mein hua tha . Unke pita ka naam Ramkumar dubey aur unki maa ka naam Sarla devi hai. Vikash Dubey total 5 bhai behen the jinme Vikash apni do behno se chote hai, Vikash ke jo ek chote bhai hai Avinash saal 2002 mein Goa garden ke ek ghar mein unki murder kar di gayi thi, wahi unka sabse chota bhai Deepu dubey takriban 10 saal pahele se hi gaoon mein nhi reh kar apne family ke sath Lucknow ke gomtinagar ke ek flat mein reh rahe the aur unke sath unki maa sarla devi bhi rehti thi. Saal 1997 mein vikash ne richa naam ki ladki se shaadi kar li thi uske baad uske do bete bhi hai . Apni choti si umar mein hi Vikash ne ek gang banai aur jameen hadapne aur hatya karne laga tha, wo aksar aam logo ke jameen hadapne ke liye nisaana banata tha kyuki wo unhe aasaan compitition maanta tha. Vikash jald hi Kanpur mein sabse vaanchhit apradhiyo mein se ek bann gaya tha jiske upar pahela maamla saal 1990 mein hatya ke liye darz kiya gaya tha , aur uske baad turant hi wo waha ke rajneta Harikishan Srivastava ke karibi sehyogi ke roop mein jud gaye the. Harikishan uss waqt BJP ke neta the lekin baad mein bahujan samaj party mein shamil ho gaye the. Vikash bhi saal 1996 – 1996 mein BJP mein shamil ho gaye aur gilla ke level par unhone chunav jeeta agar sahi maayne mein dekha jaaye toh unhone wo chunav apne bahubal ke dum par jeeta tha. Vikash saal 2001 mein bhajpa neta Santosh Shukla ki hatya ke mukhya aaropi the jo uss samaye mantri bane the. Unhe giraftaar bhi kiya gaya tha lekin baad mein kathit roop se unke rajnitik prabhao ke kaaran unhe chuti de di gayi thi. Vikash Dubey kisi film ke khalnayak se kam nhi the, unke baare mein batayaa jata hai ki jab unhone thana mein ghus kar dhamki di thi ki jo ukhadna hai ukhad lo aur aisa hi hua unke darr ke wajah se kisi bhi police waale ne unke khilaaf gawahi nhi di.
Vikash ne iske alawa saal 2000 mein kanpur ke shivli thana chehtra sthit tarachand inter college ke Assistant manager Siddheshwar Pandey ki hatya ke maamle mein bhi vikash Dubey ko naamjad kiya gaya tha. Aur issi saal unke upar Rambabu yadav ki hatya ke maamle mein sazish rachne ka aarop lagaya gaya tha. Ye sazish usne jail mein baith kar rachi thi. Saal 2004 mein ek cable businessman Dinesh Dubey ki hatya mein bhi vikash ka hi naam aaya tha . Wo khud ko iss tarah bacha liya karta tha maano uske upar koi case hi na ho thik aisa hi hua tha saal 2013 mein lekin saal 2018 mein jab uske chahere Bhai anuraj ki patni ne vikash par case kiya toh laga ki ab sayad Vikash jail ke andar jaayega, lekin apne pahuch ke wajah se wo waha se bhi chutt gaya.
3 July saal 2020 ko Vikash aur unke logo ki giraftaari ke koshish ke dauraan 8 police waalo ki maut ho gayi thi jisme ek police superintendent bhi samil the, l jabki 7 police officer ghayal ho gaye the, jab forensic report aayi toh usme pata chala ki uss police superintendent ki murder bahut hi berahamee se kar di gayi thi, jabki baaki police waalo ke paas se vibhinn hathiyaro se alag alag goli ke ghav the, jo ek ghat ka sanket dete the. Iske baad mein police ne AK-47 rifle aur ek insaas rifle ke sath aur bhi hathiyar ko baramad kiye. Kanpur ke IGP ne kaha ki kam se kam 60 logo ne police team par ghaat lagakar hamla kiya jinki ginti sirf 30 batayi gayi thi. Jab jaanch hua toh ek call record se pata chala ki Vikash kai police waalo ke contact mein tha jinhone ye information leak ki thi, uske baad toh kanpur prashaasan ne uss ghar ko ussi buladojar se dhaha diya jiska istemaal Vikash aur unke log ne ghaat ke dauran kiya tha. Vikash aur uske sathiyon ko giraftaar karne ke liye 25 police waalo ki ek team banayi gayi aur phir vikash ko 9 july saal 2020 ko madhya pradesh ke Ujjain mein Mahakaleshwar mandir mein giraftaar kiya gaya tha. Unhe giraftaar kiye jaane ke duraan police waalo ko bataya ki unke apne sehyogi se unke maare jaane ki aashanka thi, lekin police waalo ne unki baat par dhiyan nhi di aur unhe 10 July saal 2020 ko jail lekar jaya ja raha tha tab ek encounter mein unki gaadi palat gayi thi jiske baad wo maare gaye the. Ye kahani ho sakhti hai aane waali movie Tridev 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
