Whitney Elizabeth Houston ka janm August 19, 1963 ko New York ke New Jersey mein hua tha. Whitney ki mother, Emily Houston ek gospel singer thi aur Drinkard singer ka bhi ek hissa thi. Whitney ke father John Russell Houston, ek ex-Army servicemen the. Whitney ke bade bhai ek song writer the unke dusre bhai ek basketball player ke sath sath ek singer bhi the. Whitney ke family mein jyadatar log famous singer the aur unhi chizon se inspire ho kar Whitney ne bhi singing line mein apna interest dikhana shuru kar diya. Houston sirf 5 saal ki umra mein hi church mein gana gana shuru kar diya tha. Aur 11 saal tak pahunchte pahunchte unhone piano bajana bhi Sikh liya tha uske sath sath Whitney ne 11 saal ki umar mein hi Church mein wo as a soloist perform bhi karne lag gayi thi. Whitney ne apna pura bachpan apni maa se singing sikhne mein bitaya.
Sirf 14 saal ki umar mai hi Whitney ne apne maa ke sath new york ke Cabaret club mai as a background singer gana shuru kiya Aur wahi par Whitney ki maa ne unhe encourage Kiya as a lead singer gane ke liye.
Uske baad Whitney ne Manhattan town mai ek solo lead performance diya Jahan wo kayi sare bade bade song producers ki nazaro mai aayi jaise ki Michael Zager aur Paula Jabra. Saal 1980 tak Whitney ne Khan aur Lou Rawls ke album mein apni awaaz as a background singer di aur Usi saal wo Houston Robyn Crawford se mili. Dono as counselors youth summer camp mein kaam karte the. Time ke guzarne ke sath sath Whitney aur Roby dono kaffi ache dost ban gaye.
Whitney ka fashion modeling mein bhi kaffi interest tha to ek din Whitney ko ek photographer ne dekha aur unhe fashion modeling mein jane ke liye prerit Kiya. Wo photographer Houston aur unki maa ko ek performance ke time pe film kar raha tha. Baad mein Houston ne fashion modeling mein bhi apna kadam rakha aur wahan bhi unhone kayi jhande gadde. Whitney peheli aisi singer bani Jo ek fashion modeling cover mein feature huyi thi sath hi Wo alag alag magazines mein bhi feature hone lagi, Jesse ki glamour cosmopolitan aur young Miss. Whitney ke beautiful face aur unki attractive personality ke wajah se wo ek kaffi famous teen model ban gayi. Un dino Whitney ko kai sare bade bade music ke offers bhi aane lag gaye the lekin unki maa un offers ko reject kar deti thi kyuki wo chahti thi ki Whitney pehele apni padhai khatam karle aur baad mein music industry mein kaam kare.
saal 1982 mein Whitney ne Tara production ke sath contract sign kar liya aur Gene Harvey ko as a manager bhi hire kar liya. Unhi ke sath Whitney ne baad mein apna recording career aage badhaya aur us waqt ke famous producers jaise ki Michael Beinhorn, Bill Laswell aur Martin Bisi ke sath bhi kam kiya aur ek successful singer banne ki rah par nikal padi.
Saal 1983 ke February mein Gerry Griffith ne Whitney ko apni maa ke sath perform karte huye dekha. Aur unke performance se impress ho kar Whitney ko worldwide record deal ke liye conceive kar liya. Usi saal Whitney ne apna debut national television mein bhi Kiya. Labels nehi chahate the ki Whitney ko koi dusra label sign kar le jiski wajhe se Whitney ki sari demands ko pura kiya jata tha. Whitney ne pehele Davis ke sath “The Merv Griffin” show par ek duet gaya.
Saal 1985 mein Whitney ka career ek pura alag mod le leta hai. Whitney Houston ke February 14 ko release Kiye gaye valentine’s day ke baad unhe alag alag Nick names Milne lage the. Whitney Houston ko alag production house se offers bhi Ane lage the aur producers Whitney ki sari demands ko pura karne ke liye bhi taiyar the. Whitney un dino ek kaffi successful aur kaffi famous singer ban chuki thi sathi sath wo films aur fashion modeling mein bhi achi tarah se grow karne lagi thi. Whitney ne kayi sari movies mein bhi kaam kiya aur wo kayi baar live performance bhi kiya Jahan par unhe dekhne ke liye dur dur se unke fans aate the. Whitney ne aage chal kar kayi sare singing reality shows mein bhi as judge kaam kiya. Whitney ne apna naam billboard list mein top par darz Kiya aur us time par Whitney ke barabari ka koi bhi singer nahi tha.
Saal 1986 mai March 8 ko Whitney billboard list mein top 200 mein aayi aur pure 14 weeks Tak wo billboard list mein top pe Rahi. Saal 1986 mein Whitney ko 3 Grammy awards ke liye bhi nominate Kiya gaya Aur unhone apna pehela Grammy award best female pop vocal performance ke liye jeeta. Houston ne 7 American Music Awards jeete aur MTV Music Award bhi jeeta.
Saal 1989 mein Houston ne ek foundation create Kiya jiska naam Whitney Houston Foundation tha aur us foundation ka kaam bachon per focus karne ka tha. Ye foundation gareeb bachon ko education, food aur shelter Dene pe focus karti thi. Whitney ne aage chal kar kayi sare fund raise Kiye aur unke ye kam dekh unke fans ki sankhya aur bhi jyada badh gayi.
Saal 2001, September 11 ke terrorist attack ke baad Whitney ne apna ek single release Kiya tha aur usme se mile huye sare paise unhone victims aur firefighters ki madad ke liye diye.
Baad mein saal 1992, 18 July ko Whitney ne Bobby Brown se shadi ki. Aur unhe ek beti bhi huyi. Dhire dhire Whitney apne career mein aage badhte rahe aur unke husband Jo ki pehele se hi kayi sare drugs use aur kayi sare alag alag crimes ke wajah se jail jaa chuke the wo Whitney ki success se jalne lagta hai jiski wajhe se Whitney aur unke husband ke bich din ba din jhagde badhta reheta hai aur un ki choti si beti ko bhi is chiz se suffer karna padta hai. Dhire dhire Whitney bhi apne depression se ladne ke liye alcohol aur drugs consume karne lagti hai aur dhire dhire wo un chizon se addict ho jati hai. Drug addict hone ke baad Whitney ka career bhi doobne lagta hai, unhe producers ignore karne lagte hai aur Whitney ka bartaw bhi bahut jyada badal jata hai. Whitney apne kaam pe bilkul bhi focous nahi kar pati aur dhire dhire unhe kaam milna bhi band ho jate hein.
Wo raat February 11, 2012 ki thi jab Whitney Houston ki dead body ek hotel room ke andar se mili aur wo bhi thik Grammy awards ke baad. Unke maut ka reason heart disease aur cocaine ka zyada istemal tha. Baad mein ye pata chala ki Whitney ne kayi sare alag alag tarah ki Drugs aur cocaine ko consume Kiya tha jiski wajah se unka heart fail ho gaya aur unki maut ho gayi.
