Hum sab jaante hai ki desh ke liye aap jo bhi kaam karo usme risk bahut jada hoti hai, khaas karke spy agent waale kaam mein kyuki iss kaam mein maut har waqt aapke sar par mandra rahi hoti hai aur issi khatarnak kaam ko karne ke liye Gordon ne apni padhai chor di thi taaki wo apne desh ki sewa kar sake. Gordon Arnold Lonsdale ka janam 27 August saal 1924 ko colbalt, Ontario Canada mein hua tha. Unke pita Emmanuel Jack Lonsdale ek miner the aur unki maa ka naam Olga Elina Bousa tha jo Finland ki ek immigrant thi. Gordon ko saal 1931 mein alag kar diya gaya tha aur phir ek saal baad Olga apne bete ko wapas apne native Finland le gayi thi. Gordon ka asli naam Kanon molody tha aur inke bete ke hisaab se molody ka janam saal 1922 mein Moscow mein hua tha aur inke pitaji ek scientist the. Molody apni padhai puri kar hi rahe the ki Soviet union vibhaag ki nazar unn par padi jab wo NKVD ke head genrikh yagoda mein the. Kanon ki maa ko saal 1933 mein California mein ek aunt ke sath rehne ke liye America jaane ke liye passport dilaane mein madad ki thi. Saal 1938 mein molody Soviet union wapas aa gaye the aur October saal 1940 mein unhe second world war ke dauraan laal sena mein unhe niyukt kiya gaya tha aur unki sewa ki gayi thi. Yudh ke baad saal 1946 mein ek videshi business ke kanoon vibhaag mein ek student bann gaye the jaha unhone Chinese bhasa shikhi aur saal 1951 mein unhe Soviet videshi secret agent mein shamil kar liya gaya tha aur ek illigal spy ke roop mein unhe training diya gaya tha, jiske baad unhone shaadi kar li aur kuch saalo ke baad unke do bete bhi huye the , molody apne ghar mein apne pariwaar ke sath kaafi khush the. Saal 1953 mein ek mrit waikti ke passport ka istemaal karte huye ek Soviet business man ship par molody ne Canada ke liye prasthan kiya tha. Yudh ke dauraan Soviet union duwara kabza kiye gaye Canada se America gaya tha jaha usne apne company ke sath nuclear power ki jasus Rodolfo Abel ki madad ki aur waha wo do american se bhi miley jo Peter aur Helen Kroger se bhi miley jinhone KGB ke liye kaam kiya tha unke communist biswas par. Saal 1954 mein Kanon molody London gaye jaha unhone London University school of Oriental and African studies ke liye course kiya tha.
Ussi saal unhe great Britain mein transfer kar diya gaya jaha unhe ek alag hi naam aur paihchan diya gaya tha aur wo naam tha Gordon Arnold Lonsdale . Unhone ek group ka aayojan kiya jo portland, Dorset mein underwater detection establishment se pandubbi ka pata lagane ka kaam kar rahe the , phir unhone secret ko jama karna shuru kar diya tha . Uske baad kiya tha unhone apna asli game shuru kar diya tha, wo unn har logo se dosti apni aachi kar rahe the jinke paas uss underwater detection ka kuch Idea ya kuch secret paper hua karta tha. Molody ko jaise jaise papers ya documents milte wo usse jama karte jaata aur apne ek khabari ke madad se Soviet union tak usse pahuchata lekin molody wo jada dino tak nhi kar paya aur 7 January saal 1961 ko usse giraftaar kar liya gaya tha aur uss waqt sirf molody ko nhi balki uske sath aur chaar logo ko pakda gaya tha aur aisa nhi tha ki waha jasusi sirf molody kar raha tha wo jo chaar aur logo ko pakda gaya tha wo saare ke saare waha kisi na kisi desh ke liye jasusi karne aaye the. Molody ko 23 April saal 1964 tak wahi jail mein rakha gaya tha lekin phir baad mein unko waha se Soviet wapas bhej diya gaya tha.
Molody ke liye Soviet union mein unka jeevan bilkul aacha nhi tha aur toh aur unhone Jo desh ke liye kiya uske baad unhe ek mamuli sa award diya gaya aur unhe ek choti si post par job de diya gaya tha jiske baad se molody ko bilkul ab Soviet ke liye kaam karne ka Mann nhi tha aur ab wo dheere dheere sharaab bhi peene lage the. Saal 1970 mein ek mushroom chuunne waale abhiyan ke dauraan Kanon molody ki mrityu ho gayi thi jisse kuch logo ne sabko ye sochne par majbur kar diya tha ki unki mrityu ek rahasyamayi tarike se hui thi kyuki jab unki mrityu hui thi toh wo uss waqt sirf 48 saal ke the aur sahi salamat the. Ye kahani ho sakhti hai aane waali movie Black Tiger ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
