Kisi ne sahi kaha hai ki jab ek aurat ki ghar ke upar kiu baat aati hai toh usse wo bardaas nhi hoti hai aur wo kabhi kaali toh kabhi don ka roop le leti hai, aisa hi kuch hua tha Santok Ben ke sath. Santok ek normal lady thi jo apne bacho aur pariwaar se behad piyar karti thi lekin kuch logo ne inke sath aisa kuch kiya ki wo Porbandar ki lady don bann gayi jinhe aaj bhi koi bhula nhi paaya hai. Ek waqt aisa tha jab Shanti priya Mahatma Gandhi ke sehar Porbandar mein santok ka kahar hua karta tha, log uske naam se bhi kaanpte the aur yahi nhi ghar mein aapsi ranjiso ki wajah se kai maute bhi hui hai isliye log Kehte hai ki santok ben ke ghar se khoon ki naaliya behti hai. Unka vivah Maher community ke ek neta Sarman munja jadeja se hua tha jo Maharana mill mein ek normal mill worker the lekin jab unhone local gangster Devu Vagher ki murder kar di jisse mill ke malik ne hadtaal todne ke liye kaam par rakha tha aur tab wo ek Don bann gaya tha lekin jiske baad Sarman purey porbandar mein mashur ho gaya tha. Saal 1986 tak Santok Ben ek housewife thi aur ek maa hone ki bhumika nibha rahi thi lekin ek din aisa kuch hua ki unko apne bacho ke liye apradh ke dal dal mein utarna pada tha. Saal 1986 mein Sarman ko kaafi samjhane ke baad wo jurm ka rasta chhodne ke liye taiyaar ho gaya tha aur imaandari ki raah pakad li thi. Sarman ne jab jurm ka rasta chhoda toh uske kaale itihaas ne pichha nhi chhoda kyuki uske dushman usse maarne ka intezaar kar rahe the aur ussi saal usse goliyon se bhuun kar maar diya gaya aur santok ben ko unke bacho ke sath maarne ki dhamki dene lage. Jab ye baat Santok ko pata chali toh usse bilkul bardaas nhi hua aur ghar ki simaao tak rahi santok ben ne ghayal sherni ka roop dharan kar liya aur usne hathiyar uthakar ladne ka faisla kiya aur nikal padi apne pati ke hattyaro se badla lene ke liye.
Santok ben ne hathiyar uthakar apne pati ki puraani gang ko dobara ikhata kiya aur kuch hi samaye mein unka terror purey gille mein phail gaya tha. Badle ki aag mein jal rahi santok ben ne uske kathit hattyaro ko apne gang member ki madad se unn sabhi 14 logo ko maut ke ghaat utarwa diya jinn par usse pati ki hattya karne ka shaq tha. Iss lady ganster ki image ke sath Santok ben ne saal 1989 mein huye vidhansabha chunav mein participate kiya aur jeet darz ki aur wo Porbandar gille se chuuni jaane waali paheli vidhayak thi. Ek mahila ganster santok ben ne ye chunav jeeta tha wahi saal 1990 mein huye vidhansabha chunao mein janta dal ke ticket par 35 hazar ke voto se chunav jeetkar Santok Ben vidhayak baani aur wo ek aisa daur tha jab ilaake mein real estate se lekar transport tak ke business mein unka sikka chalne laga tha. Santok ben jadega ko paheli baar giraftaar karne waale police afsar the Sathish Sharma, jinhone ek interview ke dauraan Godmother se jude kai khulashe kiye the. Sathish Sharma ne bataya tha fhiroti ho ya murder, ya taskari ho ya wasuli har crime mein Santok Ben ka dabdaba tha, aur yahi nhi unhone Porbandar mein hone waale real estate business aur transportation par pakad bana li thi aur yahi ek karaan tha ki unke politics mein aane ke baad digaaj netao ne uska samarthan kiya tha. Santok Ben ka rajya ek dasak se jada chala tha lekin 90 ke dasak mein uski pakad apne gurgon par kamjor padh gayi thi jiske wajah se unse ek chuk hui aur baad mein wo giraftaar kar li gayi thi. Santok ben jadega ke jurm ka sansaar Porbandar tak simit nhi tha usne yaha tak ki underworld se bhi connection bana rakhe the, usse underworld don karim lala ka bahut karibi mana jata tha. Santok ben maut se pahele apne pariwar ki nai pidi ki maut ki gawah bani thi, hua ye tha ki January saal 2007 mein unke 23 saal ke bhatije Naoghan arsi ki goli maar kar hatya kar di gayi thi aur toh aur usse pahele unki Bahu ko bhi goli maar diya gaya tha aur jisne goli maari thi wo aur koi nhi Santok Ben ka chota beta tha kyuki Santok ben apni bahu ko apna uttradhikaari banana chahti thi. Santok ben ne apni aakhiri sanse April saal 2011 mein li thi jiske baad unka heart attack se nidhan go gaya tha. Ye kahani ho sakhti hai aane waali movie Tridev 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
