Pagal Khaana koi ghumne ki jagah toh nahi hai, magar kabhi kabhi writers yaa journalists kuch sawaal puchne, kuch kahaniyaan jaan ne wahan chale jaate hain. Aisi hi ek kahani ke liye ek famous blogger pahuchi Institute of Human Behavior and Allied Sciences Delhi mein. Iss ladhki ka naam tha Neha.
Neha ek psychology student thi, jo human emotions ka level samjhna chahti thi. Aur ek mental asylum se behtar jagah toh koi ho hi nahi sakti iske liye. Isi liye usne khaas permission lekar pura 1 din yahan observation karne ka decision liya tha. Woh kisi bhi patient se baat nahi karne wali thi, bus unhein dekhna chahti thi aur samjhna chahti thi. Aise mein ek case tha Amit ka.
Amit ek shant rehne wala, middle-aged aadmi tha. Usse iss asylum mein 2 saal hogaye the, aur Doctor ke hisaab se woh 2 saal pehle jaisa tha, aaj bhi bilkul waisa hi hai! Chup chaap rehna, kisi se baat na karna aur sabse badi baat kisi ko bhi na dekhna. Aisa tha Amit. Woh kisi bhi activity mein part nahi leta tha, aur naa hi apne dil ki baat kisi ko batata tha.
Magar uski ek aadat thi. Woh dawai jabhi skip karta tha toh usse daure padhte the. Aise waise daure nahi the, woh zor zor se “Kavya, Kavya, Kavya” chilaane lagta tha. Usse iss samay itna gussa ata tha ki doctor ko usse hamesha usse injection dekar shant karana padhta tha. Warna woh bhaar bhagne lagta tha.
Doctor ne Neha ko bataya ki 1 yaa 2 baar Amit bhaag kar bhaar garden mein jaakar bhi baitha tha. Woh chilane ke baad achanak se bhaar pade jhule par shanti se baitha aur baat karne laga tha. Yeh bahut ajeeb baat thi kyon ki bhaar koi tha hi nahi! Toh phir kis se baat karta tha Amit?
Neha ko Doctor ne briefing dete samay saari details toh nahi di, magar yeh bataya ki Amit ko Kavya ke alawa kuch yaad hi nahi hai. Uske dimaag ne processing band kar kar sirf Kavya ki yaadein rakhi hain. Isi liye dawaiyan na lene par woh phir se apne dimaag ke uss hisse mein chala jata hai, aur usse Kavya chahiye hoti hai. Abb Kavya kaun thi Amit ke liye, woh usse chod kar kyun chali gayi yeh doctor Neha ko nahi bata skate the kyun ki yeh Amit ki personal details thi, magar Neha ko yeh samjh agaya tha ki woh Amit ko apni next story ke liye use kar sakti hai. Bus iske baad bina kuch zyada sawaal kiye Neha wahan se alvida leti hai aur Amit ki kahani ki script likhni shuru karti hai!
Abb Balwaan 2 mein Arun ka kirdaar bhi hamein kuch aisa hi dekhne ko mil sakta hai. Jahan woh Sapna ki yaadon mein aisa hi pagal hojaayega.
-By Pratima Ratwani.
