Gadar ke end mein dikhaya gaya tha ki kaise ameesha patel thik ho jaati hai aur sab aacha ho jata hai lekin kahi na kahi kuch chize aisi thi jo Gadar movie mein nhi dikhaya gaya tha aur ho sakhta hai wo chize makers Gadar 2 mein cover kar le kyuki batwaara kyu hua tha, iski niv kisne rakhi thi aur batwaare ke waqt kya kya hua tha ye story bhi logo tak pahuchani jaruri hai aur kahi na kahi ye story thodi different bhi ho sakhti hai aur logo ke thoughts se easily makeup kar paayegi. Itihaaskaar batatein hai ki India aur Pakistan ke batwaare ki kahani pahele hi likhi ja chuki thi jiski shuruwat saal 1929 mein tab shuru ho gayi thi jab Motilal Nehru samiti ki shifarisho ko hindu mahasabha ne maanne se inkaar kar diya tha. Darashal iss samiti ne dusre shifarisho ke alawa central assembly mein musalmaano ke liye 33 phisadi seats ko reserved karne ki shifarish ki thi jispar Hindu mahasabha isse sehmat nhi the. Mohammad Ali Jinnah musalmaano ke leader bann gaye the aur kai muslim neta the jo batwaare ke side nhi the toh kai neta aise bhi the jinka kehna tha ki batwaara toh hokar rahega. Muslim league India ke majority par barchasv ka mahol banane ka aarop lagati rahi hai aur minorities ko asurakshit batati rahi hai iske pichey Congress mein shamil hindu samarthak aur Hindu mahasabha ke neta duwara Bharat Mata ki Jai, mother toungue aur Gaumata ko lekar narebaaji ko bhi ek karaan bataya gaya tha. Saal 1932 mein Gandhi ji aur Ambedkar ji mein samjhauta hua tha jisse Poona pact bhi kaha jata hai, jisme harijano ke liye seats reserved karne ki baat kahi gayi thi. Iski wajah se upper caste ke alawa musalmaano ki bhi bechaini badh gayi thi aur udhar Bangal mein hindu – muslim ka sangharsh bhi badhta ja raha tha jo desh ke batware ke liye ek aur Kaaran paida karne laga tha. Iss batwaare ki niv kisi aur ne nhi british ne rakhi thi wo bhi tab jab saal 1905 mein rajya ka batwara dharm ke aadhar par kiya ja raha tha. Gadar movie mein bhi dikhaya gaya tha ki kaise dharm ko lekar ek jagah ladai shuru hui thi toh dusri jagah apne aap iss chingaari ne aag ka roop ke liya tha jiske wajah se chaaro taraf sirf aur sirf khoon ke chitey hi najar aa rahe the.
Saal 1947 , 3 June ko Mountbatten ne India ke batware ka plan bana liya tha aur 18 july saal 1947 ko british saansad mein Mountbatten ke plann ko rakha gaya tha jisse Mountbatten ne iss tarike se pesh kiya tha ki waha maujud sabhi logo ko laga ki batwaare ke alawa ab unke paas koi dusra option nhi hai , kahi na kahi dekha jaaye toh iss batwaare ka villan Mountbatten hi tha aur movie mein iss character ke liye agar Ranveer singh ko approach kiya jaata hai toh wo kaafi kabiley taarif hogi kyuki jaisa character Mountbatten ka tha Ranveer Singh usse aache se nibha paayenge jisse ye aache se clear ho paayega ki Mountbatten ne aisa kyu kiya tha. Mountbatten ka kehna tha ki agar India chahta hai ki uske politics se related kisi bhi chiz mein koi dikat na aaye toh usse batwaare ke liye haami bhar deni chahiye. Uss waqt aisa tha ki India ke saare neta iss batware ke liye maan gaye the siwaaye Mahatma Gandhi ke jo iss batware se khush nhi the. Unhone saal 1946 mein Harijan naam ke ek magazine mein ek lekh likha tha ki unhe biswas hai muslim league ne Pakistan ki jo maang uthai hai wo puri tarah se gair-islamic hai jisse inhe paappurn act kehne mein koi dikat nhi thi. Islaam insaniyat, ekta aur bhaichara ke samarthak hai na ki kisi manav pariwar ki ek juut ko thode ka. Jo India aur Pakistan ko ek dusre ke khoon ke piyaase tukde mein baat dena chahte hai wo India aur Islam ke dushman huye na. Gandhi ji ne bola tha ki bhalo mere sharir ke tukde kar lo lekin mujhse aisi baatein nhi manwa sakhte ho jisse Gandhi ji galat maante the. Gandhi ji ke is stand ke waibjud kai log unhe aaj bhi batware ka jemedaar maante hai aur kai logo ka ye bhi kehna hai ki Nathuram godhse ne Mahatma Gandhi ki hatya isliye ki thi kyuki wo maante the ki batware ka jemedaar koi aur nhi Mahatma Gandhi the. Ye kahani ho sakhti hai aane waali movie Gadar 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
