Humare desh me gold ki smuggling lagataar badhte jaa rahi hai aur iska main kaaran desh me sone pe lagne waala 15% tax rate hai. Sabhi jaante hai Bharat ke Kerala me sabse jyada Gold smuggling hoti hai aur aisa kehna sirf humara nahi, balki khud kerela based ek smuggler ka bhi hai, jisne waise toh apna naam toh kisi ko nahi bataya hai, lekin usne gold smuggling ko lekar jyadatar jaankaari logon se saajha ki hai. 43 saal ka yeh smuggler Kerala ke Kasaragod district ka rehne waala hai. Smuggler ka pehnawa typical South Indian style hai, jisme woh plain white half sleeve cotton shirt ke saath, white colour ki lungi pehanta hai. Smuggler ke mutaabik woh waise toh Kerela ka rehne waala hai, lekin philhaal woh Dubai me reh raha hai aur wahi se as an assistant, sone ki smuggling ko anjaam de raha hai. iss smuggler ne 2013 ke October me akele, 20 kg sone ki illegal entry desh me karwayi thi. Jaahir taur pe iss smuggler ne apne aane waale smuggling project ke baare me, waise toh kuch nahi bataya lekin yeh jarur kaha, ki kyunki 2013 me Kerala Airport se kuch gold smugglers pakre jaa chuke the, issi kaaran woh ab iss jagah se thode dino ke liye door rehna chahta tha. Jab yeh smuggler North Kerala ke Kozhikode aaya tha, tab usne ek reporter se yeh kaha tha, ki woh unn airports ko pasand karta hai jo sehar ke nazdeek hote hai, naaki woh jo sehar ke andar hote hai, jaisa ki Mangalore aur Coimbatore me hai.
Waise toh iss smuggler ka main occupation “Hawala agent” ka hai, lekin yeh smuggling me bhi kaafi maahir hai. Hawala ki baat kare toh yeh ek tarah ka illegal money transfer system hota hai. Wahi Hawala agents asal me brokers hote hai. Kerala ke iss smuggler ke mutaabik, jab saal 1988 aur 1989 me desh me “Gold Import Act” laagu hua, aur sone ko desh me import karna mana kiya gaya, uss dauran smuggler ek carrier ke roop me kaam karta tha, jo desh me Saudi Arab se illegal sone ko import karwata tha. Uss dauran ek baar me 116 gram ke 20 sone ke pieces laaye jaate the, jispe iss smuggler ko har piece pe 2000 rupay milte the. Yaani ki 20 piece pe use 40,000 rupay milte the aur woh bhi late 80s ke dauran. Wahi agli baar jab 30 gold pieces ko desh me laana tha, tab smuggler ne dogune paise vasoolne the. Halanki jab 1992 se desh me gold import phir se legalized ho gaya, tab Kerala based iss smuggler ka dhandha band ho gaya. Iss kaaran yeh smuggler, gold ko chodkar currency ki smuggling karne lag gaya. Halanki 1990s se do dashak baad, gold smuggling ka business phir se shuru hua. Kyunki policy makers ko aisa laga ki desh ka “CAD”(Country Account Deficit), billion ka aankara chu raha hai aur iska asli zimmedaar, jyada maatra me ho rahi sone ki importation hai.
Wahi CAD basically yeh aankara batata hai ki desh, export se jyada import kar raha hai aur jab aisa hota hai toh iska matlab hota hai ki desh ghaate me jaa raha hai. Issi kaaran Sarkaar ne sone ke import pe high taxes lagwa diye, taaki desh me gold ka importation kam ho. Halanki inn cheezon ne jaha CAD ko balanced rakha, wahi iss cheez ne Gold smuggling ke business ko shuru karne ka kaam bhi kiya. Jiss kaaran aajtak desh me gold ki smuggling go rahi hai aur yeh jyadatar Myanmar aur Saudi ke raaste kerela tak pahuch rahi hai, jisse poora desh influenced ho raha hai.
Toh yeh thi aaj ki kahani. KGF-3 ki baat kare toh kyunki Rocky ki kahani 1980s based hai, aise me woh iss baar apne smuggling ke business ko Saudi ke alawa Myanmar bhi le jaa sakta hai, jisse use aur bhi jyada profit hoga. Iske alawa Rocky, South India ke aur bhi dusre smugglers ke saath milkar ek bada gang bhi form kar sakta hai.
The End.