Mike apne naye Time Machine ko pichli baar se jyada khaas bana raha tha. Mike ne iss baar machine me, ussi tarah ka rotating magnetic field install kiya, jaisa ki US military ne “Philadelphia experiment” ke dauran istemaal kiya tha. Asal me 1943 me ek navy destroyer achaanak Philadelphia port se gaayab hokar seedhe jaakar 500 km ki doori pe stith, Norkfolk me ek green light ke saath waapas prakat ho gaya tha. Scientists issi experiment ko Philadelphia experiment kehte hai, Jiske basis pe Mike bhi apni machine ko bana raha tha. Mike ke anusaar rotate hone waali yeh magnetic field, kaafi jyada efficient aur effective hai. 1 saal baad ussi TV channel ne Mike ko waapas se apne show pe bulaya, jisne pichli baar Mike ko popularity gain karwaane me madad ki thi. Mike show pe aakar kehta hai ki woh pichle ek saal se kaafi acche time machine pe experiment kar raha hai, jiska electromagnetic vortex, ek insaan ke jitna kaafi bada hai. Electromagnet ki baat kare toh yeh ek tarah ka aisa magnet hota hai, jiska magnetic field electric current ke through produce hota hai. Wahi vortex tornado(बवंडर) ko kehte hai. Toh basically Mike ne ek aisa machine banaya tha, jisme magnetic field se bane बवंडर ke andar, insaan asaani se aa ya jaa sakte hai. Ho sakta hai Krrish-4 me बनने waala time machine, kuch issi theory pe based hoga.
Khair, Mike ne apne interview ko khatam karne se pehle kaha tha, ki woh ab almost uss stage pe pahuch gaya hai jaha se woh ab asaani se apni machine ko chalane ke liye, sufficient amount ka voltage generate kar sakta hai. Jab Interviewer ne Mike se pucha ki woh apne saath time machine me aur kya le jaane waala hai, toh Mike ne jawaab diya ki woh apne saath apna cell phone le jaayega. Wahi interview ko khatam karne se pehle Mike ne iss baar apna number naa dekar, apne ghar ka address diya tha, taaki jo koi bhi usme interested hoga, woh Mike ke ghar ko asaani se khoj paayega. Yeh saal 1996 tha, jab Mike aakhiri baar iss show pe nazar aaya tha. Uss wakt Mike ne kaha tha ki uske Time Machine ko poora hone me abhi 30 din aur bache hai.
Mike Marcum 1997 me achaanak gaayab ho gaya aur uske baad woh dobara phir kabhi nahi dikha. Mike ke gaayab hone ke kuch hi wakt baad ek anjaan aadmi ussi show ko contact karta hai, jispe Mike 1996 me aakhiri baar nazar aaya tha. Uss anjaan aadmi ke mutaabik, use ek ajeeb si kahani ka pata chala tha, jiske mutaabik, 1930s me police ko California Beach se ek mara hua aadmi mila, jise kisi ne metal tube ke sahaare use maar daala tha. Woh aadmi itne bure haal me maara gaya tha, ki use pehchaan’na kaafi mushkil tha. Iske alawa uss mare huye aadmi ke paas se ek ajeeb si device bhi mili thi, jo shaayad cell phone nazar aa rahi thi.
Ho sakta hai 1930s ke log Mike ke futuristic hone ke kaaran use khatra maan kar use maar daale ho. Kyunki 1930s ke logon ka 1990s ke logon se alag dressing style aur language tha. Iske alawa 1930s me phones ka bhi istemaal nahi hota tha. Aise me ho sakta hai Mike unn logonn ko khatra laga ho, jis kaaran use past ke logon ne use maar daala.
Khair, Krrish ko bhi ab soch samjhkar past me jaana chahiye, kyunki agar Time Machine me galti se koi malfunction aa jaaye aur woh wakt me kuch jyada hi peeche chala jaaye, toh yeh Krrish ke liye khatra saabit ho sakti hai. Ya yeh bhi ho sakta hai ki Krrish, Mike ki humesha ke liye hi past me phans jaaye! Agar aisa hua toh phir future ke logon ko kon bachayega? Yeh sab jaan’ne ke liye hume pehle dekhni hogi, tabhi hume pata chalega ki aakhir Krrish kis tarah ke time machine ka istemaal karne waala hai.
The End