Kuch din pehle hi Police ko information mili thi ki Coimbatore ke ek karkhane mein ganja banaya jaa raha hai. Yeh secret information thi jiske baad Police pahuch gayi thi iss gang ko pakdhne ke liye. Magar kya unhein ganja mila?
Police ko checking mein ganja toh nahi but hathiyaar mile. Police ko tip mili thi seher ke bhari ilake mein, ek factory mein yeh gang baithti hai aur ganja banati hai. Magar chaan been par unhein ganja nahi balki locally banaye hue hathiyaar mile. Itna hi nahi inse 4 bombs bhi baramat kiye gaye jo inhone khudne ne banaye the, kyun ki aur bhi bombs banane ka saman wahin pada tha. Yeh 5 log the jin mein se 3 pistols bana rahe the, aur baaki ke 2 bombs!
Toh kyun bana rahe the yeh log yeh bomb aur hathiyar?
Kisne diya tha yeh order?
Toh jab inn logon pakdha gaya tab in sab logon ko bhanak bhi nahi thi ki inki activities record ki jaa rahi hain. Kuch locals ne inhein areas mein ajeeb si awaazein sunni thi jiske baad local Police station ko khabar kardi gayi thi. Inn factories ko shut down karne ke orders pehle hi de diye gaye the, toh koi illegally kaise inke andar kaam kar raha tha. Isi liye Police ne 1 yaa 2 baar civilians bankar inn par nazar rakhi thi, aur unhein bhi yahi laga ki factory mein activities ho rahi hain. Tab jakar Police ne kuch din pehle iss jagah par raid daaali aur yeh bombs aur hathiyaar baramat kiye.
Puch taach par inn logon ne shuruaat mein toh kuch nahi bola. Inn logon ko ek hi cell mein rakha ja raha tha, aur yeh log kuch nahi ugal rahe the. Phir ek ek kar kar inke upar aur torture kiya gaya toh ek jane ne apna muh khola.
Iss admi ne kahani yeh banai ki yeh log normal workers hain aur uss area mein janwaron ka aana jaana badh gaya hai. Isi liye inn janwaron ko dur hatane ke liye, aur apni suraksha ke liye yeh bombs aur pistols banyi gayi hain.
Magar sab jaante hain ki yeh sirf bahana tha. Itni si baat ke liye koi kyun mahino se raat din bomb aur pistol banayega. Yeh normal lakdhi se bhi handle kiya jaa sakta hai, aur had se had pistol kahreedi jaa skati hai. Magar bomb?
Uska kya lena dena hai janwaron se. Aisa kaunsa insaan hai jo thodi si dikkat hone ki wajah se pura ka pura bomb banayega. Abb tehkikaat aur karni hi padegi!
Yeh tehkikaat karne hamare Soorya picture mein aa sakte hain, aakhir unka anokha tarika kaun hi nahi jaanta hai!
Toh bus tyaar hojayiye ek aur Akshay Kumar Blockbuster ke liye.
-By Pratima Ratwani.
