Dallas Zoo walon ne kuch din pehle ek missing report likhayi thi. Yeh missing report thi ek leopard ki! Bilkul, ek leopard ki.
Dallas Zoo, Texas ka ek bahut hi famous zoo hai. Yahan bahut se jaanwar hain, aur yeh hafte mein 6 din logon ke pradarshan ke liye khulta hai. Iss zoo mein bache, budhe, jawan sab aate hain, aur anginat photos aur memories lekar jaate haain. Magar kuch din pehle hua yeh ki raat ke andhere mein, kisi ne himmat kar kar iss zoo mein jangly jaanwar leopard ko khol diya tha. Subah uth kar jab guard regular checking par aya toh usne dekha ki yeh leopard toh cage mein hai hi nahi! Woh bahut darr gaya. Akhir kahan gaya hoga yeh leopard? Woh ek jangly jaanwar hai toh aas paas ke logon ko khatra bhi ho sakta hai kyun ki agar woh chut gaya hai, toh zaroor kisi na kisi ke paas toh jaayega apni bookh mitane ke liye. Abb yeh gadbadi ka kaam ho sakta hai. Isi liye zoo ke owner ne ussi samay complaint file ki aur missing report likha di. Police ne bhi ussi samay action lete hue, aas paas ke logon ko warn kardiya tha uss din. Magar lakh dundhne par bhi woh leopard mila nahi!
Abb baat yeh hai ki 2 hi din pehle, February 2023 mein 2 bandar bhi zoo se gayab hogaye hain! Kaise aur kab? Hua wahi ki guard subah ko regular checking ke liye nikla toh usne dekha ki yeh 2 bandar, jo hamesha kudte aur hulchul karte rehte hain, woh aaj hain hi nahi! Toh gaye kahan?
Yeh bhi bandar aas paas ke logon ke liye khatra ho sakte hain. Isi liye nahi kyun ki yeh jaanwar hain balki isi liye kyun ki yeh shaitaan bandar hain. Kisi ki topi chura lete the toh kisi ke haath se khana. Isi liye inhein bhi dundhna bahut zaroori tha.
Police ne bahut chaan been karne ke baad ek ladhke ko badi chalaki se hiraasat mein le liya. Yeh aadmi roz zoo ata tha! Kamaal ki baat hai ki yeh roz zoo ata tha aur pura din wahin rehta tha. Police ne iss par kadi nazar rakhi toh yeh 2 hafte baad phir raat ko bhi zoo aya tha. Iss baar yeh teesre animal ko chudwane zoo gaya tha. Yeh Irvin tha. Ek animal lover! Woh sabhi animals ko zoo ke cage se chudwana chahta tha isi liye wahan ata tha. Harr 2 hafte mein iska 1 jaanwar chudaane ka plan tha.
Toh bus aisa hi animal lover hamein Housefull 5 mein dekhne ko mil sakta hai. Housefull franchise mein waise bhi sabhi ke sabhi koi unique character lekar aate hain. Toh kya pata iss baar Ritiesh ko aisa hi animal lover dikhaya jaaye!
-By Pratima Ratwani.
