Thumbnail: कौन हैं यह Kainaaz?
Content:-
Kartik Aryan ki film Freddy ki shuruat hoti hai Gujrat se. Yaha ke shehar Surat me Freddy Ginwala (Kartik Aryan) naam ka ek dentist apna clinic chalata hai. Freddy ke pita Mr. Ginwala (Anil kapoor) bahut bade Parsi businessman hai, jo Freddy se medical ki padhai karwana chahate the taaki unka beta ek dentist bane. 5 saal se Surat me apna clinic chala raha Freddy, London se padhai kar waapas lauta tha aur tab se hi woh apne shehar me apne kaam ki wajah se naam kama raha tha. Freddy apne patients ko kaafi acche se treat karta tha, jis wajah se jyada se jyada log apni dental problem lekar Freddy ke paas hi pahuchte the. Mr. Ginwala apne bete ki iss progress ko dekh kaafi khush the. Lekin iss khushi ke beech woh apne hi bete ke dukh ko nazarandaaz karte gaye. Asal me Freddy ko bachpan se MDD yaani ki Mental Depressed Disorder hai, jo London jaane ke baad aur badh gayi. Jab Freddy kaafi chota tha tabhi doctor ne Mr. Ginwala ko keh diya tha, ki “apne bete ko akele naa rehne de aur jitna ho sake use khush rakhe, kyunki agar Freddy ke dimaag pe MDD jyada tanaav paida karti hai, toh Freddy ko brainstroke bhi aa sakta hai, jisse uski jaan ko kaafi khatra hai”.Doctor ki iss baat ko sun Mr. Ginwala uss wakt kaafi pareshaan huye the. Issi wajah se Mr. Ginwala tab se lekar aaj tak apne bete ki har kami ko pura karte aaye hai. halanki,aisa karte wakt, woh Freddy ki feelings se utna connect nahi ho paate. Asal me Ginwala paison se khareede gaye saare aaraam Freddy ko dete hai, par unke paas kami hai toh bus wakt ki. Freddy jise akela nahi chodna hai, use naa chahate huye bhi Mr. Ginwala bachpan se hi nanny ke paas chod ke apne kaam se baahar chale jaate the. Wahi Freddy jab 9 saal ka tha, toh uske birthday pe uske pita ne Freddy ko ek turtle diya, Jo Freddy ka pehla accha dost bana. Freddy ne uska naam Hardy rakha aur aaj 29 saal ke Freddy ka Hardy hi ek maatra dost hai.
Wahi issi beech, ek din Freddy ke dental clinic pe ek patient aati hai jo Freddy ka dhyaan apni taraf kheench leti hai. uska naam Kainaaz Irani hai aur woh psychologist hai jo inn dino depression aur anxiety ki root cause pe research kar rahi hai. Kainaaz ko dekh Freddy aise kho jaata hai jaise usne koi heera dekh liya ho. Freddy ki aankho ki chamak uski feelings ko saaf express kar rahi thi lekin Introverted Freddy apni feelings ko apne tak hi seemit rakhta hai. Kainaaz apne daanton ka ilaaj karwane aayi thi, jiske check-up ke dauran Freddy ne bahut dino baad kisi se itni der tak baat ki thi. Baaton baaton me hi Kainaaz ko pata chala ki Freddy MDD ka shikaar hai, Jise jaan Kainaaz ko aisa lagta hai, ki Freddy uski madad uske research me jarur kar sakta hai. Freddy kainaaz ki iss baat ko bina sawaal kiye maan jaata hai, kyunki use waise bhi apni pehli nayi dost ke saath jyada se jyada wakt bitana tha.
Toh darshkon aapko kya lagta hai aage iss kahani me kaunsa mod aayega? Kya Kainaaz Freddy ke depression ko thik kar paayegi? Jaan’ne ke liye dekhte rahiye Bollygrad Studioz.
TO BE CONTINUED…. PART- 1
Cast:-
Freddy:- Kartik Aryan
Kainaaz Irani:- Alya F
Mr. GINWALA:- Anil Kapoor
DISCRIPTION:-
The lines between love and obsession blur in this romantic thriller packed with unpredictable twists and sharp turns
-Khyati
