Yeh kahani hai Underworld Don Tiger Memon ki, jiska janam 1960 me, Mumbai ke Ali road ilaake me Ibrahim Mushtaak Abdul Razaak Naadim Memon ke taur pe hua tha. Ibrahim ke pariwaar me maata-pita ke alawa 5 chote bhai the. Ibrahim ke pariwaar ki halaat bahut kharaab thi issiliye 10th tak padhne ke baad, usne ek bank me peon ki naukri karni shuru kar di. Halanki yeh naukari jyada din tak nahi teeki kyunki Ibrahim ka kaam ko lekar bank ke manager se jhagda ho gaya. Ibrahim Peon ki naukri chutne ke baad kuch dino kaam ki talaash me kaafi bhatka, tab jaakar use driver ki naukri mili. Ibrahim ab famous smuggler, Mohammad Mushtafa Dausa ki gaadi chalane laga. Issi beech Mustafa Dausa ne Ibrahim ki mulakaat Dubai ke famous smuggler Yakub Bhatti se karayi jiske baad Ibrahim gold ki smuggling me Yakub ka kaam dekhne laga. Kuch hi saalon ke andar Ibrahim ki dosti Pakistan ke smuggler Taufique se ho gayi, jiske baad Ibrahim jald hi ek bada naam ban gaya. Apne kaam ko lekar ek Mazboot plan aur furtilepan ki wajah se Ibrahim ko “Tiger” naam de diya gaya. Smuggling se kamaye huye paison se Ibrahim ne Mumbai me kuch electric ki dukaano ki shuruat ki. lekin 1992 me huye Mumbai dange me Ibrahim ki dukaano me tod-phod kar di gayi. Iss ghatna ke baad se Ibrahim kaafi jyada chidh gayaz jis wajah se usne kuch mahino baad 12 March 1993 me Mumbai me bum dhamakon ko anjaam diya. Yeh desh ka sab se khtarnaak dhamaka tha jiska mastermind Ibrahim a.k.a Tiger Menon tha. Iss dhamake me Dawood Ibrahim ne visphotak samaagri (विस्फोटक सामग्री)aur weapons ki funding ki thi, Jab ki iss poore dhamake ko anjaam Ibrahim ne apne bhai Yakub menon ke saath milkar kiya tha. Iss dhamake ke baad Tiger desh chod kar bhaag gaya. baad me Indian Intelligence Agency ko Ibrahim ke Pakistan ke Karachi me hone ka pata chala. Ibrahim aaj bhi Indian khufiya Agency ki list me, Most wanted criminal ke taur pe Shumaar hai halanki woh ab bhi police ki pakad se baahar hai.
To kaisi lagi apko yeh kahani? Hume comment section me likhkar bataye. Blog pasand aaye to like jarur kare
~khyati
Cast:-
Ibrahim:- Nawazuddin Siddiqui
Mustafa Dausa:- Naseeruddin shah
Yakub bhatti:- Amir khan
