Dutch Schultz ko maarne ka ishaara mafia Lucky Luciano ne de diya. Louis Buchalter ko order diya gaya ki “jaao Dutchman ko maar daalo.” Apne iss kaam ko pura karne ke liye Louis ne do murderers ko, New Jersey based ek restaurant me bheja, jaha pe Schultz maujood tha. Schultz ke saath uss wakt uske personal bodyguard Bernard ke alawa, Schultz ka accountant Otto aur uska naya chief lieutenant Abe Landau(लेन्डौ) bhi maujood the. Schultz bathroom gaya hua tha tabhi do murderers, Charles aur Emanuel restaurant me ghuse aur Schultz pe goli chala di. Charles aur Emanuel restaurant ke peeche waale kamre se andar ghuse aur Schultz ki gang pe kayi baar shoot kiya. Goli lagne ke ek hi baar me Otto ढह ho gaya. Abe ke neck se goli paas hone ki wajah se, uski carotid artery toot gayi. Wahi Schultz ke bodyguard pe Charles aur Emanuel ne kayi baar fire kiya. Lekin apni injuries ke bawajood Schultz ke aadmiyon ne murderers pe fire back kiya aur unhe restaurant ke baahar nikaala. Emanuel bhaagte huye gaadi pe baith gaya aur driver ko order diya ki “Charles ko chod kar yaha se chalo”. Abe Charles ke peeche bhaaga aur uspe apni pistol ki saari goliya khaali kar di. Lekin Abe ka nishana chuk gaya. Charles ke bhaag jaane ke baad Abe wahi padi trash can ke paas gir gaya. Witnesses ka kehna hai ki, goli lagne ke baad Schultz dagmagate huye bathroom se baahar aaya aur side me, jaha goli lagi thi, uss taraf Schultz ne kaafi jor se pakada hua tha. Schultz baahar aakar ek chair pe baith gaya. Schultz ne awaaz lagayi taaki koi uski awaaz ko sune aur uske liye ambulance bula laaye. Schultz ka bodyguard Bernard apne pairon pe khada hua aur Otto, jo kahi chupa tha, usse coin maanga taaki Bernard uska istemaal kar, ambulance ko call kar sake. Ambulance ko call karne ke turant baad hi Bernard apna hosh kho kar zameen pe gir gaya.
Jab pehli ambulance aayi toh doctors ne kaha ki “Abe aur Bernard serious condition me hai aur unhe jald se jald Newark(नेवार्क) Hospital le jaane ki jarurat hai.” Iske baad second ambulance bulayi gayi, jispe Schultz aur Otto ko hospital bheja jaana tha. Otto behosh tha lekin Schultz apne consciousness me aa aur jaa raha tha, tab tak police bhi mauke pe pahuch chuki thi. woh Schultz ko दिलासा dene ki koshish kar rahi thi aur use maamle ki jankari collect kar rahe thi. Kyunki uss wakt doctors ke paas koi pain relievers nahi the, issi wajah se doctors ne Schultz ke dard ko kam karne ke liye use brandy di. Jab dusra ambulance Newark city Hospital se aaya, toh Schultz ne ambulance ke ek intern ko 3000 dollars cash me diye. Schultz ka kehna tha ki woh mar raha hai aur jaha woh jaa raha hai, waha pe yeh paise uska koi bhala nahi karne waale hai. Surgery ke baad jab aisa laga ki Schultz ke zinda rehne ke chances bache hai, toh uss intern ko chinta ho gayi ki Schultz usse apne paise waapas maangega. Abe aur Bernard ne police ko tab tak kuch bhi nahi bataya, jab tak ki dusri ambulance se khud Schultz hospital nahi pahuch jata. Schultz ne aane ke baad unhe jaankaari dene ki permission di. Lekin iske baad bhi Abe aur Bernard ne kam hi jaankaari police ko di. 2:20 am me Otto, jo unn chaaron me se sab se budha aur kam fit tha, woh pehle mjara. Subah 6 baje, Abe ki excessive bleeding se maut ho gayi. Bernard ko jab surgery ke liye le jaaya gaya, toh doctor use dekh itne jyada hairaan the ki unhe vishwaas nahi ho raha tha, ki Bernard apni ballistic trauma aur khoon ki kami ke bawajood zinda kaise tha. Doctors ko samjh nahi aa raha tha ki aakhir Bernard ka ilaaj kaise kiya jaaye. Goli lagne ke 29 ghante baad apne चोट ki wajah se, Bernard ki maut ho gayi. Surgery me jaane se thik pehle, Schultz ke request pe, use ek catholic priest se last rites di gayi. Schultz ka maan’na tha ki Jesus ne use ek Crime syndicate ko maarne ke kaabil banaya aur issi wajah se usne convert hone ka waada kiya tha. Asal me Schultz Jewish tha, lekin usne apne mann me Christianity ko apna liya tha. 24 October 1935 ko peritonitis se marne se pehle, poore ek din tak Schultz, apni wife, maa, priest aur hospital ke staffs se jindgi ki sacchayi ke baare baat kar raha tha. Hawthorne Westchester(हॉथोर्न वेस्टचेस्टर) county, New York based, Roman Catholic “gate of heaven” kabristaan me, Schultz ko dafnane ki permission di gayi. Lekin Schultz ki maa Orthodox yaani ki रूढ़िवादी Jewish thi, jinke kehne pe Schultz ki body ko traditional Jewish prayer shawl “Talit” se cover kiya gaya. 1941 me Charles pe Schultz ko maarne ka aarop laga. Dutch Schultz ke mar jaane ke baad kisi ko yeh bhi pata nahi chala ki, aakhir usne apne paison ko kaha chupaya tha.
Toh yeh thi German Jewish mafia Dutch Schultz ki kahani. Dutch jaise khtarnaak character ko hum KGF 3 me jarur dekh paayenge. Kyunki iss tarah ka antagonist kahani me ek nayi energy laayega.
The End… Part-5
