Humne aise kai gang ke baare mein sunna hai aur padha bhi hai ki uske iss majburi ne usse gangster banne par majbur kar diya . Lekin aaj hum ek aise gangster ke baare mein jaanenge jo kyu jaate jaate aapne chahne waalo ko rula gaya aur kyu uske paas hamesha koi na koi kitaab hoti hi thi aur marne ke waqt bhi kyu uske dead body ke paas se kai famous books miley the, hum jiss gangster ke baare mein jaanenge uska naam Aanandpal Singh hai. Yeh wo insaan hai jisne bhale hi burai ki raste ko chuun rakha ho lekin isse iske gaaon waale bahut maante hai kyu ki ek samaye aisa tha jab Aanandpal apno waalo ke liye sab kuch krne ko taiyaar rehte the. Aanandpal ka janam 31 May saal 1975 mein Rajasthan ka ek Sanvrad gaaon mein hua tha, inke pita ji ka naam Hukum Singh Chauhan aur mata ji ka naam Nirmal Kanwar tha , ye log Ravna rajput se belong krte the.
Aanandpal bachpan se hi padhne mein tej the aur bade ho kar teacher bhi banna chahte the. Bhale hi aaj media unko ek khunkhar gangster ke roop mein duniya ke saamne dikhati ho lekin Rajasthan mein Aanandpal ko chahne waalo ki koi kami nhi hai. Aanandpal aachi khasi apni padhai mein busy rehte the lekin unko samaj aur prashashan ka kaam karne ka tarika bilkul nhi pasand tha issi wajah se Aanandpal saal 1990 mein BA ki degree hasil kar li, innhone bachpan se hi samaj mein ho rahe bhed-bhaav ka shikaar rah chuke the. Degree paane ke baad Aanandpal ne cement ki factory mein kaam kiya aur wo khud dudh ki dairy farm bhi chalate thy jisme wo cow ke sath sath buffaloes bhi rakhte the aur pura time unka dhiyan rakhne mein bita dete the. Lekin unke sath ek aisa incident hua jisne unhe ek shadharan ladke se khunkhar gangster bana diya tha. Hua yeh tha ki Aanandpal ki shaadi ka din tha bahut aache se saj dhaj kar, gaane bajate huye wo baraat lekar ja rahe the lekin ussi bich waha uche jaati ke log aa gaye aur unke baraat ko jaane nhi diya aur rok kar rakha. Unn dino unke gaaon mein ye parampara thi jo rajput Ravana rajput se belong karta hai wo sudh rajput ke ghar baraat lekar nhi jaa sakhta hai kyuki Aanandpal ek Ravna rajput se belong karta tha toh uski baraat wahi rok di gayi gaaon waalo ka kehna tha ki ghodi sirf sudh rajput hi chad sakhta hai lekin Aanandpal uss waqt Didwana ke Baangur college ke student president Jivanram Godara se pahele iss chiz ke baare mein baatein kar li thi aur wo bhi Aanandpal ke shaadi mein aaye the aur unke hi maujudgi mein unhone ghodi par chadhi bhi aur Shaadi bhi ki.
Aanandpal ko ab politics mein interest aane laga aur wo interest tab successful hua jab wo saal 1999 -2000 mein unhone Sanvrad gaaon mein ho rahi panchayat ke election mein chunav lada aur kismat se wo chunav jeet bhi gaye lekin unko ab waha rukna thodi tha toh unhone Ladnu panchayat ke head ke liye bhi chunav lada aur unhone Ex Cabinet Minister Harajiram Burdak ke bete Jaganath Burdak ko do sitto ke antar se hara diya tha. Baad mein saal 2000 mein Ladnu panchayat samiti ka phir se chunav hua aur uss samay ke ek warist neta Aanandpal ke against the. Waha Aanandpal ko nomination mein jaane ke liye ek aadmi ko rok diye jaane ke wajah se unpar police case kar diya gaya tha,Aanandpal ne police ko samjhane ki bahut koshishe ki lekin wo nhi maane. Aanandpal ki case strong dikhe uske liya inn par damki dene, jabarjasti wasooli aur hinsa ke aarop bhi lagaye gaye. Jab Aanandpal ko jail se bail mil gayi toh kuch waqt ke baad wo illegal sharaab ke dhande mein shaamil ho gaya aur usne apne competitor ko apna Dushman bana liya, jiska naam Kheraj Choudhary, Gopal Phogawat aur Jivanram Godara inn teeno ko maarne mein Aanandpal ka hi hanth tha. Aanandpal ko dheere dheere banduko se piyar hona start hua choti moti kai saari banduke usne dekh rakhi thi lekin uska mann pasand banduk tha AK 47. Jab saal 2012 mein Jaipur ke ek farmhouse mein usko giraftaar kiya gaya tha tab uske paas se Ak 47 aur bullet proof jacket bhi miley the. Jo Ak 47 inke paas se mili thi wo usne ladai ke waqt police waalo par fire kiya tha aur inn sabke pichey haanth tha iss gang ki Mastermind Anuradha Choudhary. Aanandpal ekdum style se jeene ka shauk rakhte the, wo sar par hat lagaya karte, leather jacket aur aankhon par hamesha chashma rehta hi tha. Wo jab bhi sunwai ke liye court jaate the hamesha media waalo se bahut hi stylish tarike se photo click karwaate. Jab ye lady don Anuradha Choudhary se miley toh uske baad inka aatank aur bhi badh gaya tha, Aanandpal apne padhe likhe hone ka bahut aacha faida utta rahe the aur government ki band baja rahe the. Yaha tak ki Gopal Phogawat ki murdered mein court ne Aanandpal ko gunehgar mana aur usee bhagoda ghosit kiya gaya tha.
Saal 2012 mein Aanandpal ko kaid kiya gaya tha lekin 3 september 2015 ko jab unko ajmer ki high court mein unko sunwai ke liye le jaya ja raha tha wo raaste mein hi waha se bhaag nikale. Parbatsar ke paas khokhar gaaon mein 3 din mask lagaye logo ne police van par hamla kar diya aur baaki 2 log Aanandpal ko waha se bhaagane mein kaamyaab rahe. Jis tarah unhone police waalo ko chakma diya tha uske liye unko most wanted gangster ke list mein top par rakha gaya tha. Aur ye news chapwai ki jo bhi Aanandpal ko police ke hawale karege usse inaam ke taur par 10 lakh rupay diye jaayenge. Itna hi nhi police waalo ne toh uske bhaagane ke baad Aanandpal par ek police officer ko maarne ke bhi aarop lagaye the. Rajasthan police ne kaha ki Aanandpal aur uske bhaiyon ne apradh ki duniya mein aane ke baad sirf aur sirf dusro ko loot kar dher saari sampati jodi hai. Yaha tak ki murder ke ilzaam mein Aanandpal ke bhai Manjeet Singh ko bhi ek saal ke liye jail mein rakha gaya tha aur ek bhai Vicky jail se bhaag nikala tha. Unke ghar mein baakiyon ka toh police ko kuch pata chala nhi lekin Aanandpal ki beti ne lag bhag 20 lakh rupay kharch jarur kar diye the. Aanandpal ki ek beti Dubai mein aur do bache bahut naami school mein padhai kiya karte the yaha tak ki police waalo ne 370 bigha ke aas paas uski jamin ko jabt kiya aur kai aise beynaami sampatiyo par raid mara. Log Aanandpal ko dayalu ke najar se dekhte the wo jab bhi kisi amir ko lootta toh wo unn paiso ko gareebon mein baat deta tha, iske kaaran log usse Robin hood naam diye aur ussi naam se bhi bulaane lage. Jaisa ki maine pahele bhi bataya tha ki unko padhne ka bahut shauk tha toh wo hamesha apne saath koi na koi kitaab jarur rakha karte the.
Ab sayad wo inn sab kaamo se thak se gaye the isliye saal 2017 mein inhone surrender karne ki koshish bhi ki . Unke wakil ne Jaipur mein Rajasthan ke Rajyapal Kalyan Singh se mulakat ki jinhone ye bataya ki wah ek deshbhakt hai aur agar wo surrender karna chahte hai toh unko security jarur di jaayegi. Itna bolte hi unhone case file ki aur high court ke judge se ye appeal ki taki unke case ko aache se dekha jaaye or kaarwai ho sake. Jab kaarwai shuru hui toh Aanandpal ne bataya ki aaj wo jaha bhi hai uske zemedaar ministers hi hai aur ab wahi sab milar Aanandpal ko marwana bhi chahte hai. Aanandpal ke walkil ne judge ko letter likha aur bataya ki Aanandpal nidosh hai wo jail se isliye bhaage the kyuki uske saathi Balweer Banuda ko uske seth ne jail ke andar maar dala tha aur agar wo uss waqt waha se nhi bhaagte toh unhe bhi waha maar diya jata kyuki wo jail ke andar bilkul bhi surakshit nhi the. Itna jaanne ke baad bhi court ne unki ye appeal khaarij kar di.
Saal 2017 mein SOG ko ek badi safalta mili jab Haryana ke Sirsa mein Aanandpal ke bhai Vicky aur Aanandpal ka best friend Gattu ko pakad liya gaya tha unn dono se SOG ne kaafi der tak puch taach ki lekin dono mein se kisi ne kuch bhi nhi bataya. Phir SOG team ne dono ko maar dene ki dhamki di iss par gattu tut gaya aur SOG ke team ko Aanandpal ke thikaane ka raaj bata diya . Phir commando ki madad se Churu se Mp aur Haryana ke jaane waale raaston par nakabandi karwa diya gaya tha, iske baad unhone uss ghar ko chaaro aur se gher liya , uss amawas ki raat mein huye encounter mein gangster Aanandpal ki maut ho gayi aur wo din tha 24 june saal 2017. Jab police waale uske body ko laane gaye toh unhone dekha ki uske body ke paas do sabse famous book padi hui thi wo thi Super Brain aur Life of Pi jisse ye saaf pata chalta hai ki wo sahi mein padhne ke bahut saukeen the. Aanandpal ki dead body ko lagatar 3 hafte tak deep freezer mein rakha gaya tha kyuki unke chahne waale chahte the ki uski CBI jaach ho aur iss chiz ke liye 12 july ko lag bhag 2 lakh log jama huye the jise dekh police waalo ke hanth paw tak fhul gaye the. Iske baad Rajasthan government ne Aanandpal ki antim sanskaar ke liye apni jee Jaan tak laga di, antim sanskaar ke liye unke pariwaar waalo ko bulaya gaya tha jispar unhone case kiya tha ki unn se jabarjasti antim sanskaar karwaya gaya hai, ye maamla bhi kaafi dino tak garmaya raha uske baad dheere dheere maamla shaant ho gaya.
Toh ye ek Kahaani ho sakhti hai KGF 3 ki jisme ek shadharan insaan kaise apne logo ke liye khud ko badal kar gangster ban jata hai or unke kiye kuch bhi karne ke liye taiyar rehta hai . Aapko ye story kaisi lagi comments karke jarur bataiyega or tab tak ke liye aap hamesha muskurate rahiye or apna dhiyan rakhiye.
Chandan Pandit
