Jaisa ki hum sab jaante hai ki koi apni khusi se chor ya daaku ya don nhi banta hai ya toh usse uske halaat waisa bana dete hai ya apno ki koi majburiya. Kuch aisi hi Kahani hai Jagga jatt ki usse bhi uske kuch majburiyo ne daaku bana diya tha. Jagga ki zindagi ki shuruaat wo har aam aadmi ki tarah hi hui thi lekin bahut hi jald wo apne aas paas honi waali ghatnao se pareshaan hokar baagi ban gaya tha phir log Jagat Singh Virk ko Jagga daku ke naam se jaanne lage. Punjab mein toh jagga ki zindagi se sab waakif hai lekin desh ke baaki hisso mein jagga ko kam log hi jaante hai.
Jagga ka janam saal 1901 mein Jagat Singh Virk ke roop mein ek virk jatt pariwaar ke Punjab mein hua tha, inke pitaji ka naam Sardaar Maakhan Singh virk aur Maata ji ka Bhagan tha. Uss waqt Punjab mein adhiktar log muslim teli the lekin uss area mein sirf 17 se 18 ghar hi aise the jo Sidhu jatto ke the. Jagga ki do bahene bhi thi aur jagga apne mata pita ke ek laute bete the, unke sabke paas aacha khasa paisa tha isliye wo nhi chahte the ki unka ek lauta beta jaada kaam kaaj kare isliye jagga ki maa aur uske chacha usse jada kaam nhi karne dete the. Jagga ke pita ji ki maut tab hui thi jab jagga ek chota bacha tha wo apne chacha ji aur mata ji ke nigraani mein bada hua tha . Jagga ko kusti ka bahut shauk tha aur wo apne dosto ke sath dusre gaaon ja ja kar kustiya kiya karta tha. Jagga ne apne paas ki gaaon ki Indar kaur naam ki ladki se shadi ki thi jo khud apne mata pita ki ek Lauti santaan thi. Jagga dikhne mein ek majbut, normal height, sanwla aur muche rakhne waala aadmi tha . Ek baar usne apne sasural ke gaaon mein rehne waale kuch logo ko bahut peeta tha uske baad ek baar jab Jagga apne kisi kaam se jamin ke adhikaari ke paas gaya aur apna data usse manga toh uss adhikaari ne jagga ki paper ko zameen par phek diya tha jiske baad jagga ne usse bahut maara aur tab se jagga apne ilaake mein bahut mashoor ho gaya tha. Uss waqt British ka shashan joro par tha aur waha jitne bhi naujawan log rehte the unn sab par british ke log bahut aache se apna najar gadaye rakhte the kyuki british ko darr rehta tha ki kahi na kahi ye naujawan bagawat par na uttar aaye. Kisi ek chetra mein jagga ke naam aur kaam ko lekar ek jailer ko bahut jalan Hui jiske baad unhone Jagga ki badhti popularity ko rokne ke liye unhone jagga ko 4 saal ke liye ek jhutey case mein jail ke andar karwa diya tha. Jab jagga jail se wapas chutt kar aaya toh uske aate hi uske gaaon mein ek chori ho gayi. Jab ye baat jailer ko pata chali toh usne apne ek sathi Asgar Ali ke sath milkar jagga ko pareshan karne ki sochi aur uss case mein bhi jagaa ko phir se jail mein daal diya gaya lekin kuch din baad wo jail se jab bahar aaya toh usne bahar aate hi ye ailaan kar diya ki ab wo Daku banega, aur uske turant baad hi usne ek Jagidar ke yaha paheli chori ki aur unn paiso se jitne bhi kisaan karj mein dubey the wo sab ke sab bahar aa gaye. Wo hamesha kisi bade ya bolu amir aadmi ke yaha chori karta aur sara paisa unn gareebo mein baat deta tha, iske baad bhi unhone kai saari choriya bhi ki thi.
Ek baar toh police se naraaj hokar jagga ne Kanpur gaaon mein ek police waale se banduk chinn li aur uski hi hataya kar di thi . Uss din se wo ek mashur daaku ban gaya aur banduk ki nok par loot paat kiya karta tha. Usne sirf garib, jaruratmand logo ki madad karne ke liye amiro ko loota tha. Lekin kehte hai na jab jungle mein ek sher bahar aata hai toh dusra sher bhi pahele ko dekar kar uske taraf dahaadne lagta hai waisa hi hua tha jagga ke sath jagga jab apni maa se milne ja raha tha tab ek jhut mut ki ladai mein ek planning ke jariye jagga ko maar diya gaya tha aur wahi jagga daku ki zindagi aur Kahani dono khatm ho gayi thi. Ye kahani ho sakhti hai aane waali movie Sholay 2 ki jisme ek aache aur sache daku ko dikhaya ja sakhta hai. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
