Bahut muskilo aur mehnat ke baad aakhir kaar hamare desh Bharat ko azaadi mili lekin british ne jaate jaate bhi dukhte nas par apne hanth rakh gaye aur do sabse bade aur sabse najuk rishte ko tod gaye. 15 August saal 1947 mein akhir kaar India ko puri azaadi mil gayi thi british ke dulaami se lekin uske badle India ko ek bahut kitmti chiz bhi gawani padi thi aur wo thi khud ki bhumi ko ek aur hisse mein baat dena. Iss chot ko hum India – Pakistan ke batware ke naam se jaante hai. Saal 1947 ke batware ke time borders ke dono taraf India aur Pakistan mein bahut khoon kharaba hua tha jiske kaaran takriban 10 lakh log maare gaye the aur kahi na kahi jaate jaate british ka ye chaal kaafi hadd tak unke liye aacha sabit hua kyu ki usne India ke ek majbut pillar ko hila diya tha. Uss batware mein sirf log maare nhi gaye the balki bahut saare beghar bhi ho gaye the aur issi ke wajah se Hindu aur Muslim ke bich bahut jada hinsa bhadki thi, lekin bahut aise log bhi the waha jinhone uss hinsa ko rokne ki koshish bhi ki thi lekin wo jada kuch kar bhi nhi paaye the. 14-15 August, 1947 ko India – Pakistan ka batwara hua lekin iss par 2 mahine pahele 15 june, 1947 ko hi muhar lag gayi thi, jab nai delhi mein congress ke session mein batware ke offer ko manjuri mili thi. Iske baad 15 August Tak India aur Pakistan ko alag – alag desho ko baatne ki process shuru ho gayi aur issi ke sath shuru hua katleaam unn dono ke communities ke bich jinhone apna bachpan ek sath mil-julkar jiya tha aur dekhte hi dekhte Hindu – Muslim ek dusre ke khoon ke piyaase ho gaye aur bas har jagah laas hi laas thi.
Gandhi ji bilkul nhi chahte the ki batwara ho iske liye saal 1857 mein huye empowered vidroh hi pehla freedom aandolan tha uss waqt meerut ke chhaavanee se shuru hua vidroh ko bhari people support mil raha tha. Azaadi ki chahat rakhne waale lagataar iss andolan se judte ja rahe the aur andolan ko karanti mein badal diya tha ussi ka parinaam hai ki 200 saal ki gulaami ke baad aakhir kaar azaadi ka sapna pura hua. Dekhte hi dekhte waqt gujarne laga, saal 1905 mein hiye Bangal batwara ke baad azaadi ki ladai tez ho gayi aur saal 1906 mein muslim league ki sthapana bhi hui thi. Musalmano ke adhikaaro ki raksha karne ke motive se muslim league ki sthapana hui thi lekin phir Hindu aur Muslim ke bich tanaav badhne laga . Aise mein saal 1938 mein Mahatma Gandhi aur Mohmmad Ali Jinnah ke bich musalmano ko lekar baatchit hui thi aur azaadi ka andolan bhi sath sath chal raha tha lekin saal 1940 mein musalmaano ke badhte muddo ke bich Mohammad Ali Jinnah ne ussi saal musalmaano ke liye alag se muslim desh banane ki maang uthai thi. Phir jab batware ki baat jor pakadne lagi tab katleaam shuru hua aur baad mein mein Sindh aur Bangal mein hinduo ka katleaam hua aur phir saal 1946 mein calcutta mein bhi bhishan dange huye the jisne 5,000 se jada log maare gaye. Inhi tamaam ghatnaao ke baad azaadi ka sapna dekhne waale tamaam netao par batware ko swikar karne ko lekar dawab banane laga aur phir 1947 mein batware ko manjuri di gayi lekin Mahatma Gandhi ke lakh koshisho ke baad bhi batwara hua tha.
Saal 1947 1 April ko Mahatma Gandhi ne Lewis Mountbatten se miley aur batware ko rokne ke liye unhone Mohmmad Ali Jinnah ko Prime minister banne ki offer bhi di aur udhar lewis Mountbatten ne Jawaharlal Nehru se mulakat ki aur iss dauraan jawaharlal nehru ne kaha ki mujhe isse koi bhi aapati nhi hai lekin Mohammad Ali Jinnah ko Prime minister ke post ke liye pahele bola gaya tha lekin Ali Jinnah ne wo post ko apnane se thukra diya tha . Jiske baad aakhir kaar batwara hua aur India do hisse mein bat gaya lekin uss par bhi saare muslim pakistan nhi gaye kyuki Mahatma Gandhi ne ye kehlwa diya tha ki jo bhi muslim india mein rukna chahe ruk sakhte hai aur waisa hi hua jinko pakistan jaana tha wo chale gaye aur jinko rukna tha wo yahi hai. Ye kahani ho sakhti hai aane waali movie Gadar 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
