Frane Salek duniya ke unluckiest logon mein se ek hai. January 1962 mein Sarajevo se Dubrovnik jaa rahi ek train mein safar kar raha tha Salek. Ja toh woh badi Khushi se raha tha, magar usse yeh nahi pata tha ki woh apni panoti kismat ko ek aur mauka de raha hai khud ke saath khelne ka. Train bahut tezzi se chal rahi thi, aur driver train ko control hi nahi kar paya. Train achanak se paas ki jami hui nadi par utar gayi, aur Salek ko chod kar sabhi 17 passengers maare gaye. Uski panoti kismat ki wajah se baaki passengers ko jaan ganwani padi.
Ussi saal woh airplane se travel kar raha tha, kyun ki abb usse train se darr lagne laga tha. Usse laga yahan toh kuch gadbad nahi hogi, magar uski kismat uski soch se tez thi. Achanak se cockpit ke darwaze par high pressure padha aur darwaza tut kar main darwaze par crack chod gaya, jisski wajah se plane crash land hogaya. Is mein 19 log maare gaye magar Salek, Salek phir bach gaya kyun ki plane crash ke samay uski landing ek badhe se ghaans ke dher par hui. Yeh bahut ajeeb tha, usse chot bhi kaafi aaayi magar ek baar phir uski kismat ne uske saath zindagi aur maut ka khel khela tha.
Uske baad 3 saal tak shanti thi. Usse laga ki abb toh bus sab thik ho hi gaya hai, aur abb woh zaroor se travel kar sakta hai, magar Salek ko kismat ek baar phir khatron ke Khiladi khilane wali thi. 1966 mein na plane, na train, balki Salek ne bus se travel karna sahi samjha. Woh saalon baad ghumne nikla tha, aur usne socha tha ki woh waadiyan dekhte dekhte jaayega. Magar yeh kya, bus ka bhi accident hogaya!
Uske baad 1970 mein woh apni car se hi city ke bahari ilake mein ghumne jaa raha tha, tab achnak se uski gaadi ko aag lagayi, jisse woh bachte bachate bhaar nikla. 1973 mein uski dusri car toh garage mein pade pade hi jal gayi. Abb toh Salek ko samjh agaya tha ki koi bhi gaadi uske liye safe nahi hai. Woh abb koi chance nahi lena chahta tha, isi liye abb woh paidal hi chalkar jaane wala tha. Phir kya kahani khatam?
Rukiye, picture abhi baaki hai mere dost. 1995 mein woh paas ke hi supermarket jaa raha tha toh usse hi bus ne takar maar di. Abb uska chalna bhi dobar hogaya tha.
Abb kya karta tha woh?
Kahan lekar gaya hoga Salek apni yeh kismat?
Bus Houseful 5 mein aisi hi buri kismat wapas ho sakti hai Akshay ki. Tyaar hojaayiye ek baar phir hasne ke liye. Aur kya pata “He is such a loser” gaane ka 2.0 version bhi aapko sunne mile.
Tab tak banne rahiye Bollygrad Studioz ke saath. Umeed karte hain aapko hamara yeh blog pasand aya hoga.
Description
Frane Salek is known to be an unlucky man. Listen to his weird incidents.
-By Pratima Ratwani.
