July 2014 ki baat hai jab Arjun aur uski maa aram se din ko apne ghar mein baithe the. Arjun bus school se lauta hi tha, aur uski maa bhaar kapde sukha kar just andar aayi thi. Arjun aur uski maa Uttarakhand ke rehwasi the aur pahadhi ilaake mein rehna unhein bahut pasand tha.
Uss din bhi harr din ki tarah Arjun ke pita apni duty ke liye gaye hue the, aur Arjun apni maa ke saath hi baatein kar raha tha. Arjun ke pita Police Officer the aur paas ke hi Police Station mein unki duty lagti thi.
Uss din Arjun ke ghar ka gate khula tha, aur uss gate se ek mehmaan andar aya. Iss mehmaan ne naa toh ghanti bajai, aur naa hi ijaazat li andar aane ki. Yeh mehmaan ek Tiger tha!
Tiger yaaniki bagh!
Tiger unke ghar mein uss din dabe paon ghus aya aur uska iraada khali haath jaane ka nahi tha. Arjun ki maa uss samay wahin khadi thi aur tiger ko dekh kar uski sitti pitti ghum hogayi. Woh naa aage badh rahi thi, aur naa peeche hatt rahi thi. Woh itna darr gayi ki usse samjh hi nahi aya kya karna hai. Tiger bhi Arjun ki maa ko dekh raha tha! Pata nahi Tiger ki aankhon mein kya tha ki Arjun ki maa apne hosh kho baithi.
Magar Arjun uss samay dara nahi. Woh jaanta tha ki agar usne Tiger ka dhiyaan nahi bhatkaya toh woh uski maa ko uski aankhone ke saamne kha jaayega!
Isi liye ussi samay Arjun ne paas mein padi ek lakdhi uthayi, aur usse zor zor se hawa mein hilane laga! Tiger ka dhiyaan isse bhatka aur woh ek dum se Arjun ke peeche bhagha. Arjun apne peeche ke gate se bhaag nikla aur usne apni maa ko chila kar kaha ki woh gate band karde. Magar uski maa aisa nahi kar sakti thi kyun ki Arjun ki jaan par abb baat thi. Magar Arjun zor se bhaag kar paas ke crowded area mein chala gaya. Arjun jaanta tha ki machines ki awaaz sunkar Tiger bhaag jaayega, aur hua bhi yahi. Uss crowded jagah par jaate hi Tiger ko peeche hatna padha. Aur Tiger uss time pahadhi se neeche chala gaya.
Arjun ne apne peeche Tiger ko bhagaya jo sach mein dekhne layak nazara tha!
Uski bahduri aur uska presence of mind desh ke Prime Minister ne bhi saraha!
Toh bus aisa hi chota Singham hamein Singham 3 mein dekhne ko mil sakta hai. Asli Tiger se bhagam bhaag Singham ka beta karega.
-By Pratima Ratwani.
