Alien ki talaash karne waale researchers ne, Alien tak apni baat pahuchane ke liye ek asaan tarika ka khoj nikaala hai. Scientists ne ek aisa code banaya hai, jisse space me messages bhejne me asaani hogi. Lekin aisa lagta hai jaise yeh messages unhi Aliens ko samjh aa sakti hai, jo maths jaante ho, ya jinhe astronomical training di gayi ho. अफ़सोस yeh messages अनपढ़ Aliens ke liye nahi hai. 2000s me Dharti pe ek aisa daur chal raha tha, jaha pe jyadatar scientists apna wakt, Aliens ke radio message ke intezaar me bhale hi barbaad kar dete the lekin unke haath kuch nahi lagta tha. Issi se pareshaan hokar 2009 me scientists ne socha ki ab Aliens ke messages ka intezaar karne se behtar hai, ki hum hi unhe apni yor se kuch messages bheje. Idea accha tha aur jald hi messages bhejne ke liye code signal bhi ban gaya, lekin scientists Alien tak apna messages pahuchaane me itne busy ho gaye, ki unka dhyaan iss baat pe gaya hi nahi ki jis transmitted message ko woh bhejne waale hai, use Aliens samajh bhi paayenge ya nahi. California Institute of Technology ke do geoscientists, Michael aur Rachael ka maan’na hai ki unhone successfully transmitted code ko develop kar liya hai, jise bade asaani se space me bheja toh jaa sakta hai, lekin woh code Alien ke haath lagega ya nahi iski surety scientists shaayad dena hi bhool gaye. Dikhne me yeh code “ASCII” yaani ki American standard code for information interchange ki tarah nazar aati hai. Waise yeh pehli baar nahi hai, jab scientists ne alien ko message karne ke baare me socha hai. Isse pehle bhi 1974 me “Arecibo message” naam ka ek code, space me bheja gaya tha, jo ki ek interstellar radio message tha. isme Earth aur humanity ko lekar kuch basic information di gayi thi. Phir 1999 se lekar 2003 tak space me “cosmic calls” sirf Aliens se contact karne ke maksad se bheja gaya tha.
Lekin inn saare message me ek baat common hai, ki ise bhejne waale scientists ko iss baat ki surety bilkul nahi hai, ki inn messages ko Aliens samjh bhi paayenge ya nahi. Issi kaaran Michael aur Rachael ne apna khud ka “alien-friendly messaging system” taiyaar karne ke baare me socha. Ab sawaal yeh tha ki iss code ko kaise test kiya jaaye. Issi kaaran Michael ne pehle code design kiya, jiske baad Rachel ne uss code ko decode karne ki koshish kar rahe ek alien ka act kiya. Pehle bheje gaye codes ki tarah, Michael bhi apne one aur zero ke string se bane code ko, radio ki madad se space me bhejne waale the. Lekin 90s me bheje gaye codes ko pictures me translate karna tha. Wahi Michael ke code ko math equation me badalna tha. Yaani ki jin Aliens ko math nahi aati hai, unhe yeh code kabhi nahi samjh aane waala hai. Scientists ke mutaabik iss code ko samjhne ke liye Aliens ko mathematics ke alawa Astronomy aur physics ki bhi utni hi jaankaari honi chahiye. Lekin Michael ne yeh bhi kaha ki jab unhone iss code ko 5 undergraduate students ke through test kiya, toh unn students ko code ko translate karne me sirf 1 ghante ka wakt laga. Issi kaaran Michael ka aisa maan’na hai, ki unka yeh code Aliens ke liye utna bhi mushkil nahi hai.
Waise toh Michael aur Rachel ki yeh project 2009 me hi ban kar taiyaar ho gayi thi, lekin kam funding hone ke kaaran, iss code ko abhi tak space me nahi bheja gaya hai.
Waise kya aap jaante hai ki duniya ke mahaan scientist me se ek Stephan Hawking ne ek baar kaha tha, ki agar kisi ko alien ki taraf se call aaye toh use uska jawaab kabhi nahi dena chahiye . Waise hum pehle hi bata dena chahte hai ki yaha pe “phone calls” ki baat nahi ho rahi hai, balki hum yaha space se milne waale transmission signal ki baat kar rahe hai. Stephan Hawking pehle bhi kayi baar keh chuke hai, ki agar kisi ko extra-terrestrial calls aate hai, toh uska jawaab naa de. “Extraterrestrial calls” ka matlab hota hai Dharti ke baahar se milne waali signals. Stephan ke anusaar jabtak ki aap signal ko lekar saavdhaani se vichaar nahi kar lete, tabtak uska jawaab dena khatarnaak ho sakta hai. Hawking ne insaano ko pehle hi dusri dharti ke baare me saavdhaan kar diya hai. Scientists ke mutaabik “Dusri dharti” ka naam “Gliese 832c”(ग्लीस) hai. Yeh humari dharti ke scientists dwara diya gaya ek scientific naam hai. Stephan kehte hai ki hume ek din “Gliese 832c” jaise planets ki yor se signal mil sakte hai. Halanki philhaal Gliese planet pe life nahi hai. Gliese planet pe 1 saal me sirf 36 din hi hota hai, aur waha ka atmosphere bhi kaafi kharaab hai. Yaa toh waha pe har wakt fog rehta hai, yaa usse bhi khraab situation hoti hai. Wahi uss planet ka ek hissa har wakt suraj ki taraf face karta hai. Iss hisaab se “Gliese” me philhaal life possible nahi hai, lekin aane waale wakt me aisa jarur ho sakta hai. Tab tak ke liye hum sirf intezaar hi kar sakte hai.
Toh yeh thi aaj ki kahani, agar aapko yeh video pasand aaya toh ise like karna naa bhule dhanyawaad
The End
