Kahani mai Aarav ko Ritika ke Time machine ki madad se ye pata chal jata hai ki vo Abhimanyu ka beta hai. Or iske sath hi kahani mai entry hoti hai story ke villain Aamir ki. Aamir apna naam badal kar Hindustan mai ghusta hai. Vo apna phone nikalta hai or Aarav ko phone karte huye kehta hai, “Hello Leader, main bol raha hu. Waqt aa gaya hai jab tum iss Hindustan se apna badla lo.” Aarav Aamir ki baate sun kar pareshaan ho jata hai or drugs khojne lagta hai. Drugs na milne par vo baichain sa hokar ghar ka pura saamaan idhr udhar phekne lagta hai. 1 ghante ke andar hi Aamir Hindustani army team ko ye khabar de deta hai ki unhe naye saal par ek bahut bada surprise milne wala hai. Agle scene mai Army office mai sabhi officers ki meeting chal rahi hai. Senior officer kehta hai, “Hume ye mail aaya hai ki New year ke din yani kal ek bahut bada surprise milne wala hai. Cyber cell se ye pata chala hai ki ye mail Hindustan ke hi kisi door ek aise ilaake se aaya hai, jahan sirf raat ke 12 baje ke baad hi network aata hai. Or mujhe shaq nahi pura yakeen hai ki ye jo koi bhi hai, humare desh ko bahut nuksaan pahuchane wala hai.
Idhar Aarav pagalon ki taraf Drugs khojta rehta hai tabhi Abhimanyu uske saamne drugs ki ek pudiya lekar aata hai. Abhimanyu kehta hai, “Ye lo, yahi khoj rahe the na tum?” Aarav usase nazare churate huye kehta hai, “Nahi, main kyu drugs lunga.” Abhimanyu kehta hai, “Lekin maine toh bataya hi nahi ki ye drugs hai.” Aarav Abhimanyu ko padak kar tez tez rone lagta hai. Abhimanyu kehta hai, “Mujhe pata hai tum mere desh ko barbaad karne aaye ho.” Aarav ye sun kar hairaan ho jata hai. Abhimanyu kehta hai, “Aise kya dekh rahe ho? Ek Jawan ko har waqt chaukanna rehna padta hai. Or main pehle din se hi tum par nazar rakh raha tha.”
Aarav use gale laga kar kehta hai, “Mujhe maaf kar dijiye paa…” Aarav papa kehte kehte ruk jata hai. “Lekin ab aap chinta mat kariye, ye sab meri wajah se huya hai na. Ab main hi theek karunga.” Aisa keh kar Aarav vahan se nikal jata hai. 31 December ki raat hai. Sabhi apne new year ko ek warm welcome dene ki taiyaari kar rahe hain. Vahin door ek gaon mai baitha Aamir apne sabhi bomb ki locations dekhta rehta hai. Tabhi vahan leader aa jata hai. “Oh, aa gaye leader. Aao aaj tumhare liye sabse bada din hai.” Leader yani Aarav kehta hai, “Or tumhare liye bhi. Aaj ki raat enjoy kar lo Aamir, kyunki kal ka Suraj tum dekh nahi paoge. Aarav Aamir ko puri kahani batata hai. Aamir kehta hai, “ chalo acha huya tumhe sab khud hi pata chal gaya.” Tab tak Aarav use piche se ek punch maarta hai, “yee meri maa ko zinda jalane ke liye” phir dusra punch maarte huye kehta hai, “Ye mere papa ko itne saal tak akele rahne par majboor karne ke liye.” Aarav use maarne aage badhta hai tab tak Aamir uske peir par goli maar deta hai. Tabhi ek zordaar dhamaka hota hai. Jiski aawaz Aarav ko kamre ke andar tak sunayi deti hai. Aamir tez tez haste huye kehta hai, “Celebration begins now.” Phir ek ke baad ek kayi jagah ek sath bomb blast hone lagte hain.
Pure desh mai afra tafree mach jati hai. Agle scene mai Aamir Sadkon par logo ka rona cheekhna sun kar khush hota rehta hai. Vo ek sunsaan jagah par pahuchta hai or Rehman ko call karne ke liye apne phone nikaala hai. Tabhi Aamir ke saamne Rehman ki laash aa girti hai. “abbu abbu, ye kisne kiya?” Aamir chillate huye poochta hai. Piche se ek aawaz aati hai, “Tum bhool gaye ki har baap ka ek baap hota hai. Tum chahe kitni bhi koshish kar lo. Jab tak desh mai uske jawan hain, tab tak vo desh sahi salamat hai.” Aamir piche mud kar dekhta hai toh saamne Abhimanyu khada hai. Aamir kehta hai, “Tu? Tu tab zinda bach gaya tha, lekin aaj nahi.” Aamir Abhimanyu ki taraf aage badhta hai tabhi use ek zordaar laat padti hai. Saamne Aarav khada hai. Aamir uthte huye kehta hai, “Acha dono baap bete ek ho hi gaye.” Abhimanyu ye sun kar Aarav ki taraf dekhne lagta hai. Or isi mauke ka fyda utha kar Aamir Use goli maar deta hai. Apne papa ko goli lage dekh Aarav Aamir ko bahut maarta hai. Or agle hi pal apni Ak74 gun se uske shareer ko goliyon se bhar deta hai.
Din 01-jan-2023 . Hospital mai Abhimanyu ki aakhen khulti hain. Saamne senior officer khada hai. Senior officer kehta hai, “Ab toh aap army join karenge na Jawan?” Abhimanyu poochta hai, “Aarav?” Aarav uske saamne army uniform mai khada hai. Senior officer kehta hai, “Aaj se Aarav humari sena ka naya Jawan hai.” Or scene yahin khatm ho jata hai.