kahani mai Leader Hindustan pahuchta hai jahan Rehman ka aadmi use ‘St. Nicolaus college’ mai RDX hone ki baat kehta hai. Jiske baad Leader isi college mai admission le leta hai. College mai uski mulakaat Pappu se hoti hai. Pappu Leader ko upar se niche dekhte huye poochta hai, “Oye, New admission?” Pappu uske pass aakar bagal mai baith jata hai or phir se poochta hai, “Naam kya hai tera?” Leader kehta hai, “Mera naam?” Leader ko apna naam hi nahi yaad rehta hai. Kyunki use aaj tak Leader keh kar pukara ja raha hai. Pappu kehta hai, “Chal rahne de.” Pappu uske I-card mai dekhte huye kehta hai, “Oh toh tera naam Aarav hai. Lekin tere thobade ko kya huya? Maa baap ne bhatti(भट्टी) mai kaam karwaya hai kya?” Maa baap ka zikra hote hi Aarav gusse mai aa jata hai or Pappu ka muh pakdte huye kehta hai, “Aee chindi, apne kaam se kaam rakh. Main saamne hu toh mere baare mai baat kar. Maa baap par nahi jane ka.” Pappu darte huye kehta hai, “Are bhadke kyu ho Aarav bhai. Maine toh aise hi…. Vaise tum sehar mai naye lagte ho. Rehte kahan ho?” Aarav uski baat koi bhi jawab nahi deta hai. Phir kuch deir baad hi poochta hai, “Acha, yahan rahne ke liye koi jagah milegi? Yahin college ke aas pass?” Pappu kehta hai, “Haa hai na, ek Army wale ka ghar hai. Bahut saalon se akele reh raha hai. Suna hai apna ghar rent par de raha hai. Chal chalte hain.” Pappu Aarav ko lekar Abhimanyu ke ghar pahuch jata hai.
Abhimanyu Darwaaza kholta hai. Pehle vo Aarav ko upar se niche dekhta hai. Pappu kehta hai, “Uncle, Suna hai aap Room rent par de rahe hain.” Lekin Abhimanyu mana kar deta hai. Pappu jate huye kehta hai, “Chal bhai Aarav, yahan toh kaam nahi bana.” ‘Aarav’ naam sunte hi Abhimanyu ko apne bete Aarav ki yaad aa jati hai jise usne 15 saal pehle hi kho diya tha. Abhimanyu Unhe rokta hai or Apne ghar mai rehne ke liye jagah de deta hai. Aarav deewar par lagi Kavya or Aarav ki tasveer ko dekhta hai or poochta hai, “Ye kaun hain?” Abhimanyu kehta hai, “Ye Meri wife or bete ki tasveer hai. Tum change kar lo. Main raat ke khane ki taiyaari karta hu.” Kavya ki tasveer ko dekh kar Aarav ki aankhon mai apne aap hi aasu aa jate hain. Aarav khud bhi iss baat se hairaan ho jata hai. Kyunki vo aaj tak kisi ko dekh kar nahi roya. Agle scene mai Aarav apne room mai Pahuchta hai. Jahan ek bada sa mirror laga hai. Vo pehli baar khud ko mirror mai dekhta hai. Or mirror ke saamne baith kar apne chehre ke zakhmo ko chune lagta hai. Phir dheere dheere vo apne chehre ki patti hatata hai. Iss patti ke piche koi or nahi balki Abhimanyu ka beta Aarav hai. Yahan kahani mai ek bahut bada raaz saamne aata hai ki jise Rehman apna leader bana kar aaj tak Hindustan mai sabhi bomb blast karata aa raha tha, vo Aarav hi hai. Lekin Aarav ab bhi iss baat se anjaan hai ki vo ek Hindustani hai. Aarav kehta hai, “Ye kaise ho sakta hai? Mera chehra iss army wale se itna milta jhulta kyu hai?” Aarav apna aisa chehra bardaasht nahi pata or phir se patti baandh kar tez se chillate huye Mirror tod deta hai. Uska chillana sun kar Abhimanyu uske kamre mai aata hai. Or Aarav ko kisi tarah shaant karta hai.
Agle scene mai Aarav raat ke andhere mai Faavda (फावड़ा) lekar college pahuchta jata hai. College pahuchte hi vo dekhta hai ki ek ladki pehle se hi vahan गढ्ढा khod rahi hai. Aarav use range haath pakad leta hai. Or kehta hai, “Jaldi batao kaun ho? varna police ko bula dunga.” Vo ladki kehti hai, “Mera naam Ritika hai, main isi college ki student hu.” Ye sunte hi Aarav ke hath dheele ho jate hain. Ritika kehti hai, “ tum Kya police ko bulaoge? main khud police wale ki beti hu. Kya yaar? Raat ko bhi tum log ko chain nahi hai? Main yahan apni Time machine nikaalne aayi thi. Jo past batati hai. Huh!” Ritika apni Time machine lekar chali jati hai.
