Priya yaani Priyanka chopra Rohit yaani Mikhail Gandhi ke kamre ko saaf karne jaati hai. Wo jese hi rohit ke bikhre hue toy ko samet rahi hoti hai, vese hi use kuch aisi cheeje milti hai, jisse dekh ke wo shock ho jaati hai aur turant ki Krrish yaani Hrithik roshan ko bulati hai.
Wahin dusri taraf scienctist Murthy yaani Jim Sarbh Rohit ke blood reports dekhta hai aur hairaan hota hai kyuki uske blood report bilkul normal hote hai aur murthy sochta hai ki agar Rohit ek normal baccha hai toh uske pass jo power hai, wo use kaha se mili? aur toh aur allien ki taraf se jo sign aaye the, jo roshini aayi thi use dekhne ki shakti kisi normal insaan ke pass nhi hai, toh Rohit ne us chij ko face kaise kar liya?
Dusri taraf Priya ke bulane ke baad jese hi Krrish aata hai. Priya usse kehti hai, “Rohit ke room mein safai karte hue, mujhe ye mila” aur wo jis chijz ki baat kar rahi hoti hai wo wahi device hota hai, jise kisi waqt pe Rohit yaani Krrish ke dad ne use kiya tha aur uski wajah se jaadu unki zindagi mein aaya tha.
To kya History khud ko fir se repeat kar rahi hai? jo galti kabhi Krrish ke pita ne ki thi aaj wahi galti Krrish ke bete ne ki hai. Krrish ab us device ko dekh ke samaj jata hai ki us din jo Roshni aayi thi, wo aise hi nhi aayi thi balki wo Rohit ko apne saath le jaane ke liye aayi thi.
Bhale hi us time pe Rohit unke saath nhi gaya, lekin wo jald hi ek aur koshish karenge. Aur agar is baar Rohit us Roshni ki taraf khicha chala gaya toh Krrish aur Priya humesha humesha ke liye Rohit ko kho denge. Krrish bina time waste kiye Priya se puchta hai ki,” Rohit kahan hai?” Priya Krrish ko jawab deti hai ki,”wo niche khelne gaya hai”, aur dono hi Rohit ko lene chale jaate hai, jahan unhe pata chalta hai ki, Rohit wahan nhi hai.
Murthy ab kisi bhi report ka intezaar nhi karta aur Rohit ko examine karne le liye uspe ek aisi UV light ka use karne waala hota hai, jisse Rohit ki jaan jane ka bhi khatra ho sakta hai aur Rohit ye saari chize dekh ke sehem jata hai aur apne mummy daddy ko yaad kar raha hota hai.
Wahin jese hi Murthy Rohit ko examine karne ke liye uske UV light ka use karta hai, ussi waqt pe Krrish aa jata hai aur us light ke switch ko band kar deta hai. Dusri taraf Priya bhi aati hai aur Rohit ko Murthy ke changul se chudati hai.
Murthy ko rokne ke baad Krrish use kehta hai, “Akhir tumhe kya milega ek bacche ko aise pareshan karke”, jis par Murthy keheta hai, “mein najaane kitne saalo se alliens pe research kar raha tha, par mere haath kuch nhi aaya aur ek dam se is bacche ki wajah se ek spaceship aagya, ye koi normal baat nhi hai aur iske piche ki sacchai janne ke liye mein koi bhi hadd ko paar kar sakta hu”. Wo phir Krrish pe humla karne jaata hai, lekin ussi bich phir ek spaceship aati hai aur us spaceship se ek Roshni nikalti hai. Aur phir ek baar Rohit us roshini ki taraf khicha chala jata haj, jahan Priya koshish karti hai use rokne ki, par wo use rok nhi paati hai.
jab Krrish Rohit ko rokne jaata hai toh Murthy use piche kar deta hai aur camera mein Rohit ka jana capture kar raha hota hai. wahin Rohit spaceship ke bilkul niche aa jata hai aur roshni aana band ho jati hai, jiske baad sabko ye lagta hai ki Rohit chala gaya hai.
Lekin aachanak se awaaj aati hai ,”papa” aur sab dekhte hai ki Rohit kahi nhi gaya hai aur wahi Rohit akash ki taraf ungli karta hai, jahan jaadu ki jhalak dikhayi jaati hai aur sab use dekh ke smile karne lagte hai.
In sabhi ke bich Murthy jo video record karta hai wo achanak hi gayab ho jata hai aur Murthy ko sadme ka daura padta hai, kyuki uski mystery solve hoke bhi solve nhi hui. Dusri taraf Rohit ki superpowers aur bhi badh jaatii hai.
end
Description
Krrish is the superhero sci- fiction movie. This movie was directed by Rakesh Roshan. The movie had the lead cast Preety Zinta, Hrithik Roshan, Priyanka Chopra and kangana ranaut. This, film got hugely popular in Bollywood.
Kiran Yadav
