Shenoy aur Karan Tiger se milne ke liye Nigeria pahuchte hai, jahan par vo apni family ke saath reh Raha hota hai. Shenoy Tiger ko ek restaurant mein milne ke liye bulata hai. Restaurant mein Shenoy aur Karan Tiger ko Karachi ki situation or vahan ki minorities ko bachaane ke plan ke baare mein batate hai. Karan Tiger se kehta hai ki “hum chahte hai ki iss mission ko tum lead karo”, lekin Tiger iss mission ko karne se mna kar deta hai. Tiger kehta hai ki vo ab family man ban chuka hai, or in sab kaamo se door rehna chahta hai. Karan Tiger ko yaad dilata hai ki usne bohot saal pehle Pakistan mein apna ek jasoos banaya tha, Tiger kehta hai “haan, mujhe yaad hai”. Karan kehta hai ki “vo ab mar chuka hai, us jaise kai logo maare Jaa chuke hai, or agar humne unhe nhi bachaya to pta nhi or kitne nirdosh logon ko apni jaan se haath dhona padega”. Tiger bina kuch bole vahan se chala jaata hai, ghar aakar vo ye saari baat Zoya ( Katrina Kaif ) ko batata hai. Zoya saari baat sun ne ke baad Tiger ko samjhaati hai, jiske baad Tiger Karan ko call karke iss mission ko karne ke liye haan bol deta hai. Tiger poori raat yahi sochta rehta hai ki vo minorities ko kaise bachayega.

Agle din Tiger Shenoy aur Karat se dobara milta hai or apna plan unhe batata hai. Tiger kehta hai ki RAW ka ek agent Russian businessman bankar Turkey jaayega, or vo vahan se ek cruise ship rent par lega. Vo cruise ship kuch din ke liye Karachi ke beach par rukegi, idhar mein aur meri team Rajasthan ke border ko cross karke Pakistan mein enter karenge or vahan se Karachi ke liye nikal jaayenge. Karachi pahunchne ke baad hum vahan se minorities ko cruise ship ki madad se Pakistan se bahar Indian Ocean mein laayenge, jahan par Indian Navy ki ships pehle se hi mojood hogi. Fir Un minorities ko cruise ship se Indian Navy ki ships par bheja jaayega, jiske baad Indian Navy ke ships un minorities ko India le jaayenge or cruise ship vaapas Karachi beach par aa jaayega. Tiger aage kehta hai ki iss mission ka naam hoga “Coco Sea Resort”. Karan Tiger se poochtaa hai ki “hum Turkey se hi cruise ship rent par kyun lenge ? Hum to kisi or country se bhi le sakte hai ?”. Tiger kehta hai ki “Pakistan aur Turkey ke relationship kaafi achee hai, or Pakistan Turkey ki kisi ship ki jyada jaanch padtaal nhi karega”. Karan Tiger se firse poochta hai ki tumne iss mission ka naam Coco Sea Resort kyun rakha hai ? To Tiger hai ki hum Turkey ke jis cruise ship ko rent par lene wale hai uska naam “Coco Sea Resort” hai isliye. Shenoy kehte hai “theek hai, mein tumhara ye plan National Security Advisor ( NSA )aur Prime minister ( PM ) ko bataunga or agar vo iss plan ke liye Maan jaate hai to tum iss plan ko anjaam de sakte ho”. Karan aur Shenoy India vaapas aa jaate hai, Shenoy Tiger ke iss plan ko NSA aur PM ke saamne rakhta hai.

Kya Tiger ke iss mission ko milegi Hari jhandi ? Jaanenge iss blog ke agle part mein.