Gopi ( Ranveer Shorey ) ka letter padhne ke baad, Shenoy ( Girish Karnad ) kaafi emotional ho jaate hai or vo decide karte hain ki vo kisi bhi keemat par Gopi ko jail se chuda kar hi rahenge. Jaise hi Shenoy ko Prime minister se permission milti hai, vo turant hi Gopi ko bachaane ke liye plan banane lagte hai. Shenoy apne sab se kaabil agent Tiger ( Salman Khan ) ko iss mission ke liye chunte hai. Wo Tiger ko Gopi ko bachane ki jimmedari dete hai. Idhar Pakistan mein mojood ek RAW agent khabar bhejta hai ki Jail ke guards ko ye order diye gaye hai ki agar jail ke aaspass kisi bhi prakaar ki Indian movement hoti hai to Gopi ko turant goli maar di jaaye. Kuch time ke baad Tiger Shenoy ke pass ek plan ke saath aata hai. vo Shenoy ko apna plan samjhaata hai. Tiger kehta hai ki vo night time mein Para commandos ki ek team ke saath MI-35 helicopter ki madad se seedhe jail ki chat(roof) par utrega, jiske baad Tiger or uski team raaste mein aane vale har guard ko khatam karte huye 2nd floor par mojood Gopi ki cell tak pahunchenge. Gopi ki cell ke bahar khade guard ko khatam karne ke baad Tiger aur uski team Gopi ko lekar vaapas chat par jaayenge, or MI-35 helicopter mein baithkar vaapas India aa jaayenge. Para Commandos ke snipers ko bhi jail ke bahar alag alag positions par deploy kiya jaayega, taaki bahar duty par tainaat guards ko bhi aasani se khatam kiya jaa sake. Or MI-35 ko jail ki chat par land karne or take off karne mein koii pareshani na ho, isliye 3 HAL Prachand or 2 AH-64 Apache attack helicopters unhe aur fire support provide karenge. Isi ke saath Indian Army Line of control par attacks karna Start kar degi, jisse Pakistani forces ka dhyaan Line of control par hoga naaki jail par. Aur Tiger iss mission ko naam deta hai Operation Dagger.
Shenoy ko Tiger ka ye plan kaafi pasand aata hai. vo iss plan ko lekar Prime minister ke pass jaate hai. Prime minister iss plan ko National Security Advisor, Defence secretary or teeno defence forces ke chiefs ke saath milkar discuss karte hai. Thodi der iss plan ko discuss karne ke baad Prime minister Shenoy ke iss plan ko approve kar dete hai. Prime minister se Hari jhandi milne ke baad Tiger aur uski team iss mission ki taiyaariyon mein lag jaate hai. Hum dekhte hai ki Tiger Pakistan mein mojood RAW ke agents ki madad se jail ke blueprints or maps ko smuggle karke apne pass mangvaa leta hai. In blueprint or maps ki madad se us jail ka ek model taiyaar kiya jaata hai, jiske baad Tiger aur uski team us Jail model mein strike ki practice karna shuru kar dete hai. Tiger aur uski team iss strike ki practice bade joro-shoro se kar rahe hote hai, tabhi Tiger ke saamne ek problem khadi ho jaati hai. Darasal, Tiger ko khabar milti hai ki jis jail mein vo strike karne wala hota hai, us jail se 200 meter ki doori par Pakistani army ki 37th infantry division ka headquarter hota hai. Jail se 200 meter door iss 37th infantry division ke headquarter mein 700 soldiers har samay tainaat rehte the. Iska matlab ye hota hai ki agar jail par attack hota hai to saare soldiers bhi heavy fire power ke saath kuch hi minutes mein jail ke pass pahunch jaayenge. Yaani ki Tiger aur uski team ke pass Gopi ko us jail se bahar nikaalne ke liye kuch minutes ka time hota hai, lekin fir bhi Tiger iss mission ko execute karne ka faisla karta hai.
Ab time aata hai operation Dagger ko start karne ka. mission ke pehle part mein Indian army Line Of Control ke kai ilaako par attack karti hai. Para special forces ke commandos jail ke chaaro taraf faile pahado se jail ke upar najar rakhna shuru kar dete hai. Indian army ke line of control par attack karne se same vaisa hi hota hai jaisa Tiger ne socha tha. Pakistan ka dhyaan jail mein band Gopi se hatkar line of control par ho rahe attacks par aa jaata hai. Plan ke mutaabik Tiger 6 Para Commandos ke saath ek MI-35 helicopter mein savaar ho jaata hai or vo helicopter jail ki taraf ravaana ho jaata hai.
To Kya Tiger ka plan hoga kaamyaab ? Kya Tiger bacha paayega Gopi ki jaan ? Jaanenge iss blog ke agle part mein.
