Mary dekhti hai ki white dress mein ek lady roo rahi hoti hai, vo lady or koi nhi balki Padma hoti hai. Padma Mary ki kalaai pakad leti hai, jisse uske kalaai par jalne ka nishaan pad jaata hai. Mary jaise taise karke apna hath chudakar vaapas apni car mein aa jaati hai, lekin Padma uska peecha karte karte car tak aa jaati hai. Lekin jaise hi Anna car ke pass aati hai Padma vahan se gaayab ho jaati hai. Iske baad Anna apne bachcho ko lekar ghar vaapas aa jaati hai. Agle din jab Abraham ghar ke bahar khel raha hota hai, to achaanak se uske saamne Padma aa jaati hai or vo Abraham ki kalaai pakad leti hai. Padma vahan se chali jaati hai, lekin ab Abraham ki kalaai par bhi jalne ke nishaan hote hai.
Kuch der baad jab Anna ghar vaapas aati hai to vo Abraham ke haath par jalne ke nishaan dekhti hai. Anna Abraham se poochti hai ki use ye chot kaise lagi, to Abraham use jhooth bol deta hai ki usko ye chot girne se lagi hai. Raat ko apne dono bachcho ko sulaane ke baad jab Anna kitchen mein kaam kar rahi hoti hai, to vo dekhti hai ki Mary neend mein chal rahi hai. Anna Marry ke pass jaati hai, or use firse Sula deti hai. Tabhi Anna ke ghar ka darwaza apne aap khul jaata hai, or Anna ko mehsoos hota hai ki koi invisible energy ghar mein ghusi hai. Anna ko mehsoos hota hai ki ghar mein uske alawa bhi or koi hai, or jab vo apne bachcho ke room ke bahar dekhti hai to use white dress mein ek lady dikhayi deti hai jo or koi nhi balki Padma hoti hai. Lekin agle hi pal Padma vahan se gayab ho jaati hai. Anna kaafi Darr jaati hai, vo apne bachcho ko sulakar khud poori raat jaagti rehti hai. Agle din Anna Divya se jaakar milti hai. Anna dekhti hai ki Divya ki kalaai par bhi same vese hi nishaan hai jaise Abraham ki kalaai par tha. Divya Anna se kehti hai ki uske bachcho ki maut ki jimmedar vo hai, uski vajah se uske dono Bachche maare gaye. Isliye usne Padma se vinti ki thi, ki vo uske bachche use vaapas karde or badle mein vo Anna ke bachcho ko maar de. Ye sab sunne ke baad Anna samajh jaati hai ki uske bachcho ki jaan khatre mein hai.
Anna jaldi se apne ghar pahunchti hai, to vo dekhti hai ki Mary hawa mein ud rahi hoti hai, tabhi achanak se vo neeche gir jaati hai or vo behosh ho jaati hai. Anna samajh jaati hai ki ye sab Padma kar rahi hai. Jab Mary ko hosh aata hai to Anna usse Padma ke baare mein poochti hai, Mary use sabkuch bata deti hai jo uske sath hua tha. Isi beech jab Abraham bathroom mein hota hai to Padma use paani se bhari hui bucket mein dubokar maarne ki koshish karti hai, lekin Anna use bacha leti hai. Jab Anna Abraham ko bachaane ki koshish kar rahi thi, to Padma uska bhi kalaai pakad leti hai jisse uski bhi kalaai par jalne ka nishaan pad jaata hai. Anna ko ab samajh aa jaata hai ki agar use apne bachcho ko bachana hai to use kisi ki madad Leni hogi. Hum dekhte hai ki Anna madad ke liye church ke father ke pass jaati hai. Church ka father Anna ko ek puraane padri ke jaane ke liye kehta hai, jiska naam John ( Rajendra nath Zutsi ) hota hai. Anna John ke pass jaati hai or use apni saari pareshaani batati hai. John pehle to Anna ki madad karne se mna karta hai, lekin baad mein Maan jaata hai. John apni sabhi pavitra cheejo ko lekar Anna ke ghar par jaata hai. Johna pehle ye check karta hai ki iss ghar mein sahi mein koi bura saya hai ya nhi. Isliye vo ek jesus cross ko ghar ki ek wall par taang deta hai, lekin dekhte hi dekhte vo cross ulta ho jaata hai jisse John ko confirm ho jaata hai ki iss ghar mein bura saya hai. John protection ke liye apne saath layi pavitra cheejo ko poore ghar mein set karne lagta hai.
Kya John kar paayega Anna ki madad ? Jaanenge iss blog ke agle part mein.
( To be continued…. Part 2 )
