Kya aapne kabhi bhi aise insaan se baat ki hai jo future se aaya ho? Nahi naa? Lekin John Titor(जॉन टिटर) ek aisa naam hai jo daava karta hai ki woh future se aaya hai. Khud ko Time Traveler batane wale John ne duniya ke khatam hone ko lekar prediction kiya tha. John kehta hai ki woh 2036 se aaya hai. John ke mutabik usne duniya ko khatam hote dekha hai. John ka kehna hai ki Computers hi duniya ko khatam karne ka kaaran banenge. Itna hi nahi aaj se kareeb 20 saal pehle hi John ne daawa kiya tha ki duniya me mahamaari failegi jo Corona ke baad sach bhi hui. Corona jaise hi faila waise hi logon ko John ki baaton pe bharosa hone laga. John ke anusaar woh ek American sipaahi hai jo ab retire ho chuka hai. John ka kehna hai ki use American sarkaar ne ek khufiya project ke tehat, use Time Travel project pe lagaya tha. iski wajah se woh 1975 me hi future me chala gaya tha. Aage duniya kaise khatam hogi yeh baat John pehle se hi jaanta hai. John ne bataya ki uske pita ne computer ki duniya me kayi behtareen khoj ki thi. issi wajah se American government ne John ko iss project ke liye chuna. John ka kehna hai ki use 5100 computers ki programming ki jaanch ke liye future me bheja gaya, jaha pahuch kar usne dekha ki 2036 me duniya khatam ho jaayegi aur iski wajah computer bug banega. Isse pehle bhi John ne kayi daave kiye the joh sach nahi hue. John ne kaha tha ki teesara World War 2015 me shuru hoga jo sach nahi hua. Halanki 2022 me Russia-Ukraine humle ke baad teesare world War ki charcha jarur shuru hui thi. John ne iske alawa yeh kaha tha ki, future me do superpower desh aapas me takraayenge, jisme 3 billions logon ki maut hogi. dekha jaaye toh iss saal ke shuruati me Russia ke Ukraine pe humle ke baad kayi logon ki jaane gayi. saath hi yeh dono desh economically strong bhi hai. Iss hisaab se John ki baat sahi hi thi. Iske alawa John ne kaha tha ki America me ek गाय dwara mahamaari failegi. Lekin isme twist yeh hua ki China me lab se faile virus ki wajah se mahamaari faili. aisa lag raha hai ki John logon ko bhale hi future ko lekar warn kar raha ho lekin woh puri tarah sach nahi bata raha. Wahi aisa daava karne ke baad se John gaayab ho gaya hai jise log abtak doondh nhi paaye hai.
Toh aakhir kon hai John? Kya woh sach me future se aaya hai? Apni rai hume comment section me jarur bataye. Dhanyawaad
