Yeh kahani hai 52 saal ke ek aadmi ki. Ludhiana ke bahut bade khaandan ki aur, yeh kahani hai Baljit Singh aur Rajwinder Singh ki.
Ludhiana mein pale bade yeh 2 bhai hamesha se hi ek dusre ke competition rahe hain. Magar bhaiyon mein yeh competition sirf ek dusre ki taraki ko lekar hota hai. Warna Indian culture mein bhai ek dusre ke liye jaan bhi de sakte hain.
Magar Baljit aur Rajwinder ki kahani mein aisa nahi hua. Yeh baat hai Nov 2022 ki. Baljit Singh ne apni wife Sukhraj Kaur ke saath milkar apne hi bhai ko maardiya, aur ilzaam bhi ussi par laga diya. Ludhiana ki thand mein, Baljit aur uski biwi jis ghar ke groundfloor par rehte the, ussi ghar ke 1st floor par Rajwinder aur unki biwi Ramandeep Kaur bhi rehte the. Dono pariwaaron mein kuch khaas banti nahi thi, magar Rajwinder ne apne bhai ko jitni madat ho sake utni madat ki thi. Rajwinder ke bete bhaar rehte the, wahin Baljit ki beti ko bhi bhaar bhejne mein Rajwinder ne khoob madat ki thi. Rajwinder ki Baljit ki beti ke saath khoob banti thi, aur woh usse bhi apni aulaad ke jaise hi rakhte the. Baljit ko chodkar puri family ache se hi rehti thi. Aur isi wajah se Baljit ke pita ne bhi unka pura bada mansion Rajwinder ke naam kardiya, aur Baljit ke liye woh kuch bhi nahi chod kar gaye. Baljit hamesha se hi bharose ke layak nahi tha. Abb inke khaandan ke bache settle ho rahe the, aur yeh log abb alag hona chahte the. Isi liye hi Rajwinder ne mansion ko bech kar kahin aur shift hone ki demand rakh di thi. Magar Baljit ghar khaali hi nahi kar raha tha. Kayin na kayin usse iss baat ka gussa tha ki uske pita ne usse property mein hissa nahi diya.
Bus iske baad woh hua jo nahi hona chahiye tha. Baljit aur uski wife ne Rajwinder ka murder kardiya. Dono ne milkar usse iron ki rods se khoob mara, tab tak maara jab tak uski saansein na band hojaayein. Itna hi nahi dono ne maarne ke baad, khud hi paas ke Sarbha Nagar Police station mein complaint bhi kardi jismein unhone saari kahani ulti batayi ki kaise Rajwinder unhein maarna chahta tha. Magar inn sab mein woh Rajwinder ki wife ko bhool gaye. Police ne woh iron rods baramat Karli, aur Baljit aur uski biwi ka raaz khul gaya. Property ke chakar mein apne hi bhai ko maut ke ghat utaarne wala Baljit philhaal jail mein hain, aur Rajwinder ke kuch last rituals ke liye uske bachon ko bualaya gaya hai.
Toh aisi property dispute ko lekar 2 bhaiyon mein pareshaani ki kahani hamein Race 4 mein dekhne ko mil sakti hai. Bus thode glamorous aur stylish tarike se!
Tab tak bane rahiye Bollygrad Studioz ke saath. Like aur share karna na bhulein inn sabhi blog ko.
-By Pratima Ratwani.
