Smuggling mein log ya toh hamesha ke liye jail jaate hai ya unhe kam saja milti hai toh wo bahar aakar badla lene ke chakkar mein phir se wahi kaam karne lagte hai lekin inn sab se alag mashur Dennis Howard Marks tha. Ye smuggler jarur tha lekin jail se bahar aane ke baad iss ne isne smuggling ki duniya chor kar ek aachi zindagi jee raha tha. Howard ka janam 13 August saal 1945, kenfig Hill mein hua tha. Iske pita ji ka naam Dennis Mark jo merchant navy mein caption thy or inki maa Edna jo ki ek teacher thi. Howard ka palan poshan ek baptist ke roop mein hua tha uske baad usne Buddh dharma ko apna ne ki koshish ki lekin ek aacha bhakt nhi ban paya tha. Howard ne apni padhai Garw Grammar School ki Pontycymer mein ki thi. Howard ne ek interview mein Russell Meiggs ko impressed karke Oxford mein usne admission liya tha or waha saal 1964 se 1967 tak physics ki padhai ki thi. Waha college mein hi Howard ki paheli mulakaat cannabis se hui wo bhi Denys Irving ke jariye. Ussi bich Howard drugs lena shuru kar diya tha lekin kuch dino baad Howard ka ek dost drug ke kaaran mara gaya or Howard ne kasam khayi ki wo kabhi hard drugs nhi lega. Howard or uske dost hamesha padhai mein kamjor thy wo ya toh cheating ke bharose rehte thy ya toh exam ke ek din pahele rata maar kar exam dete thy. Jaise taise Howard final year usne clear kiya tha ussi duran uska dost drug ke wajah se infected ho gaya tha or mar gaya tha.
Saal 1967 mein Howard ne teacher bann ne ki training shuru kar di thi or ussi bich usne Ilze Kadegis naam ki ladki se shaadi ki jo St. Anne’s college, Oxford ki student thi or wo bhi teacher bann ne ki training kar rahi thi. Usne apni padhai puri tarah se continue ki or kabhi ek collage se dusre college finally usne philosophy of science ki padhai puri kar li thi. Lekin Howard ne ussi waqt drug trafficking ki kaam bhi shuru kar di thi wo uss waqt drug sirf aapne dosto ko hi becha karta tha. Bahut muskil se Howard ko Graham Plinston ki madad karne ke liye razi kiya gaya jo ek baar drugs trafficking ke liye Germany mein pakda gaya tha. Ab Plinston ki madad se Howard , Pakistan hashish ke ek exporter jiska naam Mohammed Durrani tha uss se mil saka jo uss waqt afganistan mein raaj kar raha tha. Jab wo dono miley toh duraani ne Howard ke saamne ek offer rakha offer mein uss se bola ki Howard chahe toh drug smuggling jada amount mein kar sakhta hai or aakhir kaar Howard wo deal maan gaya. Duraani ne iss smuggling ke liye or 3 logo ko partnership di Jinke naam Charlie Radcliffe, Charlie Weatherly or Jarvi tha. Duraani kabhi inn sab se mila nhi tha or trafficking ko lekar hamesha phone par hi baatein hoti thi. Ab finally unka ek chota sa smuggling ka group ban gaya jisse wo log apna smuggling wala kaam aache se kr raha tha or Oxford, Brighton or London mein bhi unn logo ne smuggling shuru kar di thi. 6 mahine ke baad Plinston bail lekar bahar aaya or Howard ko Germany bheja gaya usse nikalwane ke liye kiu ki Howard hi ek aisa tha unke group mein jiske upar koi criminals record nhi tha abhi.
Jail se bahar aate hi Plinston ne Howard ko drug Smuggle krne ke liye Frankfurt bheja or uske badle mein Howard ne New Zealand ke ek sumggler ko apna driver bana liya tha. Howard or uske dosto ne milkar 650 kg drugs bechi jinse unko kai rupiyo ka fayda hua or phir issi tarah wo hamesha aapne kaam ko anjaam deta raha. Ussi bich duraani ne Pakistan se London ja rahi furniture waali plane ke saharre apne smuggling ki or uss se huye fayde se Howard or uske dost khush huye. Plinston or Howard ne badi muskil se McCann ko Ireland se ja rahi kabul mein hashish smuggling ke liye manaya taki McCann ki IRA mein paihchan hone ke wajah se Shannon Airport par aaram se drugs nikala ja sake. Howard police ke nigrani se bachane ke liye ek paper trail banaya jiss se ye pata chalta tha ki wo jo paisa lekar aaya hai wo uska kamaya huya paisa hai. Saal 1972 tak Howard har ek delivery par bahut saare paise kamane laga tha. Saal ke last mein usne apne ek or dost ko isme joda or uske sath mil kar or smuggling karne laga iss baar toh usne ek sangit ke upkarno mein apna drugs chipa kar smuggling krne laga tha, phir achanak McCann ko IRA se nikaal diya gaya ye khabar sunte hi Howard darr gaya tha or usne ussi waqt wo smuggling wala kaam chor diya. Usne apne dosto se saare riste tod liye or dheere dheere uske saare dost giraftaar hotey gaye. Saal 1973 mein Howard ko bhi Dutch police ne giraftaar kiya lekin saal 1974 April mein usse bail par chor diya gaya or wo uss waqt bahut famous ho gaya tha smuggling ki duniya mein usse kisi or ke nhi balki waha ke newspaper waalo ne mashur kar diya tha. Officer ne Howard ka sara saaman apne kabje mein le liya or Howard waha se Italy chala gaya lekin England lautne se pahele usne Judy lane naam ki ladki se shaadi ki or jinse iske 3 bache hai or ek beti bhi hai jo iski dusri biwi se hai.
Saal 1975 se 1978 ke beech mein isne phir se smuggling ki business shuru kar di thi iss baar toh wo hashish ke sath sath marijuana bhi smuggle krne laga tha or iss baar wo ye sab bade paimaane mein kiya krta tha iss baar wo mafia jaise logo se sath juda hua tha . Lekin iss baar bhi iski kismat iske sath nhi thi or 15 million ki supply krte huye wo iss baar custom officers ke hantho pakda gaya. Jab Howard ko pakda gaya tha tab uske paas bahut saare sabut thy or paise bhi jo wo lekar aapne sath aaya tha . Jab usse court le jaya gaya toh usse waha smuggling krne ke liye doshi nhi bataya gaya lekin fake passport use krne ke liye usse 2 saal ki saja hui. Lekin wo kuch din mein hi bahar aa gaya or wo bhi ghus dekar ussne apne 3 saal ki saja 3 mahine mein hi puri kar li thi. Saal 1983 mein isne apne kaam ko or uchaiya di or McCann ke sath milar or jada se jada amount mein smuggling karne laga . Howard ne jitna bhi black money kamaya tha unn sab ko ab wo white money mein badal raha tha usne bahut saare legal company kholwa di thi jaise Travel agency, Paper mill, bulk water transportation company or ek secretarial service taki usse kahi se bhi pakda na ja sake.
Aakhir kaar last mein Howard ko realise hua ki usse ab smuggling ki duniya chor deni chahiye kiu ki ab wo ye sab risk waale kaam kar kar ke thak chuka tha or toh or jab Royal Canadian Mounted Police ne uske dost ko pakda tha toh ussi waqt usne thaan liya tha ki wo bhi surrender kar dega or saal 1988 mein usne apni saari sachai police waalo ko bata di or usse phir 7 saal ki saja hui. Jail se bahar aane ke baad usne apni company pe toh dhiyan diya hi sath sath usne kai movies mein khud kaam bhi kiya . Uk parliament ki election mein bhi wo khada hua or usse ek seat mili bhi sath hi sath usne khud ki apni ek autobiography bhi launch ki jiska naam Mr. Nice rakha tha usne. January saal 2015 mein pata chala tha ki usko colorectal cancer ho gaya tha or ussi bimari ki wajah se uski maut saal 2016 mein ho gayi thi.
Toh kaise lagi aapko ye ek smuggler ki kahani jo Pushpa 2 movie ki story bhi ho sakhti hai, comments karke jarur bataiyega or tab tak ke liye or bhi story padte rahiye or hamesha muskurate rahiye…….
Chandan Pandit
