90 ke dasak mein kahi na kahi shuruaat hui shanti ki jaha log Daud ke dehsak mein toh thy hi lekin uss bich kahi na kahi umeed ki kiran bhi thi . Lekin mumbai mein janma bacha gangster ya don nhi bann na chahata, unhe unki haalat gangster ya don banati hai, unhi mein se ek hai Rahul Ramakant Jadhav. Jadhav ka janam mumbai mein 11 February saal 1976 mein hua uska bhi aam bacho ki tarah hi sapna tha jisme wo khud ko bulandiyo par dekhna chahta tha. Lekin kehte hai na sapne kaha sabhi ke purey hotey hai bas lag gayi Jadhav ko najar, bechara Jadhav ek aisa painter jis se ek 9mm ki pistol ne uss se iski sapne ko chinn li , ek aisa bacha jiske ambition ko ghatiya ki whiskey ne barbaad kar diya , ek beta jisne aapne chahne waalo ke liye khud ko badal liya. Rahul ki maa ki uss waqt tabiyat thik nhi thi lekin sehar mein emergency lagne ke wajah unhe time par hospital nhi le jis se jadhav naraj ho gaya tha sarkaar ke kaamo se. Jadhav ke pita uss waqt ek blade banane waali company mein kaam kiya karte thy or uss waqt unki aam dani bhi itni nhi thi ghar aache se chal sake. Yaha tak ki jadhav ne apni padhai apne bhaiya or apni didi se padh kar puri ki or toh or wo apne bhaiya ke hi kapde pehna karta tha.

Ek baar gusse mein Jadhav ne apne pita ji se pucha ki pita ji hamare paas apna kuch kiu nhi hai or agar hai bhi toh wo ya toh kisi se manga hua hai ya second hand chiz hai. Yeh suun kar jadhav ne pita ji chup rahe kiu ki wo shant swabhao ke thy wo jaante thy ki ek na ek din unke bache ye sab sawal unn se jarur puchenge, lekin jadhav bache hone ke kaaran unki chupi samjh nhi paaye. Jadhav hamesha apne khidki par baith kar dusro bacho ko cycling krta dekhta or sochta tha ki kaas uske paas aisi koi cycle hoti . Ek din usse ye khiyal aaya ki kiu na wo dusro ki saaman laane or le jaane mein madad karega or badle mein usse cycle milegi chalane ke liye.

Baat hai saal 90s ki jab jadhav sab taraf se lachar ho gaya tha middle class family ka hotey huye usse zindagi ki har sukh dukh ki jaan kaari thi , lekin uski lachar ho jaane ke wajah or ghar ki halat ne uss ye sochne par majbur kar diya. Jab wo 21 saal ka tha tabhi usne paise or aachi life ke bhuk ko puri karne ke liye ek gang se judne ki sochi jiska naam tha Jaidev reddy wo uss waqt ka sabse badmash don tha. Ussne jaise hi iss gang se khud ko joda usse ab sirf or sirf paise ki chamak hi dikhai de rahi thi. Uss waqt usse agar kisi chiz mein jada interest thi toh wo tha loot chori waale kaamo mein usse jada accha lagta tha kiu ki ye kaam dusre kaamo se jada aasan hai or aaram dayak bhi hai. Jis gang mein wo tha waha ke log usse dheere dheere karke nashe ki aadat laga rahe thy taaki wo nashe ke haalat mein rahe or apne kaam ko aache se anjam de. Jadhav sab kuch jaanta tha or samjhta bhi tha ki uske sath kiya ho raha hai kiu ho raha hai phir wo nashe ki halat mein dubey rahta tha kabhi khud ko uss nashe se dur karne ki koshish nhi ki. Ab Jadhav ko toh ye kaam easy lag raha tha toh usne socha ki kiu na iss kaam mein hi apni punji achi se lagai jaaye or phir uske baad saal 1997mein wo ja mila underworld waalo se or uss waqt Bharat ke halaat aise thy ki gangster waalo ke wajah se charo taraf sirf khoon hi khoon najar aa raha tha. Ya toh kisi business, actor ya real state waalo se jabar jasti waasuli ki ja rahi thi. Ussi saal jab mumbai ke police waalo ko yeh baat pata chali ki waha loot bahut jada badh gayi hai toh unhone kai operation bhi chaleye or uss seher mein Anti – extortion cell lahgu hua lekin unhe iska bhi koi faraq nhi pata toh majburan police waalo ko wo Anti- extortion cell waalo ki ginti 5 se 12 kary di. Jadhav ko wo gang ab raas aane lagi thi or usne apna ek alag hi naam rakha wo tha Bhiku jo ek mashur gangster Satya ka bhi naam hua krta tha. Jadhav jab iss gang mein aaya wo tab se hi khud ko Satya ki tarah bana ne koshish krta. Log usko paichane isliye uss ne apne padhe likhe hone ka faida bhi uthaya or Skype par khud ko aisa dekhaya maano koi uss se waasuli kar raha ho or aise aise idea’s ke wajah se wo uss waqt ka most wanted gangster bann gaya tha .

Saal 2000 tak 3 saal ke liye Jadhav ne Hawala department ke liye kaam kiya , jab unke pita ji unnka sadko par ghumna phirna band krwa diye or computer course krne ke liye manwa liya. Jab jadhav tution ke liye dusre seher mein jaa raha tha tab usne apne sath kai saare real state waalo ke contact number apne sath le gaya jab ye baat uske seniors ko pata chali toh uska uss gang mein promotion ho gaya or ab wo ghar baithe hi call par hi wasuli kiya krta tha. 2003 mein ye gang hi ek lauta aisa gang bana jo tech- literate bana or waha ka faida bhi uthaya. Jadhav apne ghar ke paas waale cyber café se hi call krta or apni waasuli puri kiya krta tha , wo har baar kuch nayi tarkib apnata or iss baar toh usne protection money ke naam par kai saare paise bhi wasul kar liye or apne senior ko usne khush bhi kar diya lekin ab Jadhav ke senior logo ko tension ho rahi thi ki agar issi tarah jadhav aapna kaam krta raha toh wo ek din unki bhi jagah le lega isliye uske seniors ne uska faida utthana shuru kar diya. Aur jadhav ko apne seniors par itna bharosa tha ki usse lagta tha ki agar kabhi police usse pakadne aai toh uske seniors usse kuch bhi nhi hone denge wo ye soch kar unke liye bahut siddat se kaam kiya krta tha. Jadhav ko jada darr nhi lagta tha kiu ki uska kaam sirf logo ko darana hota tha or unhe dhamkiya hi sirf dena hota tha. Jadhav apna darr barkarar rakhne ke liye jada kuch nhi krta ya toh to ek baar din mein real state waalo ke ghar ke bahar gun fire kar deta tha ya unki glass waali khidkiyan thod deta ya phir unke dusre saamaan ko barbaad kar deta tha lekin kabhi kisi ki hatya nhi krta tha, lekin jab Jadhav pakda gaya tha tab uss par 4 murder ki aarop lagi thi. Saal 2007 mein apni giraftaari ke baad jadhav ne mumbai or thane ke jail mein apne 3 saal bitaye. 7/ 11 mein hui dhamake par sabak lekar jadhav ne khud apne bail ke liye court se baat ki or saal 2010 mein usse manjuri bhi mil gayi, or bahar aate hi wo apne seniors ke paas gaya taaki unn se wo saari jaankari nikal sake .

Ab jab jadhav bahar aa chuka tha toh usne saraab se dushmani karni ki sochi lekin uss se wo chutt hi nhi rahi thi or ab sudharna chahta tha lekin usse uske dost ya padhosi waale abhi bhi usse gundey jadhav ki najar se hi dekhte thy jiske pocket mein hamesha do banduk hua karti thi. Jab 2013 mein uspar se saare apradh hata diye gaye or usse chor diya gaya tab wo bahar aate hi kai khatarnak saraab piya karta tha, kai dino tak saarab ke nashe ke kaaran khana bhul jata tha or kabhi idhar toh kabhi udhar road par wo gira milta tha. Jab uske pariwaar walo ki uski ye halat nhi dekhi gayi tab usse Muktangan Rehabilitation Centre jo ki Pune mein hai drug addict logo ke liye waha bheja gaya. Jab saal 2015 mein Jadhav ki ek councellor ne ek seesion ke dauraan uss se pucha ki uski khasiyat kiya hai toh wo ye toh nhi bol sakhta tha na ki banduk ki nok par waasuli kr sakhta hu, toh usne bola ki wo running mein aacha hai. Toh kahi na kahi ye session or uska ye jawab jadhav ke life ka turning point bana , uski councellor ne usse Pune mein hone waali 10 km ki marathon ke liye usse bataya uss samjhaya ki ab wo kisi se na darre or bas apni marathon ki taiyari kare. Saal 2016 mein hui marathon mein Jadhav ne hisa liya or uske baad wo mumbai aaye or naukri krni shuru kar di. Tab se unhone kai saare marathon mein hissa liya or 10,000 km se bhi jada daudh chuke hai or unko umeed hai ki wo ek din national mein bhi part lenge or daudenge. Toh ye Kahaani ho sakhti hai KGF 3 ki jisme ek gangster ne khud ke halat se bahar aakar ek aachi life jii raha hai. Aapko kaisi lagi ye kahaani padh kar jarur bataiyega or tab tak ke liye apna dhiyan rakhiye or hamesha muskurate rahiye…….

Chandan Pandit