Housefull ke pahele 4 part se hum saare log waakif hai lekin parde ke pichey kiya chal raha hai ya kiya ho raha hota hai wo kabhi kabhi parde ke iss paar aa paati hai. Thik aisa hi kuch hua tha Housefull 4 ko banane ke waqt, Sajid Khan aaj iss naam ko kon nhi jaanta. Sajid Khan wo director hai jisne hame kai saari Comedy movies di jee se dekh kar hum hans hans kar lot pot ho jaate thy , yaha tak ki Housefull 1,2 inke hi direction mein bani thi. Housefull 4 saal 2019 mein diwali ke waqt release hui thi , iss film mein bahut saare badlao kiye gaye thy lekin kise pata tha ki hero heroine ka badlao karte karte direct bhi badalna padh jaayega. Iss film mein Jonny lever ki beti Jimmy lever bhi najar aayi thi or wo iss se apna filmo mein debut krne ja rahi thi.

Hum log Sajid Khan ke movie se hatne ka reason jaan ne se pahele thoda uske baare mein jaan lete hai. Sajid Khan ki life abhi jitni aasaan lagti hai utni rahi nhi kiu ki unke pita ji jo khud ek director thy unn ko nashe ki latt thi jiske wajah se jab Sajid 14 saal ka thy ussi waqt uske pita ji ka dehant ho gaya tha. Yaha tak ki 15 saal ki umar mein wo jail bhi jakar aa chuke hai, unhone bataya tha ki wo apne dosto ke sath movie dekhne ja rahe thy lekin rail ki patrio ko paar kr rahe thy utne mein ek hawaldaar ne unhe dekh liya, unhe maare bhi or raat bhar jail mein rakha. Sajid Khan ko movies mein bachpan se dilchaspi rahi hai , shuruaati dino mein unko kahi bhi kaam nhi mil raha tha lekin phir bhi wo haar nhi maane or akhir kaar unko durdarshan par ek show aata tha jiska naam “Mai bhi detective tha” usme kaam mila or phir unhone “Eke par Ekka” bhi host kiya or aise Sajid Khan Bollywood mein ghus gaye. Sajid Khan ne dhere dhere karke apni naam or paihchan Bollywood mein apni bahen Farah Khan ki tarah banane laga, lekin kehte hai na ki kisi kisi ko name or fame hajam nhi hoti waisa hi kuch Housefull 4 ke waqt bhi hua jab uss movie ko direct Sajid Khan hi kar rahe thy lekin uss waqt ek campaign jiska naam tha “Me Too” usne wo haq bhi Sajid Khan se chinn liya.

Puri duniya mein Me Too campaign joro par tha jaha ladies apni feelings bina darre share karti or ek dusre tak baatein pahuchati thi unme se ek thi actress or model Saloni Chopra. Iss actress ne sabse pahele Sajid Khan par Me Too campaign ke tehat ye aarop lagaya ki Sajid unke sath kaisa bartaav krte thy or shooting ke waqt unhe uss chiz ko lekar kitni uncomfortable hoti thi. Ye sab dekhte huye ek ladies patrkaar Karishma Upadhyay ne bhi tweet karke bataya ki ek baar jab wo Sajid Khan ka interview lene gayi thi tab wo apne bahen Farah Khan ke sath hi rehte thy kaise Sajid ne interview ke waqt unnse unke private part ke baare mein baat ki or unhe tips bhi di ki kaise admiyon ko khus kiya jata hai, uss waqt karishna control kar ke chup rahi lekin jaise hi usne dekha ki Me Too campaign mein Saloni ne tweet kiya hai Karishma ne bhi aapne sath hui badshuluki ki saari baatein tweet kar di yaha tak ki Housefull mein kaam kar chuki Lara dutta or humsakal mein kaam kar chuki Bipasha Basu ne bhi Sajid par ye ilzaam lagaye thy. Uske baad kiya tha ye khabar bhi aag ti tarah faiil gayi or Sajid Khan ko Housefull 4 movies se nikaal diya gaya. Sajid ko movie se nikaal dene ke baad ye movie Farhad Saamji ko mili jinki ye paheli movie thi bator director or ye movie complete hui under Sajid Nadiadwala ke production ke andar. Movie mein thodi bahut changes ki gayi story se lekar casting tak sabhi ko change kiya gaya or iss baar ki story mein punar janam ka tadka lagaya gaya tha phir bhi kahi na kahi directors or producers ko darr tha ki ye movie Sajid ke upar chal rahe case ke wajah se flop na ho jaaye lekin unke ek song ne iss movie ko dubte dubte bacha liya or wo gana tha “Shaitaan ka Khala” ye original song Tony Motana Music se officially kharid kar ” Bala Bala” ka roop diya gaya tha, or isske gaane ne sabka dil jeeta tha. Film ke duraan Nana Patekar ke upar bhi ye Me too wala aarop laga tha or wo iss baar housefull 4 mein najar bhi aane waale thy unhone pahele janam ki shooting bhi puri kar li thi lekin unke iss aarop ke wajah se unhe bhi nikaal diya gaya tha. Akshay Kumar ne bhi decide kiya ki jab tak Sajid or Nana Patekar ka faisla nhi aa jata hum film ki shooting aage nhi karenge, lekin pahele hi itne saare changes aa chuke thy ki unhe shooting karni hi padi. Lekin ussi bich shoot ke location par ek dancer par ched chad hui thi or iss baat ke baare mein jaise hi Akshay ko pata chali toh unhone uss dancer ko fauran complain krne ke liye bola, complain krte hi police waalo ne turant aapna kaam kiya.

Iss Film mein bahut saare changes karne ke baad ek sabse bada change tha Jacqueline ka usse iss baar nhi liya gaya tha kiu ki khabar aayi thi ki wo Sajid Khan ko date kar rahi or shooting start hone se pahele hi unn dono ka breakup ho gaya tha jiske kaaran Sajid ne Jacqueline ko koi role nhi diya. Finally movie ban kar taiyaar thi or agar ab deri thi toh uske realese hone ki or Diwali ke din wo release bhi hui , log theatre mein hans hans kar lot pot ho gaye thy isme aise aise comedy scene thy jo log ke dimaag se Sajid Khan waali case ko remove kar diya tha. Ye movie critics ko itni aachi nhi lagi baakiyon pahele 3 Housefull se lekin iss ko review kaafi aachi mili baaki housefull movies se . Sajid ka naam iss movie mein kahi bhi najar nhi aaya or uske baad se wo maano Bollywood ki duniya se gayab se ho gaye. Itne saalo baad Sajid TV par najar aaye wo bhi Bigg Boss 16 mein as a contestant. Jab Salman Khan ne unn se Bollywood se dur hone ka kaaran pucha toh Sajid ne bola ki ek toh unhe ya unke naam ko koi credit nhi mila housefull 4 movie ke liye or phir unhe ye samjh aayi ki logo ko unki asafalta pagal kar deti hai lekin Sajid ko unki safalta ne pagal bana diya or filhaal wo khud ko shudharne mein busy hai isliye wo Bollywood or TV se dur hai.

Rahi baat Housefull 5 movie ki toh wo bhi bahut jald parde par aane waali hai Sajid Nadiadwala ne bataya hai ki wo iss par kaam kar rahe hai or iss baar high budget ke sath or bhi behtar Comedy movie usse baane waale hai.Sajid ne bola hai ki iss baar ki movie mein bhi Akshay Kumar lead role par rahenge or sath hi sath iss movie mein phir se Ritesh Deshmukh, Abhishek Bachchan, John Abraham or Bobby Deol hame dekhne ke liye mil sakhte hai. Filmmaker soch rahe hai ki iss movie ko saal 2023 mein hi release ki jaaye iske liye sabhi actor yaha tak ki director or producer dono kadi mehnat kar rahe hai taaki iss baar saare role ko uski sahi bhumika mil sake.

Lekin haal hi mein ye khabar aayi thi ki jaise bhool bhulaiya 2 mein Karthik Aryan ne Akshay Kumar ko replace kar diya tha iss baar bhi hame housefull 5 mein wahi dekhne ke liye milega lekin iss baat par chupi thodte huye Karthik ne clear bol diya hai ki wo abhi bhool bhulaiya 2 ki success or uss se judi kaamo mein busy hai unhone kisi ko replace nhi kiya hai or na hi koi new movie sign ki hai. Kai log toh Karthik ko dusre Akshay Kumar naam se bulaate hai or unse tulna bhi karte hai jispar Karthik ne bola hai ki hame kisi dusre se tulna nhi karni chahiye. Sajid Nadiadwala ne bahut umeed laga rakhi hai iss movie se kiu ki ek chhat ke nichey 5-5 bade actor ke sath kaam karna aasaan nhi hota or upar se sabke role alag honge toh unko unke role ke jaise hi treat karna hoga. Sajid Nadiadwala ne apni kamar kas li hai or apni script bhi puri kar li hai bas baaki hai toh cast final karna or shooting start karne ki. Toh ye story ho sakhti hai Housefull 5 ki , comments karke jarur bataiyega ki aapko ye story kaisi lagi tab tak aap apna dhiyan rakhiye or hamesha muskurate rahiye…

Chandan Pandit