Kai saare aise freedom fighter the jinhone ya toh khud ki balidan di ho ya phir wo marte dam tak swaraj ke liye ladte rahe ho. Lekin unn sab se alag the Pulin Behari das inhone jail se chutney ke baad apni zindagi puri ki puri badal li thi lekin abhi bhi unke andar wo freedom fighter zinda tha aur wo bhi marne tak apne desh ki sewa karte rahe aur ek din shahid ho gaye .
Pulin ka janam 28 January saal 1877 mein Bengal mein hua tha. Pulin ek middle class Bengali hindu family se belong karte the, unke paas khud ki kuch zameen jaidad thi lekin phir bhi wo colonial job karna pasand karte the aur inke pita ji Naba Kumar Das , Madaripur ke ek anumandal court mei wakil the, unke ek chacha ji Deputy magistrate the toh dusre ek Munsif the . Pulin padhai mein bahut aache the ,saal 1894 mein Faridpur gilley ke ek school mein inhone admission liya tha aur uske liye inhone entrance ki exam bhi clear kar li thi. Unhone Dhaka College mein ke hisaa bane aur laboratory assistant aur demonstrator ban gaye the. Lekin Pulin ko bachpan se hi physical culture mein dilchaspi thi jisme wo bahut aache se lathiya chala lete the. Wo Kolkata mein sarla devi ke yaha akhada khela karte the aur usme unko safalta milne ke baad wo saal 1903 mein Tikatuli mein ek akhada khola aur khud ko saal 1905 mein khud ek traning lene lage talvaar baazi aur lathi ke khel mein. Ek baar dhaka ke nawab ke uksaane par Pulin bihari das ke logo par 500 aadmiyon ne ek sath hamla kar diya tha aur iska natija ye yua ke nawab ke 50 aadmi maar diye gaye aur Pulin ke aadmi safely bach kar nikal gaye the. Iss ladai ke baad pulin behari das giraftaar ho gaye the unn par case hua aur court ne unko 3 saal ki saja sunai lekin baad mein appeal karne par unko maaf kar diya gaya aur 1500 rupay jurmana adaa karne ka order mila tha. Pulin ne Dhaka ke present magistrate Basil Copleston Allen ko maarne ki planning ki aur 23 december saal 1906 mein jab Allene wapas england ja rahe the tab Goalundo railway station par unko goli maar di gayi thi lekin unki kismat aachi thi jo wo bach gaye the.
Pulin bihari politics ke kaamo ke liye paise ko jama kar rahe the aur uss waqt jada paisa nhi hone ke kaaran wo dakaa daalte the jisme wo kaafi ustaad the, lekin unki kaam bahut dino tak chipi nhi aur saal 1908 mein giraftaar karke unhe Punjab ke Maantguri jail mein band kar diya gaya lekin sabutoh ke pesh nhi karne par unko kuch mahino par hi chor diya gaya tha. Saal 1910 mein Pulin aur unke sath 46 freedom fighter ko raajdroh ke aarop mein giraftaar kar liya gaya tha jiske baad mein aur bhi 44 logo ko giraftaar kiya gaya tha aur uss case ka naam Dhaka conspiracy rakha gaya tha, lekin sayad unki kismat kharab thi isliye wo iss case mein lambe samay ke liye jail gaye aur iss baar saare sabut the jiske kaaran unko life time imprisonment ki saja sunai gayi thi lekin jab iss case ki sunwai high court mein hui toh unke saja ko ghata kar 7 saal ki kar di gayi thi aur ye saja unhone Andaman ke jail mein kaati thi aur waha inko jail mein Hem Chandra das,Barindra Kumar Ghosh aur Vinayak Savarkar ka sath mila tha. Saal 1918 mein inko chorne ki baat saamne aai thi lekin jailer ne ek saal aur badha di thi jab saal 1919 mein wo bahar aaye toh unhone socha ki phir se apne kaamo mein lag jaate hai lekin support aachi tarah nhi milne se wo ruk gaye the.
Saal 1928 mein inhone khud ki ek party banai jiska naam inhone Bangiya Byayam samiti rakha aur ye samiti Kolkata mein banai gayi thi jisme physical culture, akhada, stick wielding aur talwaar baazi naujawaano ko sikhaya jata tha. Baad mein inhone shaadi ki aur inke 3 bete aur 2 betiyan bhi hai aur unki banayi gayi samiti unke bete Kolkata mein chala rahe the lekin abhi unke grandson ne usse rebuilt karne ke liye government se help bhi maangi hai. Pulin ji ka dehant 17 August saal 1949 mein ho gaya tha aur unke maut ke baad unke naam par ek medal bhi banaya gaya tha jiska naam Pulin bihari das smriti padak pada. Toh ye ek Kahaani ho sakhti hai aane waali movie RRRR ki. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
