Dilwale me jis tarah se Ajay Devgan PTSD(Post-traumatic stress disorder) ke kaaran psychotic condition me aa gaye the. Waisi kayi aur bhi stories hai, jinme acche khaase log psych ban jaate hai. Agar hum baat Dilwale-2 ki kare toh ho sakta hai iss baar hero ke badle, film ki lead actress Psychopath ka kirdaar nibhaye, jo kisi traumatic condition ke kaaran psycho ho jaati hai aur woh hero ko apne love interest ke taur pe dekhti hai. Bhale hi shuruat me hero ko ek Psychopath ladki ke saath rehne me koi interest naa ho lekin film ki storyline aise form hogi, jisme hero aur psychopath heroine, dono ek dusre ko pasand karne lag jaate hai. Dekha jaaye toh Dilwale-2 ki kahani aisi ho bhi sakti hai. Wahi aaj hum aapko aisi ek ladki ki kahani batane jaa rahe hai, jo PTSD ke kaaran Psychopath ban jaati hai.
Yeh kahani jiski hai usne bhale hi apna naam diya ho, lekin hum use yaha Sara naam de rahe hai.
Sara kehti hai ki woh guilt(आत्मा ग्लानि) se puri tarah se anjaan thi. Lekin use dhokhebaazi bahut pasand hai. Sara complicated aur illogical emotions se puri tarah se free hai aur woh khud ko intelligent, confident aur चालाक maanti hai, Lekin phir bhi dusron ke gestures ko dekh, sahi reaction dene me fail ho jaati hai. Sara kehti hai ki woh naa hi child abuse ki shikaar hai, naa hi woh koi criminal ya murderer hai aur naa hi woh kabhi jail gayi hai. Sara aisa issiliye keh rahi hai kyunki bahuton ko aisa lagta hai ki psychopath criminals hote hai. Kayi hote honge par sabhi nahi hote. Kuch Sara jaise log bhi hote hai jo apne income ka 10 percent hissa charity me daan karte hai. Saara ke close family members aur dost bhi hai. Jispe woh kehti hai saare sociopath serial killers nahi hote hai. Kuch uske tarah bhi hote hai, jo logon ke saath hote hai, dost banate hai aur apni life ko jeete hai. Jabki sociopaths ka serial killer banna puri tarah se unki soch pe depend karta hai. Sara khud ko psychopath kehti hai. Shyaad psychologist ne bhi usse yahi kaha, lekin Sara ke mutabik woh ek serial killer nahi hai. Balki ek aisi ladki hai jisse har koi milna chahega aur use apna dost banana chahega. Sara ka confidence uske eye contact se aata hai lekin kayi log uske eye contact ko predator stare (शिकारी घूरना) maante hai. Yaha tak ki sociopaths, jab politely bhi apni nazaron ko hata lete hai. Tab bhi log ise aggressive behavior hi maante hai. Sara bhi baaki psychopaths ki tarah apne charm aur confidence ka istemaal kar dusron se apna kaam karwati hai lekin woh ise manipulation nahi kehti hai. Balki Sara ke mutabik yeh ek aisi trait hai, jo use bhagwaan ne di hai. Psychologist ki maane toh har sociopath aur psychopath apne manipulative nature ka itemaal karta hai, taaki woh apne kaam dusron se karwa sake. Psychopath bahut polite ho jaate hai bhale hi unke mann me aggression ka volcanic irruption ho raha hota hai.
Sara bachpan se hi logon se waise kaam karwati thi, jaisa ki woh chahti aayi hai. Use affection se khaasa nafrat tha aur naa hi use pasand tha ki koi bhi use touch kare. Sara ke mutabik woh aam-taur par ussi tarah ke physical contact me aayi hai, jisme violence raha hai, jaise ki logon se ladna ya unhe maarna. Sara ke mutabik jab woh elementary school me thi, tab uski dost ke pita ne use kheencha tha aur Sara se strictly kaha tha, ki woh uski beti ko peetna band kare. Sara apni uss dost ke baare me kehti hai ki ‘woh ek patli, ajeeb si ladki thi, jise dekh aisa lagta tha jaise woh maar khane ko keh rahi ho.’ Sara jab apni uss dost ko maar rahi thi toh use pata bhi nahi tha ki woh kuch galat kar rahi hai, ya phir uski iss harkat se uski dost ko chot pahuchegi.
Sara apne teen siblings me se dusre number pe thi. Sara ke pita violent the, jabki uski maa cold-hearted thi. Shaayad yahi wajah rahi ki Sara ko affection kabhi pasand hi nahi tha. Kyunki Sara ke maata-pita ne use kabhi affection diya hi nahi. Sara kehti hai ki uske pita ghar me ek maatra kamaane waale the.
Par jab who ghar aati thi toh jyadatar wakt power-cut rehta tha, kyunki electricity bill nahi diya rehta tha. Sara ke pita apna paisa apne expensive hobbies pe lagate dete hai, jabki woh aur uske siblings lunch me oranges lekar jaate the.
Sara ko yaad hai ki woh ek sapna baar-baar dekhti thi, jisme me woh apne pita ko apne haathon se maar deti hai. Asal me psychologically yeh bhi post-traumatic ki hi nishaani thi, jo yeh dikha raha tha ki Sara ke pita ka bartaav Sara ko kitna aggressive bana raha tha. Sara ke mutabik yeh sapna kaafi thrilling tha. Woh dekhti thi ki kaise woh apne pita ke sir pe darwaze se waar karti hai, aur jaise hi woh zameen pe gir jaate hai toh Sara ki shakal pe ek ajeeb si muskaan dikhayi deti hai. Sara ke maata-pita uske ajeeb bartaav ko nazarandaaz karte rahe.
Sara jis tarah se logon ko manipulate karti thi, unhe dhokha deti thi, logon ko apne trick me phansati thi ,yeh saari baatein uske maata-pita ne nazarandaaz kiya. Sara ke mutabik woh jhuth bhI bolti thi aur logon ke samaan bhi churati thi, lekin jyadatar wakt woh unn logon ko aise manipulate kar deti thi, jisse log uski baat maan kar use apna samaan khud de dete the.
Sara kisi se bhi emotionally attached nahi thi. Woh har kisi ko robot ke alawa unhe kuch nahi samjhti thi. Sara samaan todti thi, use jalati thi aur logon ko nuksaan pahuchati thi. Sara ko accha lagta tha ki log usse darte the. kyunki iss wajah se woh khud ko powerful samjhti thi aur jab chahti thi tab logon ka fayeda unse uthati thi. Sara ke mutabik sociopaths ki nishaani me, aggression, risk taking behavior aur apne ya dusron ki health ki naa fikr hona shaamil hota hai. Sara jaise sociopaths ko maut se bilkul dar nahi lagta. unhe pata hota hai ki woh kabhi bhi Mar sakte hai lekin woh isse darte nahi hai.
Sara kehti hai ki bhale hi usne logon ka gala kaatne ka sapna kitni baar dekha ho lekin usne kabhi bhi aisa nahi kiya. Bhle hi woh khud iss baat pe hairaan hoti hai, kyunki uska ghar jitna abusive tha woh kabhi bhi, kisi ko bhi maar sakti thi. Sara ke liye 16 saal ki umar me khud ko kaidi ke kapron me haathon me हथकड़ी pehne dekhna uske liye jyada asaan tha. Lekin kam se kam woh aaj uss situation me nahi hai.
Toh yeh thi psychopath ladki ki kahani. agar aapko yeh blog pasand aaya toh ise share karna naa bhule.
