Uttar Pradesh khas kar waha ka ek jagah Chambal wo jitna dakuwo ke liye famous hai sayad hi kisi aur chiz ke liye mashoor hoga kyuki Sholay movie ki shooting bhi wahi hui thi aur toh aur jiss character par gabbar singh ka role tha wo gabbar singh bhi ek jawaane mein Chambal ka hi daaku tha. Aaj hum jaanenge chambal ki uss akhiri daaku ke baare mein jisse chah kar bhi waha ke log usse bhul nhi sakhte hai aur jisse chambal ka sher bhi kaha jata tha. Usne chambal ke ilaake mein aatank ko failaya aur do rajya Uttar Pradesh aur Madhya Pradesh ke bich mein 31 saal tak waha bina kisi se dare apna rajya banaye rakha tha
Nirbhay gujjar ka Janam saal 1961 mein ayana auraiya thana ke antargat Gangdaspur gaaon mein ek behad garib pariwaar mein hua tha. Uske pita ji Maan Singh ke paas 7-8 bigha zameen thi lekin wo zameen hone ka bhi unko koi faida nhi tha kyuki uss zamaane mein kheti karne aur sichai karne ke liye jada suwidha nhi thi, jiske kaaran fasal aachi nhi hoti thi. Uske pariwaar mein mata pita ke alawa 5 bahene aur ek chota bhai bhi tha, nirbhay ki ek bahene ki shaadi bhind ke ghinuchi gaaon mein kar di gayi thi. Lekin tab bhi unko ghar chala muskil ho raha tha aur bahut saare dikat ke baad bhi pariwaar ka bharan poshan mein bhi mushkile aati thi. Ab nirbhay ko samjh aa gaya tha ki agar ghar chala hai toh kuch na kuch karna hoga isliye usne choti moti choriya karna shuru kar diya tha. Uske khilaaf pahele maamla saal 1989 mein janpad jalona ke thana mein dakaiti mein darj kiya gaya tha, kuch din baad usse rihah bhi kar diya gaya tha uske baad wo waha ke ek chotey se gang mein judd gaya tha. 4 saal tak alag alag gang mein kaam karne ke baad saal 1990 mein Nirbhay ne khud ki gang bana li thi aur dheere dheere wo apni gang ko badhate chala gaya, usne kam dino mein hi apne gang mein 70 se bhi jada dakuwo ko apne gang mein shamil kar liye tha. Ab uska contact bahut mashoor ho gaya tha kisi ko kuch bhi kaam karwana hota tha toh wo sidha nirbhay ko bolte the aur wo kaam ho jaata tha yaha tak wo ab phone par baithe baithe amir logo ko kidnap karne ki salah deta tha uss wajah se Nirbhay ka daar purey gaaon mein fail gaya tha. Aur ab Nirbhay ka gang sirf ek gaaon tak simit nhi tha wo ab delhi se lekar Karnataka tak logo ka kidnapping karwata tha yaha tak jo uski madad karta tha wo uske sath bhi sauda karta tha aur loote huye paiso ko adha adha baat liya karta tha. Nirbhay jisse bhi kidnap karne waala hota tha usse 25 din ka mauka bhi de deta tha taaki wo khud saamne se paisa de jaaye warna 25 ke baad usse pakad kar maar diya jata tha, kai saari murder aur kidnapping ke baad uska gang amir ho chuka tha. Chori, dakaiti aur murder karne ke sath sath wo logo ke hanth pairr bhi kaat deta tha uske upar 200 se bhi jada maamle darj the , yaha tak ki usko pakadne ke liye uske upar Uttar Pradesh aur Madhya Pradesh ki government ne 2.5 lakh ki inaam rakhi thi. Khub saara paisa kamane ke baad Nirbhay ne apne gang ke liye mehenge- mehenge hathiyar karide the, unn hathiyaaro mein 315 banduk se lekar AK-47, Ak-57 jaise hathiyar the, yaha tak ki waha ke local police waale bhi nirbhay se darte the aur kai baar toh aisa hota tha ki khud police waale hi usse hathiyar dilwaya karte the.
Nirbhay ne do do Shaadi kar rakhi thi lekin uski dusri patni ne uske sath aisa kiya ki wo toot gaya tha. Ek din nirbhay ki dusri patni apne bete Shayam ke sath nirbhay sara paisa lekar bhaag gayi thi jiske baad Nirbhay toot gaya tha aur usne ye baat ailaan karwa di thi ki jo unn dono ko zinda ya murda pakde ga usse 21 lakh rupay inaam mein diye jaayenge, lekin kuch din baad unn dono ne khud hi surrender kar diya tha uske baad sab aache se rehne lage the lekin saal 2005 mein nirbhay ne 2 nabalik ladkiyon ka kidnap kar liya tha jisse bachane ke liye police aayi thi aur unn se kadai karte waqt nirbhaya gujjar mara gaya tha. Toh ye Kahani ho sakti hai aane waali movie Sholay 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
