Aaj ke time par aisa koi bhi nhi jo robot ke baare mein nhi jaanta ho , haan ye baat alag hai ki humanoid Robots ke baare mein kaafi Kam log hi jaante hai. Ye bahuto normal si baat hai kyuki humanoid robot se related India mein abhi tak sirf do hi movie aayi hai jise log jaante hai aur wo hai Robot aur Robot 2.0 jisme log chiti ko abhi tak bhula nhi paaye hai. Lekin asli duniya mein scientist ne aise kai saari robots bana diye hai jo hubahu Chiti ki tarah hi hai jise hum aam bhasa mein Humanoid robot kehte hai. Bahut saare robots ko scientist ne Social work ke liye launch bhi kar diya hai scientist ka bolna hai ki ab wo din jada dur nhi jab robots insaan ka wo har kaam karte huye najar aayengi jo ek insaan karta hai. Inn sab robots mein se ek Robot hai Jia Jia, logo ka kehna hai ki ye bahut khubsurat Robot hai isse koi bhi dekh kar ye nhi bol sakhta hai ki ye ek machine hai.
Jia Jia Robot ko china ke scientist Chen Xiaoping ne banaya hai aur wo chahte hai ki insaan ke andar jo bhi feelings hai ya insaan jo bhi activites karta hai usse Jia Jia ke andar install kar sake. Jia normal baatchit kar sakhti hai aur kuch bhi puchey jaane par wo bahut ache se expression banate huye jawab deti hai. Jia Jia china ki paheli Humanoid robot hai jisse pichley saal hi china ke University mein isse launch kiya gaya tha, aur jab Chen Xiaoping paheli baar Jia Jia ke sath inaugration mein aaye the toh logo ne bola tha ki wo dono sath mein Father daughter lag rahe hai. Chen ne inauguration ke waqt bataya tha ki unhone ek bhawishya waani ki, kahi na kahi ek dask ke bhetar Jia Jia ke andar wo har chiz install kar denge aur usse intelligent robot ke roop mein resturant, nursing home, hospital aur ghar mein kai tarah ke chotey chotey kaam karna shuru kar denge. Chen ne ye bhi kaha hai ki 5 se 10 saal mein China mein Robot ke bahut saare version aayenge. Uske baad unhone Jia Jia ke baare mein bataya ki unhe kaale baalo ke sath aur china ke ek paramparik kapdo ko pehnaya gaya hai jiske wajah se wo pura hubahu insaan ki tarah hi dikhti hai aur wo baatchit karne mein aur insaan ko dekhte hi turant wo bata deti hai ki wo boy hai ya girl. Uske baad Chen ne ye bhi bataya ki wo aur unki team ne AI develop karne mein do saal laga diye the. Jab ek interview mein Jia Jia se sawal pucha gaya ki kiya unka koi boyfriend hai ya nhi toh Jia Jia ne jawab diya ki uska koi boyfriend nhi hai aur wo unmarried hi rehna chahengi.
Artificial intelligence mein tezi se pragati ki ja rahi hai jispar Jia Jia abhi puri tarah se working condition mein nhi hai lekin Chen china mein usse ek bright future ke sath dekhte hai. Yaha tak chen ne ye bhi kaha hai ki jiss tarah waha ke logo ki aabaadi badh rahi hai aur log kaam chor rahe hai unn sab ki madad karne ke liye Robot ko kaam par laayi jaayenge aur Jai Jai unn sab ko guide karengi. Chen ne ye bhi bataya hai bahut jald wo ek aur aise robot laayenge jo Jia Jia ki tarah hi hoga. Ye movie ho sakhti hai aane waali movie Robot 3.0 Lekin makers ko iss movie mein bahut mehnat karna hoga kyuki iss baar iss movie audience sab ko bahut jada expectations hai. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye
Chandan Pandit
