Pichli video me humne Pooja Hegde aur Salman Khan ki dating rumors ki sacchai jaani, wahi aaj hum Pooja Hegde ki, film “Kisi ka bhai kisi ki jaan” ko lekar opinion jaanenge.
Sabhi jaante hai ki jab se Pooja ko yeh film offer hui hai, woh khud ko saatve aasmaan pe dekh rahi hai. Iski khaas wajah yeh hai, ki Pooja Salman khan ke saath pehli baar screen share karne waali hai. 2016 me Film Mohejo Daro se Bollywood debut karne waali Pooja ne apne abtak ke career me kayi saare filme ki hai. Lekin Pooja ke liye saal 2022 unke life ka turning point saabit hua. Pooja 2022 me aayi film Cirkus ka hissa thi. Iske alawa unhe issi saal Salman ne apni film “Kisi ka bhai kisi ki jaan” offer kardi. Kisi bhi struggling actor ke liye, Salman ka saath milna ek sapne jaisa hota hai. Wahi har Bollywood actress ek baar Salman ke saath screen share karna jarur chahti hai, jo mauka Pooja Hegde ko bahut jaldi hi mil gaya, lekin iss baat ne unke liye chunauti bhi kaafi badha di hai. Pooja kehti hai ki “pressure kaafi jyada hai aur mai philhaal kaafi nervous feel kar rahi hu. Par yeh sab kuch accha ki hai, kyunki Mujhe aage kayi saari acchi filmon ka aashirwaad mila hai.” Pooja ke mutabik woh iss film ko paakar kaafi jyada proud feel kar rahi hai.
13 October 2022 ko apna 32nd birthday manane waali Pooja ke liye, yeh din kaafi yaadgaar ban gaya. Asal me Bollywood ke Superstar Salman khan aur South ke Superstar Venkatesh ne milkar Pooja ke liye Birthday song gaaya. Pooja kyunki film ki shooting me busy thi, issi kaaran unhone apna birthday film ke set pe manaya. Pooja jab cake kaat rahi thi toh unke bagal me khade Venkatesh aur Salman “Happy Birthday” gaa rahe the. Pooja set pe apne birthday ko celebrate karne pe kehti hai ki, “Mujhe shooting karna bahut pasand hai, issiliye naye saal me kadam rakhne ka isse behtar tarika aur kuch nahi ho sakta. Saath hi set pe birthday manane ka bhi apna alag hi maza hai”.
Khair, yeh toh thi film ki lead actress Pooja Hegde ki baat. Par kya aap jaante hai ki film ki lead cast me shaamil Raghav Juyal ko Salman ki daant ka saamna karna pada tha? Ji haa! Asal me 2022 ki shuruat me iss film ko lekar kaafi charcha ho rahi thi. Tab maana jaa raha tha ki film me Ayush Sharma bhi lead kirdaar me nazar aane waale hai, par phir film ki cast achaanak badal di gayi, jisme kayi dusre kalakaar ka naam jood gaya. Raghav ne bhi issi baat ko apne social media pe post kar diya tha. Asal me Raghav ne apne Instagram handle pe ek article share ki thi, jisme likha tha ki ‘Salman khan ki film “kisi ka bhai kisi ki jaan” me Raghav Juyal, Siddharth Nigam aur Jassi Gill shaamil hone waale hai. Wahi Ayush Sharma ko baahar ka raasta dikhaya gaya hai.’ Film ke taraf se cast ko lekar koi revelation nahi ki gayi thi. Issi kaaran Raghav ka yu social media pe jaakar film ke cast ko disclose karna Salman ko zara bhi pasand nahi aaya. Maana gaya hai ki Raghav ko film ke cast ke naam leak karne ke liye Salman ne unhe Phatkaar lagayi hai. Yahi kaaran raha ki post karne ke thik 5 min baad, Raghav ne apne iss post ko delete kar diya, jisse media aur fans ka dhyaan unki yor aur chala gaya. Halanki kuch dino baad Raghav ko jab sach me permission di gayi, tab unhone apni yor se official statement release karte huye kaha ki, woh Pooja Hegde aur Jassi Gill ke saath film me important role play kar rahe hai. Raghav ne yeh bhi kaha ki yeh film unki abtak ki gayi filmon se kaafi alag hogi. Shaayad Raghav bhi iss film me Villain ka kirdaar nibha rahe hai. Iske alawa South ke Superstar Venkatesh aur Olympic gold medalist boxer Vijender bhi bhai ki iss film me Villain ka kirdaar nibhane waale hai.
Aisa lagta hai ki ab iss list me Raghav Juyal ka bhi naam jood gaya hai.
Khair, aaj ke liye bus itna hi, agar aapko video pasand aaya toh ise like karna naa bhule dhanyawaad.
The End