Herb Stewart ek bahut hi famous architect hai America mein. Herb khud toh bahut handsome dikhta hi hai, magar uski beti Morgan Stewart ke jalwe pure America mein famous hain. Beverly Hills mein jitney bhi high- end retail stores hain, jin mein bade bade luxury designers ke bags, perfumes, kapde, joote sab bikte hain, unn stores ka architecture khud Herb ne design kiya hai. Harr store alag theme ko dhiyan mein rakh kar banaya gaya hai jiski usse kaafi achi payment mili hai, aur isi liye hi Herb America ke ameeron ki list mein kaafi upar aata hai.
Morgan Stewart, jo ki Herb ki beti hai kaafi sundar aur stylish hai. Morgan badhi hui hai inhein luxury stores mein shopping karte hue. Uske baap ke paas abb paison ki kami toh hai nahi, toh bus Morgan apni zindagi lavishly jeena ache se jaanti hai. America ka ek show “Rich Kids of Beverly Hills” ki star bhi reh chuki hai Morgan. Uss show mein Louis Vuitton bags se lekar, Jimmy Choo ke joote Morgan bus yun hin chalte phirte le leti hai. Iss show mein sabhi naamcheen logon ke bigde hue bachon ki lifestyle, unka taste, unka class dikhaya jata hai. Yeh ek reality show hai jismein yeh sabhi ameer baap ki betiyan apne shalk batati hain. Aur Morgan bhi show mein yahi karti dikhi hai. Aaj ka zamana hai blogging ka toh Morgan khud ek influencer or blogger bhi bann chuki hai. Woh khud ko star toh maanti hi hai, magar woh apne style se, apne fashion sense se logon ko inspire bhi karna cha rahi hai.
Morgan zyada padi likhi toh nahi hai, magar woh jaanti hai uske paas itne paise hain ki woh aur uski aage ki 7 generations kha sakti hain. Herb ne aakhir itna paisa jo banaya hai. Pura show bus uske travel details, party plans aur beach vacations par focused hai, aur Morgan ka yahi andaaz kaafi ladhkiyon ko pasand bhi ata hai. Aur ladhkiyon ko hi kyun, ladhke bhi Morgan ko khoob pasand karte hain. Aise mein Morgan apni dream wedding bhi aise hi kisi ameer ladhke ke saath karna chahti hai iss show mein. Herb bhi aise hi nahi apni beti kisi ko bhi dega. Uss reality show ko dekh kar sabhi ko pata chalta hai ki “inside the life of rich” kaisi hoti hai. Toh aise mein kaun hoga jo iss ameer baap ki ladhki ko pata kar lekar jaayega reel life mein?
Kya Houseful 5 mein Morgan ka role hi koi B Town actress nibhaayegi? Waise bhi harr baar Akshay Kumar aisi hi kisi ameer ladhki ko phasa lete hain, toh kya pata iss baar Europe nahi balki America ke Beverly Hills ki classic beauty ho Akshay ka love interest!
Description
Morgan Stewart is a famous rich kid, and her character can be taken for a movie in Bollywood.
-By Pratima Ratwani.
