Judwaa janam lena ye sab bhagwan ke hanth mein hai lekin uske baad uss chiz ko lekar plan karna ab lagta hai insaan ke hanth mein bhi hai . Abhi haal hi mein America ki twin sisters bahut jada limelight mein hai kyuki ek toh wo khud twins sisters hai dusra ye ki unhone twin brothers se shaadi ki aur toh aur unke bache bhi twin hi dikhte hai. Jiske baare mein hum baat kar rahe hai wo Briana aur Brittany hai. America ke Virginia mein rehne waali dono twins sister bachpan se hi bahut chulbule mood ki hai unn dono se aaj tak bachapan mein jo bhi kiya hai sab sath mein kiya hai. Yaha tak ki jab wo college mein thi toh unhone ek ki college aur ek hi stream ko chunna uske baad unhone apna career issi field mein banani ki sochi ki kyu na apne iss advantage ka faida uthaya jaaye. Inke college ke teacher aur professor ka bhi kehna hai ki ye dono sisters bachpan se hi bahut shararti hai aur toh aur kabhi kabhi aisa bhi hota tha ki galti koi aur karta tha aur daat kisi aur ko mil jaati thi. Briana aur Brittany hamesha se jo bhi karti thi ek sath hi karti thi yaha tak ki unhone ye bhi bola tha ki wo dono ek dusre se itne piyar karte hai ki unko kisi dost ko jarurat bhi kabhi mehsus nhi hui aur wo ek dusre ko samjhti bhi thi.
Jab dono behne badi hui toh unhone socha ki agar ye possible hua aur agar unko twins brother miley toh wo unnse hi Shaadi karna chahengi aur shayad bhagwan ji ne unki ye baatein suun li aur unko ek twin brothers se milwaya gaya. Wo dono bhai Jax aur Jet identical twins nhi the wo dono cousins the lekin unn dono ke andar DNA lag bhag ek hi the. Jab Briana aur Brittany se interview mein pucha gaya tha ki wo Jax aur Jet se kaha miley toh unhone bataya ki saal 2017 mein unke friend ke ek party ke dauraan unki mulaakat hui thi , aur jiss party mein wo log miley the wo party sirf twins ke liye hi organise kiya gaya tha. Ab jab unhone ek dusre ko dekha toh wo ek nazar mein hi ek dusre ko pasand kar kiye the uske baad kuch waqt tak unhone ek dusre ko date liya aur 6 mahine ke andar unhone shaadi kar li. Shaadi ke waqt maano jaise ek ke saamne kisi ne aaine rakh diyo ,idhar Jax aur Jet toh udhar Briana aur Brittany ek dusre ke Xerox copy lag rahe the. Unhone apne shaadi ko live TV par broadcast karwaya aur uss Shaadi mein unhone sirf twins ko hi as a guest invite kiya tha. Uske baad kiya tha ab dono hi couple jo bhi karte the ek sath karte the phir chahe kahi ghumne jaana ho , date par jaana ho ya baby karna ho. Interview mein unn dono couples ne kaha tha ki agar wo baby karenge toh sath hi karenge kyuki abhi tak wo jitna bhi kaam karte aaye hai sath hi karte aaye hai. Kuch waqt ke baad unhone pregnancy bhi announce ki aur instgram par bhi post kiya ki wo dono twin sister pregnant hai jispar kaafi aache aache aur jokes jaise bhi comments aaye the.
Jab unhone apne baby ko janam diya toh unhe bhi apni aankho par biswas nhi hua kyuki unka baby bhi ek dusre ke hamshakal the, doctor ne iss situation ko quaternary twins kaha aur uske baad ab ye dono bache bhi mashrur ho gaye jitne unke mata pita the. Aaj bhi wo kahi bhi jaate hai toh sath mein hi jaate hai aur yaha tak ki unko outfits bhi same hoti hai jisme unn dono ko pehchan paana kaafi muskil hota hai. Puri duniya mein iss tarah ke lagbhag 309 pariwaar hai aur issi usi bich unhone ye bhi bataya tha ki wo bache ek anokhi situation mein janam liye hai isliye wo normal cousin se jada ek dusre ke karib hai aur unka janam bhi 9 mahine se pahele ho gaya tha aur Aaj ye pariwaar twins pariwaar mein sabse jada mashur hai. Ye kahani ho sakhti hai aane waali movie Judwaa 3 ki , aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
