Jab jab punarjanam ki baatein media ke saamne aati hai phir kaha wo kisi se chip paati hai waisa hi kuch hua tha manisha ke sath jab usne apni punarjanam ki kahani batayi thi. Jab waha ke bade logo ne ye baat jaani toh unhone bataya ki baat puri sach hai kyuki Bhagwat Geeta mein ye saaf saaf likha hai ki har insaan ka 7 baar janam hota hai aur Mahabharat mein kaanto ki saiya par lete Bhishma Pitamaha bhi apne pichley janam ka karam bhog rahe the jiske wajah se wo Mahabharat khatam hone tak kaanto ki saiya par lete rahe.
Rajasthan ke Gujjar pariwar mein Manisha ka janam hua tha jiske kuch saal baad usne apni punarjanam ki kahani aisi hi batayi thi, usne dawa kiya ki wo unki mari hui beti Suman thi jiski 14 December saal 2000 ko 15 saal ki umar mein typhoid se mrityu ho gayi thi. Manisha abhi ek choti bachi hi thi jisse pichley janam ke yaadon ne gher liya tha. Jab usne apne ghar waalo ko bataya toh wo pahele nhi yakin kar paaye lekin jab usne apne pichley janam ke pitaji ke baare mein unhe bataya tab jakar unhe Manisha ki baaton par yakeen hua. Jab Manisha ke pichley janam ke pitaji se pucha gaya ki unko ye jaan kar kaisa laga tha toh unhone bataya ki Manisha unhe dekh kar turant unnse gale mil gayi thi aur living room mein jakar suman ke photo par chadhe haar ko uttar pheka aur behad khush hui thi apne ghar aakar.
Manisha ka Janam rajasthan ke alwar ke paas milakpur naam ke ek chotey gaaon raampal aur khilli devi ke yaha hua tha. Do saal ki umar mein jaise hi Manisha bolne lagi usne clearly apne mata pita ko bataya ki wo suman hai Manisha nhi . Khilli devi toh pahele ye suun kar chup rahi aur usse kuch nhi boli kyuki unko laga bachi hai isliye abhi kuch bhi bol rahi hai lekin jab bhi usse Manisha keh kar bulaya jata tha usse bahut gussa aata tha jiske baad wo sabko chilla chilla kar bolti thi ki wo Manisha nhi suman hai aur usse apne maaa baap ke paas wapas Jana hai. Jaise jaise wo badi hoti gayi usne clearly apne pichley janam ke baare mein saari baatein aache se yaad aane lagi aur tab jakar usne apne naye mata pita ko bataya ki uske pichley janam ke pita ka naam Kamal aur maa ka naam Santosh tha, aur wo apne 3 bhaiyon ke sath Kamal mandir ke paas ek teesre floor waale ghar mein rehti thi. Jiske baad usne ye bhi bataya ki jab wo school jaati thi toh kon se colour ki tie aur belt pehna karti thi aur ye baat suntey hi uske ghar waalo ko bahut jor ka jhatka laga kyuki Manisha abhi bachi thi wo school nhi jaati thi toh kaise usne ye sab bataya aur toh aur usne apni pichley janam ki maut ka kaaran bataya toh wo bhi sab suun kar dang reh gaye the.
Ab jab ghar waale uski baaton par biswas karne lage the toh unhone socha ki kyu na isse unse milaya jaaye, pahele toh unhone ye pata lagwaya ki kamal naam ke koi shaqs hai bhi ya nhi aur baad mein pata chala ki sach mein wo log waha se 30 kilometres dur tejara aur tihali mein rehte hai. Waha jaane ke baad unhone socha ki wo direct jakar baat nhi karenge ek do din rukenge uske baad saamne se baat ki jaayegi, lekin Manisha khud ko rok nhi pa rahi thi wo roj apne pichley janam ke mata pita ko track karti thi lekin kabhi himaat nhi juta paati thi ek din aakhir kaar wo unke pichey pichey unke ghar chali gayi phir usne unko apni sachai batayi pahele toh unko biswas nhi hua lekin jab usne apne maut hone ki wajah batayi aur jo baat sirf suman aur unke ghar waale jaante the wo saari baatein batayi toh unko yakeen ho gaya ki Manisha unki hi Suman hai jo iss janam mein Manisha bann kar aayi hai aur ab unke hisaab se Manisha dono ghar ki beti hai aur usse dono ghar ka piyar bhi mil raha hai, yaha tak ki Manisha ab waha roj aana jaana karti hai aur wo Khush hai aapne mata pita se milkar. Ye kahani ho sakhti hai aane waali movie Karan Arjun 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
