Bahut pehle ki baat hai. 2 dost apne Delhi ke college mein yunhin tehl rahe the. Dono ke haath mein akhrot the. Ek ek kar kar yeh inn akhrot ke cover se akhrot nikaal kar kha rahe the. Magar baat yeh thi ki yeh akhrot khaate samay jo akhrot ka cover tha usse peeche phek rahe the. Iss baat se anjaan ki yeh akhrot ka cover kahan lag raha hai, yeh araam se chalte ja rahe the.
Abb kuch der baad hi inhein laga ki inke peeche kuch awaaz aa rahi hai. Baat yeh hui ki jab inhone peeche mudhkar dekha toh dher saari madumakhiyan inke peeche aarahi thi. Jo akhrot ka cover yeh peeche phenk rahe the woh inhein madumakhiyon ke chatte par jaa lag raha tha. 1 minute ke andar inke peech madumakhiyan padh gayi thi, aur yeh turant hi wahan se bhaagne lage. Bhaagte bhaagte yeh dono dost paas ke hi Police station mein ghuskar chupne lage.
Itna bhaagte bhaagte, apni jaan bachate bachate inhein darr lag gaya ki agar itni saari madumakhiyan inhein kaatengi toh inka kya hoga. Isi liye inhone wahan jaate hi raahat lene ke liye washroom dundha. Yeh dono bhagte bhagte Police station ke washroom mein ghus gaye. Wahan par inhone paani maarna start kardiya, jisse madumakhiyan inke paas hi nahi aa parahi thi. 10 minute iss water war ke baad madumakhiyan chali gayi. Yeh dono dost pur ghile ho chuke the, aur toh aur dono ne pure Police station ko bhi holi khila di thi.
Inn dono ko bilkul realize nahi hua ki inhone kya kiya hai. Jab yeh paani maar rahe the, toh inhone dekha hi nahi ki yeh dono Police station par hain. Paani maarte maarte inhone pure Police station ko pani pani kardiya tha. Sabhi Policewalon ki wardi ghili hogayi thi, aur sabhi registers bhi paani mein doob chuke the. Sabhi kaisi dekh kar hass rahe the, aur toh aur Police station mein complaint likhane aaye kuch aur log bhi Police station ko pagal khana samjh kar laut gaye.
Itna hi nahi inn dono ne darr ke maare khud ko bhi gila kar liya tha, jiski wajah se inhone apni T-Shirt bhi utaar di thi. Abb madumakhiyon ko chodkar Policewale inke peeche pade the. Department ke head inke paas aaye, aur unhone inko bhaga bhaga kar Police station se bhaar nikala.
Iske baad sabhi ke sabhi zor zor se hasne lage.
Bus aise hi aapko bhi bahut hasne ko mil sakta hai Housefull 5 mein. Hamesha se Akshay aur Ritesh aise hi utpatang tarike se sabko hasate aaye hain. Toh kya pata iss baar bhi aisa hi ho.

-By Pratima Ratwani.