yeh kahani hai October 1913 ki, jab Victor Bayley(बेली) ki posting Shimla me hui thi, kyunki unhe Railway board ka assistant secretary banaya diya gaya tha. Nayi naukri lagte hi Victor Bayley apni wife ke saath Shimla aa gaye, lekin unke paas rehne ke liye ek accha ghar nahi tha. Victor aur unki wife Shimla me apne liye ek aache ghar ki talaash karne lag gaye. Iss beech Victor aur unki wife ki nazar “Charleville mansion”(चार्लेविल) pe padi, jise unhone apne naye ghar ke taur pe chuna. Victor Bayley ne Charleville mansion ko issiliye apna ghar banaya, kyunki Shimla me baaki gharon ke mukaable Charleville mansion ka rent kaafi sasta tha.
Charleville Shimla ke khubsurat पहाड़ों me बसा tha. Aise me jab itna sundar ghar itne saste daam pe agar mil raha ho, toh ise kon nahi lena pasand karega. Issi soch ke saath Victor Bayley apni wife ke saath Shimla ke Charleville Mansion me shift ho gaye. Lekin unhe yeh baat nahi pata thi ki iss Mansion ka rent issiliye itna sasta tha, kyunki yeh asal me haunted thi.
Victor Bayley se bhi pehle iss mansion me ek Army officer rehte the. Officer bhale hi bhooton pe vishwaas nahi karte ho, lekin tab bhi woh iss mansion ke bhootiya rahasya ke baare me pata lagana chahte the. Issi kaaran uss officer ne, apne upar waale uss kamre ko lock kar diya, jisme sabse jyada paranormal activities hoti thi.
Ek raat officer ne uss band kamre me se, ज़ोर se samaanon ke gidne ki awaaz suni. Awaaz ko sunkar jab officer uss kamre ko check karne gaye, toh kamre ka nazara dekhte hi Officer kaafi chaunk gaye the. Asal me uss band kamre me rakha saara samaan apne aap ulta ho chuka tha aur jyadatar cheezen toot kar, pure kamre me bikhri padi thi. Kamre ki haalat ko dekh kar officer itne darr gaye ki unhone ussi raat uss mansion ko chod diya.
Officer ki iss kahani ko sunne ke baad bhi Victor Bayley aur unki wife ne iss mansion me rehne ka faisla kiya aur aane waale 1 saal tak woh dono ussi mansion me rahe.
1 incident ko chod de, toh mansion me jyadatar wakt Victor aur unki wife ne shaanti se guzaare. Yeh सर्दी की ठंड raat thi, jab Bayleys kahi baahar ek dinner party me gaye the. Ghar me naukar unke aane ka intezaar kar raha tha, lekin ussi beech use aisa laga, jaise ki uske maalik pehle se hi kamre me maujood ho. Naukar upar ke kamre me apne maalik se puchne gaya ki kahi unhe kuch chahiye toh nahi. Maalik yaani ki Victor ne usse kuch nahi kaha aur kamre ke band darwaaze se woh aar-paar hokar baahar nikal gaya. Jab Victor aur unki wife ko waapas lautne ke baad, iss incident ke baare me pata chala toh unhone bina apna samay gawaaye Charleville Mansion ko humesha-humesha ke liye chod diya. Bayleys ke baad bhi kuch log samay-samay pe iss ghar me rehne aaye, jinhone bhi alag-alag tarah ke daravne incident ko face kiya.
Aaj ke daur me iss mansion ko koi Indian own karte hai, jinhone iss mansion ko puri tarah se renovate karwa diya hai. Lekin aaj bhi mansion ke paas se guzarne waale log, British bhoot ko mansion me bhatkte huye paate hai.
British raaj ke dauran Himachal Pradesh ke Shimla ko “Summer capital” banaya gaya tha, kyunki desh ki garmi ko Britishers sehan nahi kar paate the. Issi kaaran garmi ke dino me Britishers apna rukh Himachal ki yod karte the. Wahi issi beech kayi aise accidents huye, jis kaaran aaj bhi Shimla ka jyadatar ilaaka haunted ban chuka hai. Azaadi ke 75 saal baad bhi Shimla ke school se lekar waha ke mansion tak me, Britishers ke bhooton ko aaj bhi feel kiya jaa sakta hai.
Toh yeh thi aaj ki kahani. Ho sakta hai Bhool Bhulaiyaan-3 me iss baar kirdaar West ke badle North India ke kisi mansion me apna rukh kare, jaha pe pahuch kar unhe kayi saare aise ajeeb-o-gareeb incident face karne ko milenhe, jise dekhte hi darshak bhi kauf se kaanp uthenge.
The End