Nainital ek bahut hi khoobsurat seher hai Uttrakhand ka. Aur aise seher mein bahut se tourists bhi aate hain apni chuttiyan bitaane. Abb inn tourists mein families hoti hain, friend’s ka group hota hai aur couples bhi hote hain.
Aise mein 22 May 2018 mein ek couple ko bachata dikha tha Gagandeep Singh. Gangandeep Singh ek achi build ka Police Officer hai. Woh hota hai na jiske dole sholey hote hain, bilkul waisa. Magar sirf body hi aisi nahi thi Gagandeep ki, woh toh apne hao bhaao se bhi bilkul Dabangg hai. Usse naa toh kisi se dar lagta hai, aur naa hi woh galat cheez bardaasht kar sakta hai!
Uss din bhi Gagandeep sahi ke liye aage aya tha. Darsal Nainital ke ek mandir mein bahut bheedh thi. Kayin log darshan karne aaye the aur kayin mandir dekhne. Aise mein bahut log mandir mein bahut der se line mein khadhe the. Tabhi kuch logon ne dekha ki ek Muslim ladhka apni Hindu lover ke saath mandir mein ghus gaya hai. Ladhka aur ladhki young hi the, aur dono hi shanti se line mein aage badh rahe the. Abb mandir mein aaye kuch logon ko iss Muslim ladhke ka mandir mein ghusna ganwara nahi tha, aur woh chilakar iss ladhke ko dhakelne lage. Yeh bade bade kuch Hindu ladhke hi the. Uss Muslim ladhke ne inse kaha bhi ki woh sirf darshan karne aya hai, aur jaise Hindu riti riwz hote hain bilkul waise hi aage badh raha hai, magar yeh log nahi maane aur uss par chilkar usse dhaka dene lage.
Gangandeep bhaar hi tha uss samay. Jab usne andar awaaz sunni toh woh dauda chala aya. Turant hi usse samjh agaya ki Muslim ladhke ke saath galat ho raha hai. Mandir Hindu yaa Sikh ka thodi hota hai! Jisko jahan prathna karni hai woh wahan aa sakta hai. Toh phir bus dharam ke naam par yeh kaisa bhed bhaav!
Gagandeep turant hi aakar uss Muslim ladhke ki hifazat karne laga! Usne apne saathiyon ko bhi bulaya aur unse bhi usne crowd ko shaant karne ke liye kaha. Gagandeep ne logon ko samjhaya bhi, aur apne bal se kayin logon ko side bhi kiya jo zyada bol rahe the dharam ke naam par.
Kyun ki Gagandeep ek Policewala tha toh woh situation ko control mein kar paya. Usne Muslim ladhke aur uss ladhki ko araam se mandir se nikala aur law aur protocols bhi nahi tode.
Baad mein uske saathiyon ne usse saraha aur pucha ki usne yeh jokhim kyun uthaya? Tab Gagandeep ne samjhaate hue kaha ki uske liye pyaar hi sabse bada dharam hai. Woh ladhka apni ladhki se itna pyaar karta tha ki Muslim hokar bhi mandir mein aya. Toh uska farz banta tha uske pyaar ki hifazat karna!
Toh bus Gagandeep ki jhalak hamein Dabangg 4 mein dekhne ko mil sakti hai. Kya pata hamare Chulbul Pandey bhi aise hi kisi pyaar karne waali jodi ki hifazat karein.
-By Pratima Ratwani.
