Rodrigues naam ki ek ladhki ne headlines mein apni jagah bana li thi. Rodrigues ek Christian ladhki thi jo ki Vasai mein rehti thi. Uski umar 24 saal thi, aur usne college complete karliya tha. Rodrigues dikhti toh choti thi, magar woh hote hain na “chota packet bada dhamaka”, toh Rodrigues ki personality kuch waisi hi thi.
Rodrigues hamesha se hi sports mein aage rahi thi, aur woh college ke baad bhi apni physique par dhiyan deti thi. Toh hua yun ki ek din Rodrigues gym se subah subah laut rahi thi. Kariban 6 baje ki nikli hui Rodrigues 8:30 baje wapas jaa rahi thi. Uska gym paas mein hi tha, toh woh chal kar hi aya jaya karti thi. Vasai mein itne saare gyms toh the nahi, isi liye wahan ki sabhi societies ke liye ek hi gym tha jismein Rodrigues bhi jaati thi.
Uss din jab woh laut rahi thi, tab usne dekha ki 1 aadmi kuch ajeeb si harkat kar raha hai. Uske paas ek bada sa bag tha, aur woh zameen par baith kar kuch nikaalne ki koshish kar raha tha. Rodrigues uske paas gayi aur usne uss aadmi se pucha ki woh kya karna chahta hai! Tab woh aadmi ghabra gaya, aur usne kaha ki woh ek real estate agent hai, aur woh paas ke hi area mein rehta hai. Uski wahan ek anguthi gir gayi hai isi liye woh neeche usse dhundh raha hai. Rodrigues ne zyada kuch pucha nahi aur woh wahan se chali gayi. Magar woh jaanti thi ki woh aadmi jooth bol raha hai. Uske haath mein screwdriver tha jo usne Rodrigues ke aate hi chupa diya tha. Isi liye Rodrigues wahan se gayi nahi. Balki woh chupke se uss aadmi ko dekhne lagi. Usse dekhte samay Rodrigues ko samjh aya ki woh paani ki motor chura raha hai. Tab Rodrigues ne ussi samay chila diya jiski wajah se aas paas ke logon ko bhi situation pata chal gayi. Chor achanak se bhaagne laga aur Rodrigues ne uska peecha karte karte usse pakdh bhi liya. Kyun ki Rodrigues bilkul fit thi toh woh 1 minute mein hi chor ko pakdhli thi. Itna hi nahi uski haatha paayi bhi hui uss chor ke saath, magar Rodrigues ki pakdh itni mazboot thi ki jab tak Police nahi aayi tab tak chor hil bhi nahi paya!
Toh aisi Dabangg ladhki par Police walon ka bhi dil aagaya aur yahi ho sakti hai Dabangg 4 ki love story. Kya pata Chulbul Pandey iss baar apni Dabangg lover se kuch issi tarah milein?
Yeh toh dekhne layak hoga ki iss baar kaun aur kaise Salman ka dil chura kar lekar jaayegi!
-By Pratima Ratwani.
