PS Rajput aur Maria Zuberi 2 aise naam hain jo hum sabko pata hone hi chahiye! Yaa yun kahein ki inn dono ke jaise aur bhi kayin jaabaaz hamein hamari country aur country ke rehwaasiyon ki protection ke liye chahiye hi honge!
PS Rajput pilot the aur Maria Zuberi co pilot thi uss plane mein jis plane ne bahuton ki jaan bachali. 2018 ki baat hai. Yeh hadsa July mein hua tha jab PR Rajput aur Maria dono cockpit mein baithe the aur unhein samjh aagaya tha ki unke plane ka engine kharab hogaya hai, aur backup ka koi option nahi hai. Yeh plane ek chota plane tha joki Juhu airport Mumbai se udaa tha. Yeh ek 12-seater Beechcraft King Air C90 model aircraft tha jiske pilot aur co-pilot PS Rajput aur Maria the. Pehle 10 minute plane sahi tha magar Ghatkopar area ke upar se udhte samay iss plane ka control inke haathon se chala gaya.
Uss area mein agar plane crash karte toh hazaaron ki jaan chali jaati. Jo plane mein baithe the unki toh jaan jaati, magar itna bada plane jab crash hota toh neeche dhamake se bhi bahut log maare jaate. Isi liye hi inn pilots ke upar zimma tha ki yeh kaise kam se kam logon ki jaan ko khatre mein daalein. Abb jab tak plane ke controls inke paas the tab tak yeh plane ko aisi taraf deviate kargaye jahan ek construction site thi.
Dur se Captain ne apni co-pilot ko batate hue yeh instructions diye ki plane ko southwest direction mein modha jaaye. Isse plane ki crash landing wahin hogi. Pilot aur co-pilot jaante the ki yeh kuch akhiri moments hain unke kyun ki plane ko crash hone se koi nahi bacha sakta tha, isi liye hi dono apne akhiri moment par bhi hosh aur awaaz mein plane ko udha rahe the.
Plane jab construction site par land kiya toh uss samay wahan koi nahi tha. Construction site ke workers bhi uss samay lunch ke liye gaye hue the, isi liye hi unke liye wahan par koi khatra nahi tha.
Plane crash kiya aur ussi samay plane mein majood sabhi logon ki maut hogayi. Magar aas paas ke area aur construction site par kisi ko chott bhi nahi aayi!
Yeh dono hi pilots apni team ke best pilots the. Dono ki knowledge kaafi achi thi, aur toh aur dono hi khushmijaaz bhi maane jaate the!
Toh bus aisi hi kurbaani hamein Sooryavanshi 2 mein bhi dekhne ko mil sakti hai. Akshay Kumar ke khaas saathi, jo ki unke righthand honge aur pilot bhi, woh hi iss plane crash mein maare jaayenge!
-By Pratima Ratwani.
