Sarpanch kaun hota hai?
White dhoti pehen ne wala, badi muchon wala aur ek saafe wala buddha aadmi?
Yahi image hai Sarpanch ki! Magar Rajasthan mein Radha Devi ne yeh soch badal di hai. Radha Devi sach mein Devi hai. Bhadsiya gaon mein chunni gayi Sarpanch Radha Devi pure gaon mein famous hai. Isi liye nahi kyun ki woh mahila hai, balki isi liye kyun ki woh ache khaase aadmi ko apne gyaan se, aur apne rutbe se gira sakti hai!
Bhadsiya gaon bahut chota hai, magar Radha Devi ne iss gaon mein crime ke against bahut awaaz uthayi hai. Jiss gaon mein pehle illegal baal vivah hota tha, aurton ko band rakha jata tha, ussi gaon mein harr mahila yahan abb chain ki saans le sakti hai. Radha Devi se sabhi Policewale bhi darte hain. Jab kabhi gaon mein sarpanch ke saath meeting hoti hai, toh Policewale bhi apna chai paani chodkar wahan majood rehte hain taaki Sarpanch ko koi dikkat na ho, aur sabhi logon ki dikkatein sunni jaayein.
Aise mein thode hi din pehle ek meeting mein yeh charcha hui ki gaon mein government schools mein attendance kam hone lagi hai kyun ki log bachon ko chote chote kaamon mein laga rahe hain. Jaise kheti baadi yaa ghar ke aur kaam. Radha Devi khud paanchvi tak hi padi hain aur woh jaanti hain ki bachon ko padhana bahut zaroori hai, isi liye khaas kar iss meeting mein Radha Devi ne apne khaas Police officer Chaudhary Ji ko iss duty par bandh diya hai ki, woh ghar ghar mein jaakar yeh dekhenge ki bachon ko school bheja jaaye!
Radha Devi itni Rowdy hain ki unki baat koi tahl nahi sakta. Aaj tak bhi log Sarpanch se toh darte hain, magar Radha Devi ka aisa asar hai ki Chaudhary Ji turant hi iss kaam ke liye maan gaye. Radha Devi ne sabhi ko chetawani de di ki agar koi bhi unki agya ka paalan nahi karega, toh woh unhein pareshaan kardengi aur unhein gaon chodkar jaana hi padega. Isi liye hi Radha Devi ke saamne koi kuch nahi bolta, aur harr koi haan mein sar jhuka deta hai.
Abb aise raub waali Sarpanch se kaun hi panga lena chahega. Magar haan Radha Devi sab sahi hi karti hain, isi liye iss gaon ka crime rate bahut kam hai. Agar koi aakar panchayati karta hai, toh Radha Devi usse uski jagah dikha deti hai.
Aise mein koi competition agaya Radha Devi ka toh?
Agar kisi ne challenge kardiya Radha Devi ko toh?
Abb Rowdy Rathore bhi rehta toh aise gaon mein hi hai. Toh kya pata iske sequel mein Radha Devi jaisi bold Sarpanch movie mein dikhayi jaaye!
Aap hamein comment kar kar batayein ki kaun aise Sarpanch ka role adaa kar sakta hai?

-By Pratima Ratwani.